వైసీపీ వ్యతిరేక ఓటు బ్యాంకుపై కన్నేశారో ఏమోగానీ, బీజేపీ ఎమ్మెల్యే రఘునందన్‌, వైఎస్ రాజశేఖర్‌రెడ్డి మరణాన్ని తన తాజా ఇంటర్వ్యూలో ప్రస్తావించారు. ‘పావురాలగుట్ట – పావురం’ అంటూ ఆయన చేసిన వ్యాఖ్యలు ఇప్పుడు రాజకీయంగా పెను దుమారానికి కారణమయ్యాయి.
ఛాన్స్‌ దొరికిందే తడవుడగా వైసీపీ శ్రేణులు, బీజేపీపైనా.. రఘునందన్‌పైనా సోషల్‌ మీడియా వేదికగా విరుచుకుపడుతున్నాయి. బహుశా ఇదంతా రఘునందన్‌ మార్క్‌ రాజకీయ వ్యూహంలో భాగంగా తెరపైకొచ్చినవే కావొచ్చు. టీఆర్‌ఎస్‌ – వైసీపీ మధ్య ‘రాజకీయ అవగాహన’ వుందన్నది నిర్వివాదాంశం. ఆ విషయాన్ని హైలైట్‌ చేయాలంటే గ్రేటర్‌ ఎన్నికల వేదికగా వైసీపీని ఇలా గిల్లి అలా వదిలెయ్యాలి.. తద్వారా వైసీపీ, బీజేపీకి ఎదురు తిరుగుతుంది.. టీఆర్‌ఎస్‌ పట్ల వైసీపీ ప్రేమ కూడా తెరపైకొస్తుంది. ఇక్కడ బీజేపీ నేత రఘునందన్‌ వ్యూహం బాగానే పనిచేసినట్లుంది.
వైసీపీ శ్రేణులు, టీఆర్‌ఎస్‌కి సోషల్‌ మీడియా వేదికగా మద్దతు ప్రకటించేస్తున్నారు. అది ఆటోమేటిక్‌గా బీజేపీకి ఇటు తెలంగాణలోనూ, అటు ఆంధ్రప్రదేశ్‌లోనూ కలిసొచ్చే అవకాశం వుంది. గ్రేటర్‌ ఎన్నికల తర్వాత, ఆంధ్రప్రదేశ్‌లో స్థానిక ఎన్నికలు జరగాల్సి వుంది.. తిరుపతి లోక్‌సభకు ఉప ఎన్నిక కూడా జరగాల్సి వుంది.
2019 ఎన్నికల్లో టీఆర్‌ఎస్‌, వైసీపీకి ఆంధ్రప్రదేశ్‌లో తెరవెనుక సహాయ సహకారాలు అందించింది. గ్రేటర్‌ ఎన్నికల సందర్భంగా కూడా వైసీపీ నేతలు, తెరవెనుకాల టీఆర్‌ఎస్‌కి సహకరిస్తున్నారు. వైసీపీ వాహనాలకు టీఆర్‌ఎస్‌ రంగులేసి మరీ, గ్రేటర్‌ ఎన్నికల్లో తిప్పుతోన్న విషయం విదితమే. కొందరైతే, టీఆర్‌ఎస్‌ నేతలకు ఆర్థిక సాయం కూడా అందిస్తున్నట్లు ప్రచారం జరుగుతోంది.
అయితే, వైసీపీని ప్రసన్నం చేసుకుంటే కాస్తో కూస్తో బీజేపీకి అడ్వాంటేజ్‌ వుంటుందిగానీ, వైసీపీని కెలికితే లాభమేంటి.? అన్న ప్రశ్న కూడా కొందరు రాజకీయ విశ్లేషకుల నుంచి విన్పిస్తోంది. ఏదిఏమైనా, ఇటీవలి దుబ్బాక ఉప ఎన్నిక తర్వాత రఘునందన్‌ ఇమేజ్‌ బీజేపీలో పెరిగిపోయింది. రాజకీయ వ్యూహాల్లో ఆయన దిట్ట. ఎమ్మెల్యేగా విజయం సాధించడంతో ఆయన పరపతి బీజేపీలో మరింత పెరిగింది కూడా. ఆ పెరిగిన పరపతితోనే, మరింత పదునైన వ్యూహాల్ని రఘునందన్‌ రచిస్తున్నట్లున్నారు.
969118 890499Its amazing as your other articles : D, appreciate it for putting up. 677568
963813 788999This really is a good topic to speak about. Sometimes I fav stuff like this on Redit. I dont believe this would be the very best to submit though. Ill take a appear about your website though and submit something else. 436667
593989 563662Where else may just anybody get that type of information in such an ideal way of writing? 495465