ప్రపంచానికి పీడలా పరిణమించిన కరోనా వైరస్ పుట్టడానికి చైనాయే కారణమంటూ వస్తున్న ఆరోపణలకు తగిన ఆధారాలు వెలుగు చూశాయి. కరోనా విషయంలో ఆది నుంచి చైనా ప్రపంచాన్ని తప్పుదోవ పట్టించిందని, ప్రపంచ ఆరోగ్య సంస్థ (డబ్ల్యూహెచ్ఓ) కూడా డ్రాగన్ దేశానికే వంత పాడిందని విమర్శలు వస్తున్న సంగతి తెలిసిందే. ముఖ్యంగా అమెరికా అధ్యక్షుడు ఈ విషయాన్ని పదేపదే ప్రస్తావిస్తున్నారు. తాను ఆధారాలు చూసిన తర్వాతే ఇది చెబుతున్నానని పేర్కొన్నారు. కానీ ఆ ఆధారాలు ఏమిటనేది బయటపెట్టలేదు. తాజాగా అవేమిటి అనేది బయటకు పొక్కింది.
ఓ అంతర్జాతీయ పత్రికలో ఇందుకు సంబంధించిన కథనం ప్రచురితమైంది. ఫైవ్ ఐస్ (ఐదు కళ్లు) ఉన్న అమెరికా, కెనడా, బ్రిటన్, ఆస్ట్రేలియా, న్యూజిలాండ్ దేశాల కూటమి రహస్య నివేదికలో దీనికి సంబంధించి పలు ఆసక్తికరమైన విషయాలు చైనాదే తప్పని చెబుతున్నాయి.
గతేడాది డిసెంబర్ తొలి రోజుల్లోనే చైనాలోని వూహాన్ లో కరోనా కేసులు మొదలయ్యాయని, కానీ ఆ విషయాన్ని చైనా కొన్ని రోజులపాటు దాచిపెట్టిందని ఆ నివేదికలో ఉంది. వూహాన్ లోని సీ మార్కెట్ నుంచి వైరస్ ప్రబలిందంటూ చైనా చెప్పిన విషయం పచ్చి అబద్ధమని, అది వూహాన్ లోని పీ4 వైరాలజీ ల్యాబ్ నుంచి బయటకు వచ్చిందని పేర్కొన్నారు. వెంటనే ల్యాబ్ అధికారులు వైరస్ నమూనాలను నాశనం చేశారని, ఆ తర్వాత పేషెంట్ జీరోగా భావిస్తున్న ల్యాబ్ పరిశోధకురాలు హువాన్ యాంగ్ లింగ్ కనిపించడంలేదని గుర్తుచేశారు.
వైరస్ ప్రమాదం గుర్తించిన వైద్యులపై చైనా ఉక్కుపాదం మోపింది. దీని గురించి మొదటగా మాట్లాడిన వైద్యుడు లీ వెన్ లియాండ్ ఆ మహమ్మారే సోకి ప్రాణాలు కోల్పోయారు. ఆ తర్వాత చైనా ప్రభుత్వం ఆయనకు అధికారికంగా క్షమాపణ చెప్పింది. జనవరిలో వైరస్ విజృంభించినా.. చైనా ఆ విషయాన్ని దాచిపెట్టింది. అంతా అదుపులోనే ఉందని, ఎవరూ ఆందోళన చెందాల్సిన పనిలేదని పేర్కొంది. పైగా మనిషి నుంచి మనిషికి ఆ వైరస్ సోకదని ప్రపంచాన్ని తప్పుదోవ పట్టించింది.
జనవరి 23న వూహాన్ లాక్ డౌన్ విధించిన చైనా.. ప్రపంచ దేశాలను ఆ పని చేయకుండా నిరోధించింది. ట్రావెల్ ఆంక్షలు విధిస్తామన్న అమెరికాపై విమర్శలు చేసింది. దీంతో ఫిబ్రవరి, మార్చిలో కూడా చాలాదేశాలు తమ విమానాలను నడిపించాయి. అదే పెను విపత్తుకు దారి తీసింది. చైనా నుంచి వివిధ దేశాలకు ప్రయాణించిన వారి ద్వారా ఈ మహమ్మారి ప్రపంచం మొత్తం పాకేసింది. దీంతో ఇందుకు చైనాయే కారణమని పలు దేశాలు మండిపడుతున్నాయి. తాజాగా 5 ఐస్ నివేదిక బయటకు రావడంతో దీనిపై మరింత దుమారం రేగుతోంది.
197192 949691Youre so cool! I dont suppose Ive read anything in this way before. So nice to uncover somebody with some original suggestions on this topic. realy appreciate starting this up. this excellent site is something that is necessary more than the internet, a person if we do originality. valuable function for bringing something new towards the internet! 840979
678263 447314Of course like your internet site but you need to have to check the spelling on several of your posts. Several of them are rife with spelling problems and I uncover it very bothersome to tell the truth nevertheless Ill definitely come back once more. 591921