టీడీపీ రెబల్ ఎమ్మెల్యే వల్లభనేని వంశీ, తన పదవికి రాజీనామా చేయాలనే ఆలోచనతో వున్నారట. తన రాజీనామాతో వచ్చే ఉప ఎన్నికలో తాను మళ్ళీ గెలుస్తాననీ, అది మూడు రాజధానులకు రిఫరెండం అవుతుందని చెబుతున్నారు. ఈ మాట చెప్పాల్సింది వల్లభనేని వంశీ కాదు.. వైఎస్సార్ కాంగ్రెస్ పార్టీ. ఎందుకంటే, ఆయన టెక్నికల్గా ఇంకా టీడీపీ ఎమ్మెల్యేనే.
నిజానికి, అమరావతి పరిధిలో చట్ట సభలకు ప్రాతినిథ్యం వహిస్తోన్న ప్రజా ప్రతినిథులంతా రాజీనామా చేస్తే, అందులో ఎంతమంది గెలుస్తారు.? అన్నదాన్నిబట్టి కాస్తో కూస్తో ‘రిఫరెండం’ అనే చర్చకు ఆస్కారం వుంటుంది. ‘మేం అమరావతికి కట్టుబడి వున్నాం.. అమరావతి నుంచి రాజధాని ఎక్కడికీ తరలిపోదు..’ అని ఎన్నికల ప్రచారంలో వైఎస్సార్సీపీ చెప్పింది. ‘వైఎస్సార్సీపీ అధికారంలోకి వస్తే, రాజధాని అమరావతి నుంచి తరలిపోతుంది..’ అని టీడీపీ ఆరోపించింది. నిజానికి, ఇక్కడ టీడీపీ భయమే నిజమయ్యింది.
సో, మాట ఇచ్చి.. తప్పినందున వైఎస్సార్సీపీ అధినేత వైఎస్ జగన్ మోహన్రెడ్డి, రాష్ట్ర ప్రజలకు క్షమాపణ చెప్పాల్సి వుంటుందన్నది రాజకీయ విశ్లేషకుల అభిప్రాయం. ఆ లెక్కన, ప్రభుత్వమే రిఫరెండంకి వెళ్ళాలి. అంటే, వున్నపళంగా ప్రభుత్వాన్ని రద్దు చేసి, వైఎస్ జగన్ మళ్ళీ ఎన్నికలకు సన్నద్ధమవ్వాల్సి వుంటుంది. కానీ, అంత ధైర్యం వైఎస్సార్సీపీకి లేదన్నది నిర్వివాదాంశం. మరి, గన్నవరం ఎమ్మెల్యే ఎందుకు అకస్మాత్తుగా రాజీనామా – ఉప ఎన్నిక – రిఫరెండం.. అనే అంశాల్ని తెరపైకి తెచ్చినట్లు.?
టీడీపీ నుంచి దూరమైన వెంటనే ఆయన తన పదవికి రాజీనామా చేసి వుండాల్సింది. ‘ఎవరన్నా పార్టీ మారితే, వెంటనే అనర్హత వేటు పడుతుంది’ అని అసెంబ్లీ సాక్షిగా ముఖ్యమంత్రి జగన్ చెప్పినా, అది ఉత్తమాటగానే మిగిలిపోయింది. మాట తప్పడం.. మడమ తిప్పడం.. అప్పుడే మొదలయ్యింది. ‘అబ్బే, ఆయనింకా మా పార్టీలో చేరలేదు’ అని వైసీపీ నేతలు బుకాయిస్తే అంతకన్నా హాస్యాస్పదం ఇంకేముంటుంది.?
ఏదిఏమైనా, ప్రజలంతా మూడు రాజధానుల్ని సమర్థిస్తున్నారని వైఎస్సార్సీపీ భావిస్తోంటే.. క్షణం ఆలోచించకుండా వైసీపీ ప్రజా ప్రతినిథులంతా రాజీనామా చేసి, మూడు రాజధానుల అంశంతో ఎన్నికలకు వెళ్ళాల్సి వుంటుంది. ఇదే జనసేన అధినేత పవన్ కళ్యాణ్ డిమాండ్ చేసింది కూడా. అలా కాదని, గన్నవరం ఎమ్మెల్యేతోనే వైసీపీ రాజీనామా చేయిస్తే, అంతకన్నా హాస్యాస్పదం ఇంకేముంటుంది.?
833988 974344But wanna say that this really is invaluable , Thanks for taking your time to write this. 692417
50933 133542Its exceptional as your other posts : D, regards for posting . 824450
519944 533529Just added this blog to my favorites. I enjoy reading your blogs and hope you maintain them coming! 959814
971475 774370Yay google is my king assisted me to uncover this outstanding site! . 162577