జగనన్న మొహం చూసి.. వర్షం కురిపిస్తున్న వరుణదేవుడు.!

ఐటీ శాఖ అంటే, ఆదాయపు పన్ను శాఖ అనుకునేరు.! ఇది ఇన్ఫర్మేషన్ టెక్నాలజీ సుమండీ.! ఆ ఇన్ఫర్మేషన్ టెక్నాలజీ శాఖ మంత్రి గుడివాడ అమర్నాథ్, వున్నపళంగా జోస్యం చెప్పడం మొదలు పెట్టారు.! జోస్యం అనాలా.? దీన్ని ఇంకేమైనా అనాలా.?

గుడివాడ అమర్నాథ్.. పరిచయం కొత్తగా అక్కర్లేని వ్యక్తి.! ఎందుకంటే, పవర్ స్టార్ పవన్ కళ్యాణ్ అంతటి వ్యక్తే.. గుడివాడ అమర్నాథ్ దగ్గరకు వెళ్ళి ఒక్క ఫొటో ప్లీజ్.. అని అడుక్కున్నారట. అలాగని గుడివాడ అమర్నాథ్ సెలవిచ్చారు.

మహా గొప్పోడు మరి.! ఏం ఉద్ధరించాడని.? అని అడక్కండి.. ‘మా తాతలు నేతులు తాగారు.. మా మూతుల వాసన చూడండి..’ అనేసినా అనేస్తారు.!

తాజాగా ఓ సందర్భంలో మీడియాతో మాట్లాడుతూ, వరుణ దేవుడు వైఎస్ జగన్ మోహన్ రెడ్డి మొహం చూసి వర్షాలు కురిపిస్తున్నాడని సెలవిచ్చారు గుడివాడ అమర్నాత్. సరిపోయింది సంబరం. ఐటీ శాఖ మంత్రి కదా.. వాతావరణంపై అవగాహన లేకుండా, అక్కడికేదో వాతావరణాన్ని కూడా వైఎస్ జగన్ కంట్రోల్ చేస్తున్నట్లు చెబుతున్నారు.

అందుకే, రాష్ట్రంలో ఐటీ విభాగం పరిస్థితి ఇంత దారుణంగా తయారైంది. ఐటీ శాఖ గురించి మాట్లాడమంటే, వర్షం గురించి మాట్లాడతావేంటయ్యా.? అంటూ జనం ఛీ కొడుతున్నారు సోషల్ మీడియా వేదికగా మంత్రి గుడివాడ అమర్నాథ్‌ని.

అన్నట్టు, వేసవి కాలంలో బహుశా వరుణ దేవుడికి, వైఎస్ జగన్ మోహన్ రెడ్డి మొహం కనిపించట్లేదేమో.! అందుకే, వేసవి సీజన్‌లో వర్షాలు పడటంలేదు. ప్చ్.. ఇప్పుడెలా.? వేసవి సీజన్‌లో ముఖ్యమంత్రి కాస్త బయటకొచ్చి..