తుపాకీతో యజమానిని కాల్చి చంపిన పెంపుడు కుక్క… అసలెలా జరిగిందంటే!!

కుక్కను అత్యంత విశ్వాసమైన జంతువుగా మనం భావిస్తాం. మనలో చాలా మంది పెంపుడు కుక్కలను పెంచుకుని వాటిని తమ కుటుంబసభ్యులతో సమానంగా చూసుకుంటారు. అయితే అమెరికాలో జరిగిన ఒక సంఘటన అందరినీ విస్తుపోయేలా చేసింది. వివరాల్లోకి వెళితే

అమెరికాలోని కాన్సాస్ రాష్ట్రంలో విచితాకు చెందిన 30 ఏళ్లజోసెఫ్ ఆస్టిన్ స్మిత్ శనివారం ఉదయం తన పెంపుడు కుక్కతో కలిసి హంటింగ్ ట్రిప్ కు బయల్దేరాడు. తను ముందు సీట్ లో కూర్చుని, పెట్ డాగ్ ను, గన్ ను పికప్ ట్రక్కులో వెనుక సీటులో ఉంచాడు. అయితే అతని ప్రాణాలు ఆ నిర్ణయమే తీస్తుందని అతను ఊహించలేదు.

ఆ కుక్క అనుకోని విధంగా గన్ పైకి దూకింది. దాంతో ఒక్కసారిగా గన్ లోంచి బుల్లెట్ వెళ్లి ఆ వ్యక్తి బాడీలోకి చొచ్చుకెళ్లింది. బాధితుడు గాయాలతో స్పాట్ లోనే మరణించాడని రిపోర్ట్స్ చెబుతున్నాయి.