గోరంట్ల డర్టీ పిక్చర్.! ఫేక్ వీడియోనా.? ఒరిజినల్ సంగతేంటి.?

యువజన శ్రామిక రైతు కాంగ్రెస్ పార్టీని, యువజన రసిక శృంగార చిల్లర పార్టీగా మార్చేసింది ఆ వీడియో. హిందూపురం ఎంపీ గోరంట్ల మాధవ్‌దిగా చెప్పబడుతోన్న ఓ వీడియో లీక్ అవడం, అందులో ఎంపీ గోరంట్ల మాధవ్ ఎవరితోనో వీడియో కాల్ మాట్లాడుతుండడం, ఈ క్రమంలో ఆయన న్యూడ్‌గా కనిపించడం, అత్యంత జుగుప్సాకరమైన పనులు ఆయన చేస్తుండడం.. ఇవన్నీ రాజకీయంగా పెను దుమారం రేపాయి.

‘అది ఫేక్.. మార్ఫింగ్ చేసిన వీడియో..’ అంటూ గోరంట్ల మాధవ్ గుస్సా అయ్యారు. ‘వీడియో నిజమని తేలితే కఠిన చర్యలుంటాయ్..’ అని వైసీపీ ముఖ్య నేత, ప్రభుత్వ సలహాదారు సజ్జల రామకృష్ణారెడ్డి చెప్పారు. ‘రాజకీయ కుట్ర అయి వుండొచ్చు..’ అంటూ మంత్రులు రోజా, తానేటి వనిత అభిప్రాయపడ్డారు.

ఎప్పుడైతే హోం మంత్రి తానేటి వనిత, మీడియా ముందుకొచ్చి, ‘గోరంట్ల మాధవ్ మీద రాజకీయ కుట్ర జరిగి వుండొచ్చు..’ అన్నారో, అప్పుడే ఈ కేసు నీరుగారిపోయిందని అంతా అనుకున్నారు. లాంఛనంగా మిగతా ప్రక్రియను పోలీస్ ఉన్నతాధికారులు పూర్తి చేసేసినట్టున్నారు. ఎస్పీ ఫకీరప్ప, ఈ వ్యవహారంపై స్పందిస్తూ, ఫేక్ వీడియో.. అని తేల్చేశారు.

వీడియోను ఎవరో ఫోన్‌లో చిత్రీకరించి, దాన్ని విదేశాల నుంచి సోషల్ మీడియాలో అప్‌లోడ్ చేశారన్నది పోలీస్ ఉన్నతాధికారులు చెబుతున్నమాట. ఫోన్‌లో ప్లే అవుతున్న వీడియోను ఇంకో ఫోన్ ద్వారానో లేదంటే కెమెరాతోనే షూట్ చేశారన్నది పోలీస్ ఉన్నతాధికారుల వాదన. సర్క్యులేట్ అవుతున్న వీడియో ఒరిజినల్ కాదు. కానీ, విషయం జరిగే వుంటుందా.? అన్నదానిపై స్పష్టత లేదు.

సో, విషయం ఇంకా ‘ఓపెన్’గానే వుందన్నమాట. కానీ, ‘నేను ముందే చెప్పాను.. అది మార్ఫింగ్ అని..’ అంటున్నారు గోరంట్ల మాధవ్. ఒరిజినల్ వీడియో దొరికేవరకు అది మార్ఫింగ్ అనలేం.. అదే సమయంలో ఒరిజినల్ అని కూడా అనలేం. ఒరిజినల్ రావాలంటే.. అదో పెద్ద కథ మళ్ళీ.!