ఈ నడుమ చిన్న సినిమాలు మంచి కంటెంట్ తో వచ్చి పెద్ద హిట్ అవుతున్న సందర్భాలు ఎన్నో చూస్తున్నాం. తమ సినిమా కూడా అలాంటి కోవలోకే వస్తుందని చెబుతున్నారు ‘గుర్తింపు’ మూవీ టీమ్. కేజేఆర్ హీరోగా తెన్ పతియాన్ డైరెక్షన్ లో వస్తున్న ద్విభాషా మూవీ ఇది.
స్వస్తిక్ విజన్స్ సమర్పణలో గంగా ఎంటర్టైన్మెంట్స్ నిర్మాణంలో తెలుగు, తమిళ భాషల్లో దీన్ని రూపొందిస్తున్నారు. స్పోర్ట్స్ కోర్ట్ డ్రామా నేపథ్యంలో దీన్ని చిత్రీకరిస్తున్నారు. ఈ మూవీని దాదాపు యదార్థ సంఘటనల ఆధారంగానే తీస్తున్నట్టు మూవీ టీమ్ చెబుతోంది.
ప్రొడ్యూసర్ మహేశ్వర్ రెడ్డి మూలి మాట్లాడుతూ.. “ఈ మూవీని పూర్తిగా స్పోర్ట్స్ డ్రామా నేపథ్యంలోనే తీస్తున్నాం. పేదరికంలో పుట్టి పెరిగిన వ్యక్తి.. తాను అనుకున్న స్థాయికి క్రీడా రంగంలో ఎలా ఎదిగాడు అనే కోణంలో దీన్ని తీస్తున్నాం. చాలా యదార్థ సంఘటనలను ఇందులో మిలితం చేశాం.
ఈ మూవీ షూటింగ్ ఇప్పటికే 85 శాతం అయిపోయింది. రీసెంట్ గా అశ్విన్ బాబు హీరోగా వచ్చిన ‘శివం భజే’ మూవీని నిర్మించాను. ఇది కూడా మంచి విజయం సాధిస్తుందనే నమ్మకం ఉంది’ అంటూ చెప్పారు. ఈ మూవీలో సింధూరి విశ్వనాథ్, విజి వెంకటేష్, రంగరాజ్ పాండే, మన్సూర్ అలీ ఖాన్, రమా, మోహన్ రామ్, ఆంటోనీ, అజిత్ ఘోషి, విమల్, ఇజబెల్లా, షాన్, దీపిక, జానకి, అరుల్ జ్యోతి కీలక పాత్రల్లో నటిస్తున్నారు. జిబ్రాన్ మ్యూజిక్ అందిస్తున్నారు.