పవన్‌ కళ్యాణ్‌ సినిమా.. వారిని అంతలా భయపెడ్తోందా.?

జనసేన అధినేత, పవర్‌ స్టార్‌ పవన్‌ కళ్యాణ్‌ ఒకటి కాదు, రెండు కాదు.. వరుసగా మూడు సినిమాలు చేసేస్తున్నారు. ‘మీరు సరిగ్గా పరిపాలించండి.. నేను రాజకీయాలొదిలేసి సినిమాలు చూసుకుంటాను..’ అని ఓ సందర్భంలో పవన్‌, వైఎస్‌ జగన్‌ ప్రభుత్వానికి సవాల్‌ విసిరిన మాట వాస్తవం. ఆ మాటకొస్తే, ఆయన గతంలోనూ ఈ వ్యాఖ్యలు చేశారు.. అంటే చంద్రబాబు హయాంలో.

అయితే, పరిస్థితులు మారాయి. రాజకీయ పార్టీని నడపడం ఎంత కష్టమో పవన్‌ కళ్యాణ్‌కి, ఇటీవలి ఎన్నికల తర్వాత ఇంకా బాగా తెలిసొచ్చింది. అందుకే, మళ్ళీ సినిమాల్లోకి వెళ్ళారు. అలాగని ఆయనేం రాజకీయం మానేయలేదు. రాజకీయ పార్టీని నడపడం కోసం అవసరమై నిధుల్ని సేకరించుకోవాలి కాబట్టి, వక్రమార్గంలో కాకుండా.. సక్రమ మార్గంలో ఆయన ఈ ఆలోచన చేశారు.

ఇక, పవన్‌ కొత్త సినిమా మే నెలలో విడుదల కాబోతోంది. ఫస్ట్‌ లుక్‌ విడుదలకు రంగం సిద్ధమయ్యింది. ఇకనేం, పవన్‌ మీద విమర్శలు షురూ అయ్యాయి. ఈ సినిమాతో పవన్‌ జెండా ఎత్తేయడం ఖాయమని సోషల్‌ మీడియాలో కొందరు ‘హేటర్స్‌’ దుష్ప్రచారం షురూ చేశారు. ఫస్ట్‌ లుక్‌కి సంబంధించి విడుదల చేసిన ప్రీ లుక్‌లో బ్యాక్‌గ్రౌండ్‌ కలర్‌ ‘ఎల్లో’ వుండడంతో.. దాన్ని తెలుగుదేశం పార్టీకి అన్వయించేస్తున్నారు.

అవునా.? అదే నిజమైతే, సాక్షి మీడియాది ఏ రంగు.? సాక్షి పత్రిక చూడగానే ముందు ఎల్లో కలర్‌ కన్పిస్తుంది అందరికీ. పవన్‌ని విమర్శించడానికి వేరే కారణాలేవీ దొరక్క.. ఇదిగో ఈ ‘రంగు’ పట్టుకుని రచ్చ చేస్తున్నారు. ఇదొక్కటే కాదు, సినిమాలో లిప్‌ లాక్‌ సీన్స్‌ వుంటాయనీ, హీరోయిన్ల ఎక్స్‌పోజింగ్‌ వుంటుందనీ.. ఏవేవో చెత్త రాతలు సోషల్‌ మీడియాలో కన్పిస్తున్నాయి.

మరోపక్క, ఆంధ్రప్రదేశ్‌తోపాటు తెలంగాణలోనూ ఈ సినిమాకి ఇబ్బందులు తప్పవనే చర్చ కూడా తెరపైకొస్తోంది. ఇది ‘పింక్‌’ సినిమాకి రీమేక్‌. నిజానికి, ఇందులో కమర్షియల్‌ ఎలిమెంట్స్‌ పెద్దగా ఏమీ వుండవు. మెసేజ్‌ ఓరియెంటెడ్‌ సినిమా ఇది. ఇప్పుడే ఇంత భయమా.? సినిమా విడుదలై పవన్‌ గనుక హిట్టు కొడితే, ‘హేటర్స్‌’ పరిస్థితి ఏంటట.?