నాన్న నేను తప్పు చేయలేదు.. అవమానంతో యువతి ఆత్మహత్య

నాన్న నేను నీ కూతురిని, ప్రాణం పోయినా తప్పు చేయను అంటూ ఒక యువతి సూసైడ్ నోట్ రాసి ఆత్మహత్య చేసుకున్న సంఘటన గద్వాల జిల్లాలో మంగళవారం చోటు చేసుకుంది.

పూర్తి వివరాల్లోకి వెళితే గద్వాల మండలం అనంతపురం గ్రామానికి చెందిన మేఘలత డిగ్రీ చివరి సంవత్సరం చదువుతోంది. అదే గ్రామానికి చెందిన బంధువు శివ కుమార్ కొన్నాళ్లుగా మేఘలతను ప్రేమిస్తున్నట్లుగా వెంటపడ్డాడట. అయితే మేఘలతో అతడి ప్రేమను తిరస్కరించింది.

ఈనెల 6వ తారీఖున శివకుమార్ ఆత్మహత్య చేసుకున్నాడు. మేఘాలత పెళ్లి ఖరారు అయిన కారణంగానే తమ మిత్రుడు శివకుమార్ ఆత్మహత్య చేసుకున్నాడని కొందరు యువకులు సోషల్ మీడియా లో మేఘలత మరియు శివకుమార్ క్లోజ్ గా కలిసి ఉన్న ఫోటోలను షేర్ చేశారు. ఆ ఫోటోలు వైరల్ అవ్వడంతో మేఘాలతో ఆత్మహత్య చేసుకుంది.

శివకుమార్ తో చాలా క్లోజ్ గా ఉన్న ఫోటోలతో తమ ఫ్యామిలీ పరువు పోయిందని మేఘాలత భావించింది. 2019 సంవత్సరంలో దిగిన ఫోటోలను ఇప్పుడు షేర్ చేశారంటూ మేఘలత తన సూసైడ్ నోట్ లో పేర్కొంది ఆ ఫోటోలను షేర్ చేసిన వారిని వదలకండి అంటూ తండ్రికి లేఖలో విజ్ఞప్తి చేసింది. కేసు నమోదు చేసిన పోలీసులు ఎంక్వౌయిరీ చేస్తున్నట్లుగా తెలియజేశారు.