RAM-20: ఎనర్జిటిక్ స్టార్ రామ్ పోతినేని (Ram Pothineni) నటిస్తున్న కొత్త సినిమా RAM20 (ఇంకా టైటిల్ నిర్ణయించలేదు). యాక్షన్ చిత్రాల దర్శకుడు బోయపాటి శీను (Boyapati Srinu) దర్శకత్వంలో తెరకెక్కతున్న ఈ సినిమా షూటింగ్ శరవేగంగా జరుపుకుంటోంది. ఇటివలే విడుదలైన సినిమాకు సంబంధించిన రామ్ లుక్ ఆకట్టుకుంది. ఇస్మార్ శంకర్ కు మించిన మాస్ లుక్ రామ్ ఉండటంతో సినిమాపై ఆసక్తి నెలకొంది. ఇప్పుడు ఈ సినిమా గురించి రామ్ చేసిన ట్వీట్ వైరల్ అవుతోంది.
‘24రోజులుగా తెరకెక్కించిన క్లైమాక్స్ పూర్తయింది. ఇది క్లైమాక్స్ కాదు.. అంతకు మించి’ అనే అర్ధం వచ్చేలా రామ్ చేసిన ట్వీట్ సినిమాపై అంచనాల్ని మరింతగా పెంచుతోంది. అఖండ వంటి హిట్ తర్వాత బోయపాటి నుంచి వస్తున్న సినిమా కావడంతో తన మార్క్ మాస్ మసాలా ఉంటుందని తెలుస్తోంది. రామ్ ట్వీట్ కిక్కెక్కించడంతో.. టైటిల్ అనౌన్స్ మెంట్ ఎప్పుడు.. అప్డేట్ కావాలంటూ నెటిజన్లు ట్వీట్లు చేస్తున్నారు. సినిమాలో శ్రీలీల హీరోయిన్ గా నటిస్తోంది. అక్టోబర్ 20న సినిమా విడుదల కానుంది.
Finally! Done with the insane 24 days action sequence.
Idhi Climax kaadhu… CliMAXXXXX!
— RAm POthineni (@ramsayz) June 2, 2023