దుల్కర్ సల్మాన్ – మృణాల్ ఠాకూర్ జంటగా అశ్వినీదత్ నిర్మించిన చిత్రం ‘సీతారామం’. హను రాఘవపూడి దర్శకత్వంలో రూపొందిన ఈ చిత్రం ఆగస్ట్ 5న విడుదల కాబోతుంది. ఈ సందర్బంగా హీరో దుల్కర్ సల్మాన్ విలేఖరులతో ముచ్చటించారు.
‘సీతారామం’ ప్రమోషన్స్ తో బిజీ బిజీ…
సినిమా ప్రమోషన్స్ తో బిజీ బిజీగా ఉన్నాం. ప్రేక్షకుల నుండి వస్తున్న ఈ రెస్పాన్స్ ని ఊహించలేదు.
‘సీతారామం’లో వున్న మేజర్ ఎట్రాక్షన్…
ఇది చాలా ఒరిజినల్ కథ. రియల్లీ క్లాసిక్ మూవీ. ఇలాంటి సినిమా ఇప్పటి వరకూ ఎక్కడా రాలేదు. ఇలాంటి గొప్ప కథలు ఇప్పటి వరకు రాలేదు. ట్రైలర్ లో చూసింది కేవలం గ్లింప్స్ మాత్రమే.
ఇకపై ప్రేమ కథలకు బ్రేక్..
ప్రేమ కథలకు కొంత విరామం ఇవ్వాలని భావిస్తున్నాను. ఇంకా పరిణితి గల విభిన్నమైన పాత్రలు చేయాలనీ వుంది.
‘సీతారామం’ లో ఫేవరేట్ సాంగ్…
కథ విన్నప్పుడు సినిమాలో సంగీతం బావుంటుందని అనుకున్నాను. కానున్న కళ్యాణం పాట కాశ్మీర్ లో షూట్ చేస్తున్నప్పుడే మ్యాజికల్ గా వుంటుందని అర్ధమైయింది. పాటలన్నీ విజువల్ వండర్ లా వుంటాయి. ఒక పాటకు మించి మరో పాట ఆకట్టుకున్నాయి. కానున్న కళ్యాణం పాట నా ఫేవరేట్.
‘సీతారామం’ లో రామ్…
రామ్ అనే ఆర్మీ అధికారి పాత్రలో కనిపిస్తా. రామ్ ఒక అనాధ. రామ్ కి దేనిపైనా ద్వేషం వుండదు. అతనికి దేశభక్తి ఎక్కువ.
వైజయంతి మూవీస్ తో అనుబంధం…
ఒక మంచి మనిషిగా అశ్వనీదత్ గారంటే నాకు ఎంతో ఇష్టం. చాలా పాజిటివ్ గా వుంటారు. ఆయన చూపించే ప్రేమ, వాత్సల్యం చాలా గొప్పగా వుంటుంది.
సీత గురించి..
‘సీతారామం’ కథ విన్నప్పుడు సీత పాత్రని ఒక అద్బుతంగా ఊహించుకున్నా. ఈ పాత్రలోకి మృణాల్ వచ్చే సరికి అద్భుతమైన ఛాయిస్ అనిపించింది. సెట్స్ లో మృణాల్ ని చూస్తే సీత పాత్రకు ఆమె తప్పితే మరొకరు న్యాయం చేయలేరేమో అనిపించింది.
రష్మిక పాత్ర గురించి…
కొత్త రష్మిక ని చూస్తారు. ఇది వరకు ఎప్పుడూ ఇలాంటి పాత్రని చేయలేదు. రష్మిక గ్రేట్ ఎనర్జీ.
పదేళ్ల సినీ కెరీర్…
నిజానికి నేను ఈ పదేళ్లలో చాలా తక్కువే చేశాను. మలయాళంలో నాతోటి హీరోలు ఏడాదికి 12 సినిమాలు చేస్తున్నారు. మా నాన్న గారే ఏడాది 30కి పైగా సినిమాలు చేసిన సందర్భాలు వున్నాయి. వాళ్లతో పోల్చుకుంటే నేను తక్కువ చేసినట్లే.
పాన్ ఇండియా మూవీ…
‘పాన్ ఇండియా అనే ట్యాగ్ విని విని విసుగొచ్చింది. ఆ పదం వాడకుండా ఒక ఆర్టికల్ కూడా వుండటం లేదు. నిజానికి పాన్ ఇండియా కొత్త కాన్సెప్ట్ ఏమీ కాదు. ఇప్పుడు ప్రత్యేకంగా పాన్ ఇండియా ఫిల్మ్ అని ఒత్తి చెప్పడం అవసరం లేదని నా ఫీలింగ్.
తెలుగులో మీకున్న క్రేజ్…
తెలుగు ప్రేక్షకులు నాపై చూపిన అభిమానం చాలా సర్ ప్రైజ్ అనిపించింది. నా చిత్రాలు వివిధ ఓటీటీ వేదికలపై చూసి సినిమాల పట్ల వున్న ఒక ప్యాషన్ తో చాల మంది కనెక్ట్ అవ్వడం ఆనందమనిపించింది. మహానటి సమయంలో నా కాళ్ళకి గాయం కావడంతో ఈవెంట్స్ కి రాలేకపోయాను. వైజాగ్, విజయవాడ ఈవెంట్స్ అభిమానుల చూపించిన ప్రేమకు కృతజ్ఞతలు.
సీతారామం స్టార్ కాస్టింగ్…
తెలుగు, తమిళ్, బెంగాలీ ఇలా వివిధ పరిశ్రమల ప్రముఖ నటీనటులు ఇందులో భాగమయ్యారు. గౌతమ్ వాసుదేవ్ మీనన్ గారితో రెండోసారి నటించడం ఆనందంగా వుంది.
యాక్టర్ కాకపోయింటే….
బిజినెస్ స్కూల్ లో చదువుకున్నాను. ఎంబీఎ చేశాను. బహుశా ఇన్వెస్టర్ ని అయ్యేవాడినేమో.
దర్శకత్వం ఆలోచన…
దర్శకత్వం చేయాలని వుంది. కానీ ఇప్పుడంత సమయం లేదు.
525005 466686Any way Ill be subscribing to your feed and I hope you post again soon. I dont feel I could have put it better myself. 545230
384752 882345Im often to blogging and i in actual fact respect your content. The piece has actually peaks my interest. Im going to bookmark your content material and preserve checking for brand new info. 878266