బ్లాక్ ఫంగస్ కలకలం..! ముగ్గురు బాలికలకు కళ్లు తొలగించిన వైద్యులు

బ్లాక్ ఫంగస్ బారిన పడిన 4,6,14 ఏళ్ల వయసు వారు బాలికలకు కళ్లు తొలగించిన ఘటన కలకలం రేపుతోంది. ముంబైకి చెందిన 14 ఏళ్ల బాలిక కరోనా నుంచి కోలుకుని డయాబెటిస్‌ కు గురైంది. తర్వాత కంట్లో సమస్యగా అనిపించి ఆస్పత్రికి వెళ్లిన 48 గంటల్లోనే బాలిక కన్ను నల్లగా మారిపోయింది. ఫంగస్‌ ముక్కు వరకు సోకడంతో పరిస్థితి విషమించింది. దీంతో వైద్యులు ఆరు వారాలపాటు వైద్యం అందించినా ఫలితం లేకపోవడంతో బాలిక కంటిని తొలగించారు.

మిగిలిన ఇద్దరు చిన్నారులు కోవిడ్‌ బారినపడ్డారు. చిన్నారులిద్దరికీ బ్లాక్‌ ఫంగస్‌ సోకడంతో ముంబైలోని కేబీహెచ్ బచువాలి ఆప్తాల్మిక్ అండ్‌ ఈఎన్‌టీ ఆసుపత్రిలో చేర్చారు. చికిత్స ఫలితాన్ని ఇవ్వకపోవడంతో వీరికి కన్ను తొలగించారు. ఇలా చేయకపోతే జీవితాంతం ప్రమాదంలో పడేవారని వైద్యులు చెప్తున్నారు. ముగ్గురిలో ఇద్దరికి ఒక ఆస్పత్రిలో, మరోకరి వేరేక ఆస్పత్రిలో సర్జరీ చేసి ఒక కన్ను తొలగించారు. దేశంలో బ్లాక్ ఫంగస్ సృష్టిస్తున్న విలయానికి ఈ సంఘటనలు ఉదాహరణగా నిలుస్తున్నాయి.