Ram Charan: లండన్ లోని ప్రఖ్యాత మేడమ్ టుస్సాడ్స్ మ్యూజియంలో గ్లోబల్ స్టార్ రామ్ చరణ్ మైనపు విగ్రహం ఏర్పాటైన సంగతి తెలిసిందే. అయితే.. ఇదే పర్యటనలో రామ్ చరణ్ ను ప్రముఖ బాక్సింగ్ చాంపియన్ కలుసుకోవడం విశేషం. కామన్ వెల్త్ చాంపియన్ గా 4సార్లు, బ్రిటిష్ హెవీ వెయిట్ చాంపియన్ గా 5సార్లు నిలిచిన మాజీ బాక్సర్ జూలియస్ ఫ్రాన్సిస్ లండన్ పర్యటనలో ఉన్న రామ్ చరణ్ ను కలుసుకున్నారు.
తాను సాధించిన బాక్సింగ్ బెల్ట్ ను తన భుజంపై వేయాలని రామ్ చరణ్ ను ఫ్రాన్సిస్ కోరడంతో బెల్ట్ ను ఫ్రాన్సిస్ భుజంపై వేశారు రామ్ చరణ్. ఇందుకు సంబంధించిన ఫొటోలు నెట్టింట వైరల్ అయ్యాయి. వీటిని మెగా ఫ్యాన్స్ షేర్ చేస్తున్నారు.
లండన్ పర్యటనలో రామ్ చరణ్ బాక్సర్స్ బృందంలో ఫ్రాన్సిస్ ఒకరు. 1993-2006 మధ్య ఆయన బాక్సింగ్ కెరీర్ కొనసాగింది. మైక్ టైసన్ కు కూడా గట్టి పోటీ ఇచ్చాడు. నటుడిగా కూడా ఫ్రాన్సిస్ పలు సినిమాల్లో నటించాడు.