ముఖ్యమంత్రి వైఎస్ జగన్ మోహన్రెడ్డి.. రాష్ట్రమంతటా పర్యటిస్తున్నారు.. ఆ పథకం అంటున్నారు, ఈ పథకం అంటున్నారు. సంక్షేమ పథకాల పేరుతో ఊదరగొట్టేస్తున్నారు. ప్రారంభోత్సవాలు.. అభివృద్ధి కార్యక్రమాలంటూ హడావిడి చేసేస్తున్నారు. కానీ, రెండు నెలలుగా ఆంధ్రప్రదేశ్ రాజధాని అమరావతిలో తలెత్తుతున్న ఆందోళనలపై ముఖ్యమంత్రి వైఎస్ జగన్ పెదవి విప్పడంలేదు.
ఒకటీ అరా సందర్భాల్లో అలా లైట్ లైట్గా టచ్ చేసి ఊరుకుంటున్నారు తప్ప, రైతుల సమస్యలపై మాట్లాడేందుకు ముఖ్యమంత్రికి మనసొప్పడంలేదాయె. ముఖ్యమంత్రి అంటే రాష్ట్రానికి పెద్ద దిక్కు. కాదు కాదు, వున్న ఒకే ఒక్క దిక్కు.. ముఖ్యమంత్రి మాత్రమే ఏ రాష్ట్రానికి అయినా. అలాంటి ముఖ్యమంత్రి కాకపోతే, అమరావతి రైతుల ఆవేదనను అర్థం చేసుకునేదెవరు.? వారి బాధల్ని తీర్చేదెవరు.? బోల్డంత భద్రత నడుమ.. వీలు చిక్కినప్పుడల్లా అమరావతిలో అధికారిక కార్యకలాపాల కోసం చక్కర్లు కొడుతున్నారు ముఖ్యమంత్రి వైఎస్ జగన్.
కానీ, ప్రజా సంకల్ప యాత్రలో చెప్పినట్లు.. ‘ఏ అవ్వనీ, ఏ తాతనీ..’ కారు దిగి పలకరించడంలేదాయె. గుండె పోటు వచ్చి ప్రాణాలు కోల్పోతున్నారో.. ఇతరత్రా సమస్యలతో తుది శ్వాస విడుస్తున్నారో.. కారణం ఏదైతేనేం.. చాలామంది అమరావతి కోసం ఆందోళనలు చేస్తూ ప్రాణం విడుస్తున్నారు. అయినాగానీ, ముఖ్యమంత్రి వైఎస్ జగన్ మోహన్రెడ్డి మనసు కరగకపోవడం గమనార్హం. ‘అమరావతి ఎక్కడికీ వెళ్ళిపోదు..’ అని ప్రభుత్వం చెబుతోంది. కానీ, ఆ ప్రభుత్వంలో వున్నవారే, అమరావతి రైతుల్ని అవమానిస్తున్నారు ‘పెయిడ్ ఆర్టిస్టులు’ అంటూ.
ఇంటెలిజెన్స్ ఇన్పుట్స్.. అమరావతిలో ఏం జరుగుతోందో చెప్పకుండా వుంటాయా.? రైతులతో మాట్లాడి, వారి సమస్యలకి పరిష్కారం చూపుతామని ముఖ్యమంత్రి స్థాయిలో హామీ గనుక ప్రభుత్వం నుంచి వస్తే.. అమరావతిలో ఆందోళనలు కొంతమేర సద్దుమణిగే అవకాశం వుంటుంది. కానీ, ‘నాకేంటి సంబంధం.?’ అంటూ లైట్ తీసుకుంటే మాత్రం.. తెలంగాణ ఉద్యమంలో ఏం జరిగిందో అందరం చూశాం.. అదే అమరావతి విషయంలోనూ జరగొచ్చు. ప్రజల ఉసురు ఏ ప్రభుత్వానికీ మంచిది కాదు. అధికారంలో ఎవరున్నా సరే.. వాళ్ళంతా ప్రజలకు సేవకులు మాత్రమే. పాలకులమన్న గర్వం నెత్తికెక్కితే.. చరిత్ర క్షమించదు.
123057 688450great day, your site is genuinely unquie. Anways, i do appreciate your work 300339
973913 645616I completely agree with you about this matter. Nice post. Already bookmarked for future reference. 462566
863325 672581extremely good post, i definitely adore this web site, go on it 50665