జనసేన అధినేత పవన్ కళ్యాణ్ గతంలో ప్రజారాజ్యం పార్టీ కార్యకర్త. ఆ పార్టీ కీలక నేత. ప్రజారాజ్యం పార్టీ యూత్ వింగ్ ‘యువరాజ్యం’కి అధ్యక్షుడు కూడా.!
ఆ తర్వాత ఆయన సొంతంగా జనసేన పార్టీని స్థాపించారు. జనసేన పార్టీ అధినేత ఇప్పుడు పవన్ కళ్యాణ్. అప్పట్లో యువరాజ్యం అధ్యక్షుడు.. ఇప్పుడేమో జనసేన అధ్యక్షుడు. మరి, మంత్రి గుడివాడ అమర్నాథ్ పరిస్థితేంటి.? పూర్వాశ్రమంలో ఆయన కాంగ్రెస్ కార్యకర్త, ఆ తర్వాత తెలుగుదేశం పార్టీ కార్యకర్త అయ్యారు.. ఇప్పుడేమో వైసీపీ నేత.!
తాము నిండా బురదలో కూరుకుపోయి, ఇతరుల మీద బురద చల్లటంలో వైసీపీ నేతలందా దాదాపు ‘మాస్టర్ డిగ్రీలు’ చేసేశారన్నది జనసేన ఆరోపణ. ‘ఈ తెలివితేటలేవో మీమీ శాఖల మీద చూపిస్తే.. రాష్ట్రం కాస్తయినా బాగుపడుతుంది..’ అంటూ వైసీపీ మంత్రుల మీద జనసేన నేతలు విరుచుకుపడుతున్నారు.
వైసీపీ నేత, మంత్రి రోజా కూడా ఇంతే. ‘చంద్రబాబు దత్త పుత్రుడు పవన్ కళ్యాణ్’ అంటారామె. కానీ, రోజా గతంలో తెలుగుదేశం పార్టీ నేత, ఆ పార్టీ మహిళా విభాగం అధ్యక్షురాలు. పవన్ కళ్యాణ్ ఏనాడూ తెలుగుదేశం పార్టీలో పని చేయలేదు.
అయితే గియితే చంద్రబాబుకి గతంలో రోజా దత్త పుత్రిక అయి వుండాలి. గుడివాడ అమర్నాథ్ ఏకంగా కాంగ్రెస్ పార్టీకీ, తెలుగుదేశం పార్టీకి.. ఇలా రెండు పార్టీలకీ దత్త పుత్రుడు అయి వుండాలి. ఆయన ఒకప్పుడు టీడీపీ కార్యకర్త కూడా.
ఆ పాత ఘనకార్యాలన్నీ సోషల్ మీడియాలో అందుబాటులోనే వున్నాయ్.! అయినా, మీడియా ప్రతినిథులు వాటిని సాక్ష్యాలుగా మంత్రులకెందుకు చూపించరు.? చూపిస్తే.. మంత్రులసలు మీడియా ముందుకొచ్చేందుకే ధైర్యం చేయరు.!
13396 684309We guarantee authentic brands avoiding inferior commercial imitations, or even dangerous counterfeits. 368825