బెల్లంకొండ సాయి శ్రీనివాస్, మంచు మనోజ్, నారా రోహిత్ లీడ్ రోల్ లో విజయ్ కనకమేడల డైరెక్షన్ లో తెరకెక్కుతున్న సినిమా భైరవం. ఈ సినిమాను శ్రీ సత్య సాయి ఆర్ట్స్ బ్యానర్ లో కె.కె రాధామోహన్ నిర్మిస్తున్నారు. ఈ సినిమాలో అదితి శంకర్, ఆనంది, దివ్యా పిల్లై హీరోయిన్స్ గా నటించారు. మే 30న రిలీజ్ కాబోతున్న ఈ సినిమా నుంచి థర్డ్ సాంగ్ రిలీజ్ చేశారు మేకర్స్.
దమ్ దమారే అంటూ హుశారెత్తించే సాంగ్ తో ముగ్గురు హీరోలు అదరగొట్టేశారు. భైరవం సినిమాకు శ్రీచరణ్ పాకాల మ్యూజిక్ అందిస్తున్నారు. సినిమాలోని దమ్ దమారే సాంగ్ ను భాస్కరభట్ల రచించగా రేవంత్, సాహితి చాగంటి ఆలపించారు. సినిమాలో ఈ సాంగ్ ముగ్గురి మధ్య స్నేహాన్ని చెబుతూ వచ్చింది.
ఇప్పటికే భైరవం సినిమా నుంచి రెండు సాంగ్స్ రిలీజ్ కాగా అవి రెండూ కూడా శ్రోతలను అలరించాయి. ఇక థర్డ్ సాంగ్ గా వచ్చిన ఈ దమ్ దమారే సాంగ్ కూడా అదిరిపోయింది. భైరవం సినిమాకు బెల్లంకొండ శ్రీనివాస్, మంచు మనోజ్, నారా రోహిత్ ఈ ముగ్గురు హైలెట్ అవ్వనున్నారు. కోలీవుడ్ లో సక్సెస్ అయిన గరుడన్ సినిమాకు రీమేక్ గా ఈ సినిమా తెరకెక్కింది. మే 30న రిలీజ్ అవుతున్న ఈ సినిమా ప్రేక్షకుల నుంచి ఎలాంటి రెస్పాన్స్ తెచ్చుకుంటుందో చూడాలి.