పెయిడ్ ఆర్టిస్టులన్నారు.. కూకట్పల్లి ఆంటీలన్నారు.. ఆడాళ్ళను ముందుపెట్టి, వెనక దాక్కుంటున్న ఆడింగి వెధవలన్నారు.. ఇంకా చాలా చాలా విమర్శలు చేశారు రాజకీయ నాయకులు. కానీ, రాజధాని లేని రాష్ట్రం కోసం ఆ రైతాంగం త్యాగం చేసింది. రైతుకి అవమానాలు కొత్త కాదు. ప్రకృతి, రైతుని వెక్కించడమూ కొత్త కాదు.
ప్రకృతి కన్నెర్రజేసినా, పాలకులు అవమానించినా.. రైతు వ్యవసాయం చేసేది, పది మందికీ తిండి పెట్టడానికి. పొలాల్లో పంట పండించి, పదిమందికి తిండి పెట్టడం వ్యవసాయం.. అంతకు మించిన సాయం రాజధాని కోసం భూముల్ని ఇవ్వడం. అది సాయం కాదు, అంతకు మించి.. అందుకే, దాన్ని ‘త్యాగం’ అంటున్నాం. దురదృష్టవశాత్తూ ప్రస్తుత పాలకులకి ఆ ‘త్యాగం’ కనిపించడంలేదు. దాని స్థానంలో చాలా చాలా కన్పిస్తున్నాయి. ఎందుకంటే, చూసే కళ్ళు అలాంటివి మరి.!
ఒక రోజు కాదు, పది రోజులు కాదు, పాతిక రోజులు కాదు.. ఏకంగా 100 రోజులపాటు అకుంరిత దీక్షతో అమరావతి రైతాంగం పోరాడుతోంది. మింగడానికి మెతుకుల్లేవుగానీ, మీసాలకు సంపెంగ నూనె.. అన్న చందాన ప్రభుత్వం, మూడు రాజధానుల కాన్సెప్ట్ని తెరపైకి తీసుకొస్తే, దానికి నిరసనగా రైతాంగం ఆందోళన చేపట్టింది. లారీలు విరిగాయి.. అయినా, రైతాంగం తట్టుకుంది. మహిళలనీ చూడకుండా, పోలీసులు చితక్కొట్టారు.. అయినా, అమరావతి రైతులు తట్టుకున్నారు. పోలీస్ ఉన్నతాధికారులు సైతం, తమ స్థాయిని మరిచి.. రైతుల ఒళ్ళు హానం చేశారంటే.. అమరావతి రైతుల మీద జరిగిన దాష్టీకం ఎలాంటిదో అర్థం చేసుకోవచ్చు.
న్యాయస్థానం పలుమార్లు ప్రభుత్వానికి మొట్టికాయలు వేసింది. పోలీసులకు చీవాట్లు కూడా పెట్టింది. దాంతో, రైతుల మీద లారీÄపెత్తనం కాస్త తగ్గిన మాట వాస్తవం. ఇక, ప్రపంచాన్ని వణికిస్తోన్న ‘కరోనా వైరస్’ కూడా, రాజధాని రైతుల పోరాటాన్ని ఆపలేకపోయింది. ఇళ్ళకే పరిమితమవ్వాల్సి వచ్చినా.. ఇళ్ళల్లోనే స్వచ్చందంగా ఉద్యమాన్ని కొనసాగిస్తున్నారు అమరావతి రైతులు.
వీలు కుదిరిన ఆ కొద్ది సమయం, దీక్షా శిబిరాల్లో తగిన దూరం పాటిస్తూ.. ఆందోళన కొనసాగిస్తున్నారంటే.. వారి చిత్తశుద్ధిని అర్థం చేసుకోవచ్చు. రైతులు భూములు ఇచ్చింది ఎవరికోసం.? మొత్తం ఆంధ్రప్రదేశ్ ప్రజల కోసం కాదా.? ఆంధ్రప్రదేశ్ రాజధాని కోసం కాదా.? మరి, ఆ రైతులకు బాసటగా నిలవాల్సిన బాధ్యత రాష్ట్రంలో అన్ని జిల్లాలు, అన్ని గ్రామాల ప్రజలకూ లేదా.? అమరావతి రైతులు త్యాగం చేశారు.. మరి రాష్ట్ర ప్రజలు ఏం చేస్తున్నారు.? ఆంధ్రప్రదేశ్లో ప్రతి ఒక్కరూ ఆత్మవిమర్శ చేసుకోవాల్సిన సందర్భమిది.!
649532 65411Im having a small problem. Im unable to subscribe to your rss feed for some reason. Im making use of google reader by the way. 758435
321631 839538Hey! Fine post! Please keep us posted when I can see a follow up! 708960