దీన్ని నిర్లక్ష్యం అనాలా.? నిర్లక్ష్యమే అయితే అది పాలకులదేనా.? ఖచ్చితంగా పాలకులదే ఇందులో ఇంకో మాటకు తావు లేదు. ఒక్క పూట పని లేకపోతే పూటగడవుదు దేశంలో కోట్లాదిమంది పేదలకి. అలాంటిది దాదాపు రెండు నెలలపాటు ‘లాక్డౌన్’ అంటే ఆషామాషీ వ్యవహారం కాదు. ‘ఛస్తే ఛస్తాం.. అదేదో సొంతూరిలో.. సొంత మనుషుల మధ్యనే చచ్చిపోవాలి..’ అంటూ వలస కూలీలు తమ సొంతూళ్ళకు వెళుతున్నారు. ఈ క్రమంలో వారికి వాహనాలు దొరకడంలేదు. రోడ్డుని పట్టుకుని, రైలు పట్టాల్ని పట్టుకుని.. అడుగులో అడుగేసుకుంటూ వెళుతున్నారు.
మొన్న, మృత్యువు రైలు రూపంలో దూసుకొచ్చింది.. 20 మందికి పైగా వలస కూలీల్ని పొట్టన పెట్టేసుకుంది. తాజాగా ఓ రోడ్డు ప్రమాదం 20 మందికి పైగా వలస కూలీల్ని బలి తీసుకుంది. ఇవి లెక్కల్లోకి వచ్చిన ‘పెద్ద ఘటనలు’. లెక్కల్లోకి రాని ఘటనలెన్ని.? అసలు ఇటీవలి కాలంలో ఎన్ని ప్రాణాలు గాల్లో కలిసిపోయాయి.? లెక్కలు తీస్తే, అత్యంత భయనాకం.. అంటూ పలు సర్వేలు చెబుతున్నాయి. ‘కరోనా వైరస్ కంటే కిరాతకమైనదీ నిర్లక్ష్యం అనే వైరస్.. ఈ నిర్లక్ష్యానికి ప్రభుత్వాలే బాధ్యత వహించాలి’ అనే వాదన సర్వత్రా వ్యక్తమవుతోంది. మొన్నటికి మొన్న విశాఖలో ఎల్జీ పాలిమర్స్ ఫ్యాక్టరీ నుంచి విషవాయువు లీక్ అయ్యింది. కరోనా లాక్డౌన్ నేపథ్యంలో మెయిన్టెనెన్స్ లోపం తలెత్తి ప్రమాదం చోటు చేసుకున్నట్లుగా ప్రాథమికంగా తేల్చారు. 12 మంది ప్రాణాలు కోల్పోవడానికి లాక్డౌన్ కారణమయ్యిందంటే.. పరోక్షంగా ఈ మరణాలు కూడా కరోనా ఖాతాలోనే వేసెయ్యాలి.
కరోనా వైరస్తో ప్రత్యక్షంగా మరణించేవారికి అదనంగా, ఈ పరోక్ష చావుల్నమాట. అంటే, ప్రత్యక్ష చావుల కంటే, పరోక్ష చావులే అత్యంత దారుణంగా వుంటున్నాయన్నమాట. ‘వలస కూలీల్ని సొంతూళ్ళకు పంపించేందుకు వాహణాలు సమకూరుస్తున్నాం.. బస్సులు, రైలుళ్ళు తిప్పుతున్నాం..’ అని ప్రభుత్వాలు చెబుతున్నాయి. కానీ, ఆ ఏర్పాట్లు సరిపోవడంలేదు. ఎలా సరిపోతుంది.? కోట్లాదిమంది బాధితులుంటే.. వేలాది మందికి మాత్రం ఆ సౌకర్యాలు అందుబాటులో వుంటున్నాయి. ఎక్కడికక్కడ ఆగిపోయినవారికి కనీసం భోజనం పెట్టలేని దుస్థితిని ఏమనుకోవాలి.? లక్షల కోట్ల ప్యాకేజీలు.. ఎవడి కోసం.? పేదవాడికి ముద్ద పెట్టలేని ప్యాకేజీలతో దేశానికి జరిగే మేలు ఏంటి.? ఛస్తామని తెలిసీ.. అత్యంత భయానకమైన పరిస్థితుల్లో వలస జీవులు నడుచుకుంటూ వెళుతున్నారంటే దేశం సిగ్గుపడాల్సిన సందర్భమిది.
ఓ పచ్చి బాలింత.. 100 కిలోమీటర్ల దూరం నడిచింది.! గర్భిణిగా బయల్దేరి, మార్గమద్యంలో బడ్డను ప్రసవించి, ఆ బిడ్డను పట్టుకుని మళ్ళీ నడవాల్సి వచ్చింది ఆ అభాగ్యురాలికి. ప్రభుత్వాలు చెప్పే మాటలకి.. వాస్తవ పరిస్థితులకీ పొంతన లేదని చెప్పడానికి ఇంతకన్నా నిదర్శనం ఇంకేం కావాలి.?
613664 172090Official NFL jerseys, NHL jerseys, Pro and replica jerseys customized with Any Name / Number in Pro-Stitched Tackle Twill. All NHL teams, full range of styles and apparel. Signed NFL NHL player jerseys and custom team hockey and football uniforms 838359