పెయిడ్ నెగెటివిటీని తట్టుకుని ‘వాల్తేరు వీరయ్య’ ఎలా గెలిచాడు.?

ఓ సినిమా ఫ్లాప్ అవ్వాలనే కోణంలో నెగెటివిటీని పెంచేందుకు ‘ఖర్చు చేస్తే’.! కాస్త వింతగా వుంది కదా.? ఔను, ‘వాల్తేరు వీరయ్య’ సినిమాని చంపేసేందుకు ‘పెయిడ్ మాఫియా’ చాలా చాలా కష్టపడింది. చందాలేసుకుని మరీ నెగెటివిటీని ప్రచారం చేసింది ఈ పెయిడ్ మాఫియా.

ఈ సంక్రాంతికి ‘వాల్తేరు వీరయ్య’తోపాటు ‘వీర సింహా రెడ్డి’నీ ప్రేక్షకుల ముందుకు తీసుకొచ్చింది. మైత్రీ మూవీ మేకర్స్. రెండు సినిమాల్నీ ఒకే సంస్థ నిర్మించినప్పుడు, ఓ సినిమా ఫ్లాప్ అవ్వాలని కోరుకోవడమేంటి.? ఎందుకంటే, ఇక్కడ కుల జాడ్యం అలా వుంది మరి.!

ప్రధానంగా ఓవర్సీస్ మార్కెట్ మీద ఈ కుల జాడ్యం తీవ్ర ప్రభావం చూపుతుందని సోకాల్డ్ కుల మాఫియా నమ్మింది. ఈ క్రమంలోనే ‘వాల్తేరు వీరయ్య’ మీద అస్సలు బజ్ లేదనే ప్రచారం చేసింది. దానికి తగ్గట్టే, సినిమా ప్రమోషన్ల విషయంలోనూ ‘వాల్తేరు వీరయ్య’ తేలిపోయిందనే ప్రచారమూ తెరపైకొచ్చింది.

సినిమా విడుదలయ్యాక.. థియేటర్లలో జనం కేరింతలు కొడుతున్నా డిజాస్టర్.. అనే ప్రచారం చేశారు. ఇక్కడితో ఆగలేదు.. రోజులు గడుస్తున్నాయ్.. క్లియర్ విన్నర్ వాల్తేరు వీరయ్య.. అని తేలిపోయాక కూడా, సినిమాపై నెగెటివిటీ ఆగడంలేదు.

చిరంజీవి మీద నెగెటివిటీ అనేది ఇదే కొత్త.. అనుకుంటే పొరపాటే. చాలాకాలంగా జరుగుతోందిది. కాకపోతే, ఇప్పుడది మరింతగా వెర్రి తలలు వేస్తోంది. ‘ఆచార్య’ సినిమాని తామే ఫ్లాప్ చేయగలిగామని ఆ పెయిడ్ మాఫియా నమ్ముతోంది. ఈ విషయంలో పెయిడ్ ‘కుల’ మాఫియా కొంత సక్సెస్ అయ్యిందని చెప్పొచ్చేమో.!

కానీ, ఓ సినిమా పరాజయాన్ని, విజయాన్ని.. ఈ నెగెటివిటీ మరీ అంతలా డిసైడ్ చేసెయ్యలేదు. ‘వాల్తేరు వీరయ్య’ సక్సెస్‌తో పెయిడ్ మాఫియాకి చావు దెబ్బ పడిందని చెప్పక తప్పదు. లక్షల్లో లాస్ అయ్యిందట పెయిడ్ మాఫియా ‘వాల్తేరు వీరయ్య’ విషయంలో.! ఇంతకీ, ఇంతలా చందాలేసి ‘వాల్తేరు వీరయ్య’ని దెబ్బ కొట్టాలనుకున్నది ఎందుకు.? రాజకీయ కోణమా.? లేదంటే, కేవలం కుల జాడ్యమా.? రెండూనా.?