విజన్ మూవీ మేకర్స్ బ్యానర్పై సాయి సుధాకర్ కొమ్మలపాటి నిర్మాతగా, ఎంఎం నాయుడు రచన–దర్శకత్వంలో తెరకెక్కుతున్న తాజా తెలుగు చిత్రం ‘సుమతీ శతకం’. అమర్దీప్ చౌదరి, శైలి చౌదరి జంటగా నటిస్తున్న ఈ సినిమాపై ఇప్పటికే ఫస్ట్ లుక్, టీజర్లతో మంచి అంచనాలు ఏర్పడ్డాయి. ఇప్పుడు ఆ అంచనాలను మరింత పెంచుతూ చిత్రంలోని తొలి మెలోడి సాంగ్ ‘ఎక్కడే ఎక్కడే’ను మేకర్స్ విడుదల చేశారు.
ఫిబ్రవరి 6న ప్రేక్షకుల ముందుకు రానున్న ‘సుమతీ శతకం’ నుంచి విడుదలైన ఈ పాట ప్రేమభావాలను సున్నితంగా ఆవిష్కరిస్తోంది. తిరుపతి జావన రాసిన అర్థవంతమైన లిరిక్స్కు గాయకుడు ధనుంజయ్ సీపన తన స్వరంతో ప్రాణం పోశారు. సుభాష్ ఆనంద్ అందించిన సంగీతం పాటకు ప్రధాన బలంగా నిలుస్తోంది. మెలోడి టచ్తో సాగే ఈ లవ్ సాంగ్, వినగానే మనసుకు హత్తుకునేలా రూపుదిద్దుకుంది.
అమర్దీప్ చౌదరి–శైలి చౌదరి మధ్య కెమిస్ట్రీని సాఫ్ట్గా చూపించేలా రూపొందిన ఈ పాట, చిత్రంలోని భావోద్వేగాలకు మంచి ప్లస్గా మారనుందని సినీ వర్గాలు భావిస్తున్నాయి. ఇప్పటికే ఆదిత్య మ్యూజిక్ యూట్యూబ్ ఛానల్లో విడుదలైన ఈ పాటకు ప్రేక్షకుల నుంచి పాజిటివ్ రెస్పాన్స్ వస్తోంది. త్వరలోనే చార్ట్బస్టర్గా నిలిచే అవకాశాలు ఉన్నాయని అంచనా.
ఈ చిత్రంలో టేస్టీ తేజ, మహేష్ విట్ట, JDV ప్రసాద్, ఆకెళ్ళ గోపి కృష్ణ, కిరణ్ విజయ్, మిర్చి కిరణ్, నెల్లూరు నీరజ, మలక్పేట్ శైలజ తదితరులు కీలక పాత్రల్లో నటించారు. ఎస్ హలేష్ సినిమాటోగ్రఫీ, నహిద్ మహమ్మద్ ఎడిటింగ్ చిత్రానికి నాణ్యతను జోడించాయి. ప్రేమ, భావోద్వేగాలతో కూడిన కథతో తెరకెక్కిన ‘సుమతీ శతకం’ ప్రేక్షకులను ఆకట్టుకునే అంశాలతో ఫిబ్రవరి 6న థియేటర్లలో సందడి చేయనుంది.