‘RRR’ సమయంలో రామ్ చరణ్, జూ.ఎన్టీఆర్ మధ్య ఉన్న స్నేహం, బాండింగ్, బ్రదర్హుడ్ గురించి ఇద్దరూ చాలా సందర్భాల్లో మాట్లాడారు. ముఖ్యంగా ఎన్టీఆర్ అయితే రామ్ చరణ్ను “Brother from another mother” అని కూడా పేర్కొన్నాడు. వారి ఆప్యాయత, స్నేహం సినిమా ప్రమోషన్లలో కూడా ప్రత్యేక ఆకర్షణగా నిలిచింది. అయితే ఇప్పుడు జరుగుతున్న చర్చ మాత్రం పూర్తిగా భిన్నంగా ఉంది.
ఇటీవల విడుదలైన ‘పెద్ది’ భారీ విజయాన్ని అందుకుంది. క్లిష్టమైన కథను ఎంచుకోవడం, పాత్ర కోసం రామ్ చరణ్ చేసిన బాడీ ట్రాన్స్ఫార్మేషన్, నటనకు ప్రేక్షకుల నుంచి మంచి ప్రశంసలు వచ్చాయి. అయితే ఇంత పెద్ద విజయం సాధించిన తర్వాత కూడా టాలీవుడ్లోని చాలా మంది ప్రముఖ నటులు పెద్దగా స్పందించలేదు. దీనిపై సోషల్ మీడియాలో పెద్ద ఎత్తున విమర్శలు రావడంతో కొంతమంది నటులు ఆలస్యంగా అయినా స్పందించి సినిమాను అభినందించారు. వారిలో అల్లు అర్జున్ కూడా ఉండటం ఈసారి ప్రత్యేకత.
అయితే జూ.ఎన్టీఆర్ మాత్రం ఇప్పటివరకు ‘పెద్ది’ గురించి ఎలాంటి అభినందన పోస్ట్ చేయలేదు. నిజానికి ఎన్టీఆర్ స్పందించాల్సిందే అనే నిబంధన ఏమీ లేదు. అది పూర్తిగా వ్యక్తిగత విషయం. కానీ ‘RRR’ సమయంలో రామ్ చరణ్పై తనకున్న అభిమానాన్ని, సోదరభావాన్ని ఎన్టీఆర్ స్వయంగా అనేకసార్లు వ్యక్తం చేశాడని అభిమానులు గుర్తు చేస్తున్నారు. అందుకే ఇప్పుడు ఆయన మౌనం కూడా చర్చకు దారితీస్తోంది.
ఇక్కడ మరో అంశాన్ని కూడా అభిమానులు ప్రస్తావిస్తున్నారు. ‘RRR’ తర్వాత విడుదలైన ‘దేవర’ సినిమాకు రామ్ చరణ్ సోషల్ మీడియాలో శుభాకాంక్షలు తెలియజేశాడు. కానీ ‘ఆచార్య’, ‘గేమ్ చేంజర్’, ఇప్పుడు ‘పెద్ది’ సినిమాల విషయంలో మాత్రం ఎన్టీఆర్ నుంచి అలాంటి స్పందన కనిపించలేదని చెబుతున్నారు. అలాగే ఈ ఏడాది మార్చి 27న రామ్ చరణ్ పుట్టినరోజుకు ఎన్టీఆర్ శుభాకాంక్షలు చెప్పకపోవడం, కానీ ఏప్రిల్ 8న అల్లు అర్జున్ పుట్టినరోజుకు విష్ చేయడం కూడా అభిమానుల చర్చలో భాగమైంది. ఇదే కారణంగా మే 20న ఎన్టీఆర్ పుట్టినరోజుకు రామ్ చరణ్ కూడా సోషల్ మీడియాలో విష్ చేయలేదనే అభిప్రాయాలు వ్యక్తమవుతున్నాయి.
ఇదిలా ఉండగా దర్శకుడు నాగ్ అశ్విన్ వ్యవహారం కూడా సోషల్ మీడియాలో చర్చకు వచ్చింది. ‘కల్కి’ సినిమా విడుదల సమయంలో మెగాస్టార్ చిరంజీవి ఆ చిత్రాన్ని అభినందిస్తూ ట్వీట్ చేశారు. అలాగే ‘సింగ్ గీతం’ సినిమాపై కూడా అయిదు రోజుల క్రితమే ప్రశంసలు వ్యక్తం చేస్తూ ట్వీట్ చేశారు. అయితే నాగ్ అశ్విన్ నుంచి ఎలాంటి రిప్లై లేదా థ్యాంక్స్ పోస్ట్ కనిపించలేదని అభిమానులు గుర్తు చేస్తున్నారు.
కానీ నేడు జూ.ఎన్టీఆర్ ‘సింగ్ గీతం’ సినిమాను ప్రశంసిస్తూ ట్వీట్ చేయగానే నాగ్ అశ్విన్ వెంటనే స్పందించి ధన్యవాదాలు చెబుతూ రిప్లై ఇవ్వడం సోషల్ మీడియాలో మరో చర్చకు కారణమైంది. ఇదే విషయాన్ని కొందరు అభిమానులు ప్రస్తావిస్తూ, చిరంజీవి లాంటి లెజెండ్కు రిప్లై ఇవ్వకపోవడం ఏంటని గుర్తు చేస్తున్నారు.
అయితే మెగాస్టార్ చిరంజీవి విషయంలో అభిమానులు ఒక విషయాన్ని ప్రత్యేకంగా గుర్తు చేస్తున్నారు. చిన్న సినిమా అయినా, పెద్ద సినిమా అయినా, కొత్తవాళ్లు అయినా, స్టార్ హీరోలు అయినా తేడా లేకుండా ఆయన మంచి సినిమాలను ప్రోత్సహిస్తూ సోషల్ మీడియాలో అభినందనలు తెలియజేస్తూ ఉంటారని చెబుతున్నారు. ఆయనకు చిన్న, పెద్ద అనే భేదం ఉండదని అభిమానుల అభిప్రాయం.
ఇక్కడ రామ్ చరణ్ను ఎవరైనా తప్పనిసరిగా ప్రశంసించాలనే ఉద్దేశం లేదు. ప్రశంసించకపోతే ఎవరికీ ఎలాంటి నష్టం కూడా ఉండదు. కానీ గతంలో ఎంతో సన్నిహితంగా కనిపించిన కొందరి మధ్య ఉన్న బాండింగ్, స్నేహం, అనుబంధం గురించి అభిమానులు ఇప్పుడు చర్చించుకుంటున్నారనేది వాస్తవం. అందుకే ‘RRR’ సమయంలో కనిపించిన ఆ సోదరభావం ఇప్పటికీ అలాగే ఉందా? లేక కాలక్రమంలో దూరాలు పెరిగాయా? అనే ప్రశ్న వినిపిస్తోంది.