బుల్లి తెర ద్వారా సినీ ఇండస్ట్రీలో అడుగుపెట్టి తన సొంత టాలెంట్ తో ఎదిగింది హీనా ఖాన్( Hina khan). హిందీ సీరియల్స్ లో సంప్రదాయంగా కనిపించడంతో ఈమె ఫ్యామిలీ ఆడియన్స్ కి బాగా దగ్గర అయింది. బుల్లితెరపై ఫేమ్ రావడంతో బాలీవుడ్ బిగ్ బాస్ 11 వ సీజన్ లో పాల్గొంది. అక్కడ అందరి దగ్గర మార్కులు కొట్టేసి ఆ సీజన్ రన్నర్ గా నిలిచింది. అయితే ఈమె తన నటన కంటే వివాదాల్లోనే ఎక్కువగా నిలుస్తూ ఫేమస్ అయ్యింది. కొన్నాళ్ల క్రితం సౌత్ ఇండియన్ ఫిలిం ఇండస్ట్రీపై వ్యాఖ్యలు చేసి భారీగా నెగటివిటీని మూట కట్టుకుంది. దీంతో దక్షిణాదిలోను హీనా కి ఫ్యాన్స్ ఉన్నప్పటికీ.. తన నోటి దురుసు వల్ల ఇక్కడ అవకాశాలు దక్కించుకోలేకపోయింది. తాజాగా మరోసారి హీనా వార్తల్లో నిలిచింది.
ఇటీవల హీనా ఖాన్ కాశ్మీర్ వేదికగా జరిగిన G20 సదస్సులో పాల్గొని తిరిగి ముంబై చేరుకుంది. ముంబై ఎయిర్ పోర్ట్ లో తన బాయ్ ఫ్రెండ్ రాఖీ జైస్వాల్ ఆమెని రిసీవ్ చేసుకోవడానికి వచ్చాడు. ఈ ఇద్దరు ఒకరికొకరు ఎదురు పడగానే పబ్లిక్ లో ఉన్నారన్న సంగతి మర్చిపోయి ముద్దులు పెట్టుకున్నారు. ఈ వీడియో క్షణాల్లోనే సోషల్ మీడియాలో వైరల్ అయింది. దీంతో హీనా మరోసారి ట్రోలర్స్ చేతికి చిక్కింది. చుట్టూ అందరూ ఉన్నారన్న విషయం కూడా మర్చిపోయి అలా ప్రవర్తించడమేంటని నెటిజన్స్ ఈ జంటపై విమర్శలు గుప్పిస్తున్నారు.