‘అ!’ చిత్రంతో దర్శకుడిగా విమర్శకుల ప్రశంసల దక్కించుకున్న ప్రశాంత్ వర్మ ఆ తర్వాత కల్కి సినిమాను తెరకెక్కించాడు. ఆ సినిమా కూడా పాజిటివ్ టాక్ దక్కించుకుంది. ప్రస్తుతం ప్రశాంత్ వర్మ ఏం చేస్తున్నాడు ఆయన భవిష్యత్తు ప్రణాళికలు ఏంటీ అనే విషయాన్ని ఆయన మాటల్లోనే తెలుసుకుందాం.
మీ ప్రస్తుత సినిమా వైరస్ గురించి కదా, ప్లానింగ్ ఏంటీ?
ఔను ప్రస్తుతం నేను వైరస్ గురించే సినిమా తీస్తున్నాను. ఇలాంటి జోనర్లో తెలుగులో ఇప్పటి వరకు ఎవరు కూడా తీయలేదు. అందుకే చాలా ఇంట్రెస్ట్గా ఈ సినిమా కోసం వెయిట్ చేస్తున్నాను. వచ్చే వారంలో మోషన్ పోస్టర్ విడుదల చేస్తున్నా. సినిమా స్టోరీ మరియు ఇతర విషయాలను త్వరలో రివీల్ చేస్తానంటూ ప్రకటించాడు.
మీ తదుపరి చిత్రం అఖిల్తో ఉండాలి కదా, ఎందుకు ఆ సినిమా చేయడం లేదు?
అఖిల్ ప్రస్తుతం చేస్తున్న సినిమా గత ఏడాది డిసెంబర్ లో పూర్తి అవ్వాల్సి ఉంది. అది పూర్తి అయిన వెంటనే నేను మొదలు పెట్టానుకున్నాను. కాని అఖిల్ మూవీ ఆలస్యం అవ్వడంతో నేను మరో సినిమాను మొదలు పెట్టాను.
ఈ లాక్డౌన్లో కూడా షూటింగ్ చేస్తున్నారు కదా ఎలా అనిపిస్తుంది?
ఇది చాలా కష్టంగా ఉంది. ఎందుకంటే రోజంతా కూడా మాస్క్ పెట్టుకుని ఉండాలి కదా.
మొదటి సినిమా హిట్, సెకండ్ మూవీ కల్కీ నిరాశ పర్చింది కదా దానిపై మీ అభిప్రాయం?
కల్కీ నేను రాసుకున్న కథ కాదు. ఆ సినిమాకు నన్ను దర్శకుడిగా నియమించుకున్నారు. నా బాధ్యతను నేను నిర్వర్తించాను. నా టీం నేను అంతా ఆ సినిమా కోసం చాలానే కష్టపడ్డాం.
హిందీ ‘క్వీన్’ తెలుగు రీమేక్ ‘దట్ ఈజ్ మహాలక్ష్మి’కి దర్శకత్వం వహించారు. కాని మీరు ఆ క్రెడిట్ వద్దన్నారు ఎందుకు?
నేను ఆ సినిమాకు కమిట్ అయిన సమయంలో చాలా వరకు షూటింగ్ పూర్తి అయ్యింది. అందుకే ఆ సినిమా క్రెడిట్ నాకు వద్దన్నాను. నేను కేవలం నిర్మాత కోసం ఆ సినిమాను పూర్తి చేశాను అంతే.
చిరంజీవి గారికి కూడా కథ చెప్పాను అన్నారు కదా ఏమైంది?
సైరా చిత్రం షూటింగ్ ప్రారంభంకు ముందే చిరంజీవి గారికి కథ చెప్పాను. సైరా కంటే ముందు ఒక సినిమాను స్పీడ్గా చేయాలని ఆయన భావించారు. కాని ఆ తర్వాత ఆలోచన మార్చుకున్నట్లుగా ఉన్నారు. నేను కథ చెప్పాను. నా కథ నచ్చిందని అన్నారు. మెగాస్టార్ గారి నుండి కాల్ కోసం వెయిట్ చేస్తున్నాను.
స్టార్ హీరోతో వర్క్ చేసే ప్లానింగ్ ఏదైనా ఉందా?
ఇప్పుడే నేను ఏమీ చెప్పలేను. స్టార్స్ ఖాళీగా ఉన్న సమయంలో నువ్వు వారితో వర్క్ చేయాల్సి ఉంటుంది. అప్పటి వరకు వెయిట్ చేయాలి. కనుక అది ఎప్పుడు సాధ్యం అవుతుందో నేను చెప్పలేను.
మీరు ‘అ! 2’ ప్రకటించారు. అందులో స్టార్స్ నటిస్తారా లేదంటే వాళ్లనే రిపీట్ చేస్తారా?
చాలా రోజుల క్రితమే అ! 2 స్క్రిప్ట్ పూర్తి చేశాను. బాలీవుడ్ నిర్మాత ఒకరు ఆ సీక్వెల్ ను హిందీలో చేసేందుకు సంప్రదించారు. ప్రయత్నాలు జరిగినా అది వర్కౌట్ కాలేదు. తెలుగులోనే ఆ సినిమాను చేయాలనుకుంటున్నాను. అయితే నటీనటులు ఎవరు అనే విషయం ఇప్పుడే చెప్పలేను. ఎందుకంటే ఆ సమయంలో ఎవరు ఖాళీ ఉంటారో ఎవరు ఈ సినిమాకు ఓకే చెప్తారో ఇప్పుడే చెప్పలేం కదా.
మీకు నాని గారికి విభేదాలనే పుకార్లు ఉన్నాయి కదా నిజమేనా?
అబద్దం. నేను నాని గారి ఆఫీస్కు వెళ్తూనే ఉంటాను. ఆయనతో మాట్లాడుతూ ఉంటాను. ఆయన కూడా ఇలాంటి వార్తలు ఎలా వచ్చాయంటూ ఆశ్చర్యంగా ఉన్నారు.
ప్రస్తుతం చేస్తున్న సినిమా తర్వాత మీరు చేయబోతున్న సినిమాలు ఏంటీ?
అ!2 చిత్రంతో పాటు ఒక ప్రేమ కథను సిద్దం చేసి ఉంచాను. ఇంకా రెండు సినిమాలు కూడా చర్చల దశలో ఉన్నాయి. ఇద్దరు పెద్ద హీరోలతో సినిమాలు ప్లాన్ చేస్తున్నాను. హాట్ స్టార్ కోసం రెండు వెబ్ సిరీస్లు చేస్తున్నాను. ఇందులో ఏ సినిమాలు ముందు చేస్తానో ఇప్పుడే చెప్పలేను.
మీరు ఎవరితో వర్క్ చేయాలనుకుంటున్నారు?
చాలా మందితో చేయాలని ఉంది. మహేష్బాబు గారు, నాని సర్, ఎన్టీఆర్ గారితో సినిమాలు చేయాలనుకుంటున్నాను. ఎన్టీఆర్ గారితో ఎనర్జిటిక్ కథ చేయాలని అనుకుంటున్నాను.
538465 482369hey there, your website is amazing. I do thank you for function 30596
32522 582066Hi there, just became aware of your blog via Google, and found that it is really informative. Im gonna watch out for brussels. Ill be grateful in the event you continue this in future. Numerous folks is going to be benefited from your writing. Cheers! 750399
4997 290980Glad to be one of a lot of visitants on this awing internet site : D. 853563