హీరోయిన్ ఎక్స్పోజింగ్ చేసిన దాఖలాలు కన్పించడంలేదు.. బూతు డైలాగులకు బహుశా ఆస్కారం వుండకపోవచ్చు. అయినాగానీ, ‘యు/ఎ’ సర్టిఫికెట్ ‘గ్యాంగ్ లీడర్’ సినిమాకి రావడమేంటి.? చాలామంది షాక్ అయ్యారు ‘గ్యాంగ్ లీడర్’ సెన్సార్ డిటెయిల్స్ బయటకు వచ్చాక. సినిమా రిలీజ్కి జస్ట్ రెండు రోజుల ముందు మాత్రమే ఈ సెన్సార్ డిటెయిల్స్ బయటకు రావడం కూడా కొత్త అనుమానాలకు తెరలేపుతోంది.
అత్యంత విశ్వసనీయ వర్గాల సమాచారం ప్రకారం, సినిమాలో కొన్ని ప్రత్యేకమైన సీన్స్ కోసం దర్శక నిర్మాతలు రాజీ పడలేక ‘యు/ఎ’ సర్టిఫికెట్తో సరిపెట్టుకోవాల్సి వచ్చిందనీ, లేకపోతే ‘క్లీన్ యు’ సర్టిఫికెట్ వచ్చేదనీ తెలుస్తోంది. ఆ సన్నివేశాలు ఏంటన్నది ప్రస్తుతానికి సస్పెన్స్. వల్గారిటీకయితే అస్సలేమాత్రం స్కోప్ లేదని చిత్ర వర్గాలు స్పష్టం చేస్తున్నాయి.
యాక్షన్ ఎపిసోడ్స్ విషయంలోనే కొంచెం ‘హింస’ ఎక్కువగా వుండొచ్చన్నది మరికొందరి వాదన. నాని సినిమాల్లో బీభత్సమైన యాక్షన్ ఎపిసోడ్స్ని ఊహించలేం. కానీ, ఇందులో అవి చాలానే వుంటాయట. చూడ్డానికి నాని చాలా సాఫ్ట్గా వుంటాడేమో.. ఈ సినిమాలో పెన్సిల్ పార్ధసారధి చాలా టఫ్.. అంటోంది చిత్ర యూనిట్. ఓ మహిళా గ్యాంగ్కి ‘గ్యాంగ్ లీడర్’ అయినంతమాత్రాన, నాని పూర్తిగా కూల్గా వుంటాడనుకుంటే ఎలా.? పైగా, నాని పాత్ర ‘పెన్సిల్’ పార్ధసారధి వృత్తి పరంగా రివెంజ్ స్టోరీస్ రైటర్ కదా.! ఆ మాత్రం యాక్షన్ వుండాల్సిందే.
Also Read: మెగాస్టార్ చిరంజీవితో గ్యాంగ్ లీడర్ మల్టీ స్టారర్.!
ఇదిలా వుంటే, నాని యాంగిల్లో కాదు.. సినిమాలో నటిస్తోన్న ‘ఆర్ఎక్స్100’ ఫేమ్ కార్తికేయ యాంగిల్లో ఈ సినిమాకి ‘యు/ఎ’ సర్టిఫికెట్ వచ్చి వుండొచ్చని మరికొందరు అంటున్నారు. సినిమాలో అతన్ని బ్యాడ్బాయ్లా చూపించే క్రమంలో కొన్ని సీన్స్ ‘హాట్’గా వుండే అవకాశమూ లేకపోలేదన్నది వారి వాదన. అన్నట్టు, సెన్సార్ డిటెయిల్స్ వివరిస్తూ ‘గ్యాంగ్ లీడర్’ని తనదైన స్టయిల్లో నాని కొత్తగా ప్రెజెంట్ చేశాడు.. అక్షరాల్లో చిన్న చిన్న మార్పులు చేసి. ” Gang‘U’ Le’A’der ” ఇదీ నాని మార్క్ మ్యాజిక్.