చాలా కాలం తర్వాత మరో సినిమాతో మన ముందుకు వచ్చాడు మంచు విష్ణు. తన అచ్చొచ్చిన యాక్షన్ కామెడీ జోనర్ లో రూపొందిన సినిమా జిన్నా. ఈ చిత్రంపై ఎంతో కాన్ఫిడెంట్ గా కూడా ఉన్నాడు మంచు విష్ణు. మరి ఈ సినిమా ఎలా ఉందో చూద్దామా?
కథ:
తన ఊరికి ప్రెసిడెంట్ కావాలని కలలు కంటుంటాడు జిన్నా (మంచు విష్ణు). అదే ఊర్లో టెంట్ హౌజ్ నడుపుకుని జీవిస్తుంటాడు. అయితే జిన్నా లెగ్ మంచిది కాదనే అభిప్రాయం ఊరిలో ఉంటుంది. తన చిన్నప్పటి స్నేహితురాలు రేణుక (సన్నీ లియోన్) చాలా ఏళ్ల తర్వాత తిరిగి మళ్ళీ ఊరికి వస్తుంది. అయితే ఆమె మాట్లాడలేదు, వినలేదు.
ఈ నేపథ్యంలో రేణుక వచ్చిన తర్వాత జిన్నా జీవితం ఎలాంటి మలుపులు తిరిగింది? చివరికి ఏమైంది అన్నది చిత్ర కథ.
నటీనటులు:
మంచు విష్ణు నటుడిగా చాలా పరిణితి చెందాడు అనిపిస్తుంది ఈ సినిమాలో. తన డైలాగ్ డెలివరీ, డ్యాన్స్ లు అన్నీ ఇంప్రూవ్ అయ్యాయి. అయితే చిత్తూరు యాస మీద ఇంకొంచెం శ్రద్ధ పెట్టి ఉండాల్సింది.
సన్నీ లియోన్ కు చాలా ప్రాధాన్యత ఉన్న పాత్ర దక్కింది. ఆమె మనల్ని సర్ప్రైజ్ చేస్తుంది. ఇక మరో హీరోయిన్ పాయల్ రాజ్ పుత్ కు ఎటువంటి స్కోప్ దక్కలేదు. చమ్మక్ చంద్ర, వెన్నెల కిశోర్ వంటి వారు తమ బెస్ట్ ఇవ్వడానికి ప్రయత్నించారు.
సాంకేతిక నిపుణులు:
కోన వెంకట్ అందించిన కథ మనం ఎన్నో ఏళ్ల నుండి చూస్తున్నదే. ఇప్పటికే అరిగిపోయిన కథతో కొత్త దర్శకుడు ఇషాన్ సూర్య ఏమాత్రం మెప్పించలేకపోయాడు. ఇక చిత్ర స్క్రీన్ ప్లే కూడా కొత్తగా ఏం లేదు. చాలా చోట్ల బోరింగ్ గా మారిపోయింది. చిత్రం మొదలవ్వడం బాగానే ఉన్నా ఆ ఇంపాక్ట్ కొనసాగించలేకపోయారు.
అనూప్ రూబెన్స్ ఈ చిత్రంలో డీసెంట్ ఔట్పుట్ ఇచ్చాడు. అటు పాటలు కానీ ఇటు బ్యాక్ గ్రౌండ్ స్కోర్ కానీ ఇంప్రెస్ చేస్తాయి. సినిమాటోగ్రఫీ బాగానే ఉంది. ఎడిటింగ్ ఇంకా షార్ప్ గా ఉండొచ్చు. నిర్మాణ విలువలు బాగున్నాయి.
ప్లస్ పాయింట్స్:
- సన్నీ లియోన్ పెర్ఫార్మన్స్
- బ్యాక్ గ్రౌండ్ స్కోర్, మ్యూజిక్
మైనస్ పాయింట్స్:
- ఎమోషనల్ కనెక్ట్ లేకపోవడం
- ల్యాగ్ ఎక్కువవ్వడం
- అవుట్ డేటడ్ స్టోరీ
విశ్లేషణ:
పరమ రొటీన్ కథకు అంతే రొటీన్ స్క్రీన్ ప్లే జత చేస్తే జిన్నా. ఆడియన్స్ ను కొత్తగా అలరించేది ఏం లేదు. ఖాళీగా ఉంటే ఒకసారి అతికష్టమ్మీద చూడొచ్చు.
తెలుగు బులెటిన్ రేటింగ్: 2/5