‘రాష్ట్ర రాజధాని అనేది రాష్ట్ర పరిధిలోని అంశం.. కేంద్రానికి సంబంధం లేని విషయం..’ అంటూ పదే పదే చెబుతూ వస్తున్నారు బీజేపీ సీనియర్ నేత, రాజ్యసభ సభ్యుడు జీవీఎల్‌ నరసింహారావు. అసలు రాజధాని అంశం రాజ్యాంగంలోనే లేదంటారు ఆంధ్రప్రదేశ్ ముఖ్యమంత్రి వైఎస్ జగన్ మోహన్‌రెడ్డి. ఆంధ్రప్రదేశ్ రాజదాని అంటే ఇంత వెటకారం అయిపోయింది చాలామందికి.!
అన్నట్టు, కేంద్రం కూడా రాజధాని అనేది రాష్ట్ర పరిధిలోని అంశమని ఇటీవలే పార్లమెంటు సాక్షిగా తేల్చేసింది. కానీ, హైకోర్టు మాత్రం, రాజధాని వ్యవహారంపై కేంద్రం ఎందుకు మౌనంగా వుంటోంది.? అని ప్రశ్నించడం గమనార్హం. ఈ ప్రశ్నతో వైఎస్ జగన్ మోహన్‌రెడ్డికి తెరవెనుకాల సహాయ సహకారాలు అందిస్తోన్న జీవీఎల్‌ నరసింహారావుకి నోటికి తాళం పడిపోయినట్లేనేమో.!
ఆంధ్రప్రదేశ్ రాజధానికి సంబంధించి విభజన చట్టంలో పూర్తి స్పష్టత వుంది. కొత్త రాజధాని కోసం కేంద్రం కమిటీ వేస్తుందనీ, ఆ కమిటీ సూచనల మేరకు, రాష్ట్ర ప్రభుత్వం నిర్ణయం తీసుకోవచ్చన్నది ఆ స్పష్టత సారాంశం. శివరామకృష్ణన్‌ కమిటీ ఏర్పాటయ్యింది.. అప్పట్లో చంద్రబాబు సర్కార్‌, అమరావతిని రాజధానిగా నోటిఫై చేసింది కూడా.
మరోపక్క, 2024 వరకూ హైద్రాబాద్‌, తెలంగాణతోపాటు ఆంధ్రప్రదేశ్‌కీ ఉమ్మడి రాజధానిగా కొనసాగనుందని విభజన చట్టం చెబుతోంది. అంటే, కేంద్రానికి ఆంధ్రప్రదేశ్ రాజధాని పట్ల పూర్తి బాధ్యత వుందనే కదా అర్థం. సో, ఇప్పుడిక కేంద్రం జోక్యం చేసుకోవాల్సిందే.. వేరే ఆప్షన్‌ లేదు. రాష్ట్రంలో మూడు రాజధానుల్ని వైఎస్ జగన్ ప్రభుత్వం ప్రతిపాదిస్తోంది. ఒకటి అమరావతి, ఇంకోటి కర్నూలు.. మరొకటి విశాఖపట్నం. అసలు రాజధాని అనే ప్రస్తావన రాజ్యాంగంలో లేదని ముఖ్యమంత్రి వెఎస్‌ జగన్ అసెంబ్లీలో చెప్పాక, మూడు రాజధానుల చర్చ ఏంటి.? అన్నదానికి తొలుత సమాధానం వెతకాల్సిన బాధ్యత కేంద్రం మీద వుంది.
అధికారంలో వున్నవారు అన్నిటినీ తమకు అనుకూలంగా అన్వయించేసుకోవడం కొత్తేమీ కాదు. కానీ, చట్టాలు, నిబంధనలు.. వంటివాటిపై ప్రజలకు ఖచ్చితమైన వాస్తవాలు తెలిసి తీరాలి. అది న్యాయస్థానాల జోక్యంతో జరుగుతుందని ఆశిద్దాం.
390784 12316The specific New york Diet can be an highly affordable and versatile eating far better tool built for time expecting to loose fat along with naturally keep a healthful every day life. la weight loss 733078
432058 766190Superb publish from specialist also it will probably be a fantastic know how to me and thanks very considerably for posting this helpful data with us all. 436929