ఇళయదళపతి విజయ్ హీరోగా అట్లీ దర్శకత్వంలో తెరకెక్కిన బిగిల్ చిత్రం ఇటీవలే విడుదలై సంచలన విజయం దిశగా దూసుకుపోతుంది. తెలుగులో విజిల్ పేరుతొ విడుదలై ఇక్కడ మంచి విజయాన్ని అందుకున్న ఈ సినిమాలో కొన్ని సన్నివేశాలను ఇప్పుడు తొలగించారు?
అదేంటి సినిమా ఇప్పటికే విడుదలై అన్ని థియేటర్స్ లో ఆడుతుంటే .. కొన్ని సీన్స్ కు కత్తెరలు వేయడం ఏమిటీ ? అని అనుకుంటున్నారా .. ఈ సినిమాలో ఓ అమ్మాయి ఆకారాన్ని హేళన చేస్తూ హీరో విజయ్ మాట్లాడిన మాటలను, ఆ సన్నివేశాలను తొలగించారు.
నిజానికి ఈ సినిమాలో హీరో ఉద్దేశం వేరే .. ఆ అమ్మాయిని అలా రెచ్చగొడితే వారిలో పట్టుదల పెరిగి దానిద్వారా ఆటలో విజయం సాధిస్తారని అయన ఉద్దేశం. అయితే ఆ అమ్మాయిని హేళన చేస్తూ చేసిన మాటలు పలు విమర్శలకు కారణం అయ్యాయి. దాంతో వాటిని తీయకపోతే సినిమా పై బ్యాడ్ ఇంపాక్ట్ పడుతుందని భావించిన దర్శక నిర్మాతలు ఆ సన్నివేశాలను తొలగించారు.
దాంతో పాటు మరి కొన్ని సీన్స్ కూడా కట్ చేసినట్టు తెలిసింది. బిగిల్ సినిమా ఇప్పటికే 200 కోట్ల క్లబ్ లోకి చేరింది. అట్లీ – విజయ్ ల కాంబినేషన్ లో తేరి, మెర్సల్ సినిమాల తరువాత హ్యాట్రిక్ హిట్ గా బిగిల్ నిలిచింది.