మైనర్ బాలికను అవకాశాలు ఇప్పిస్తానని వేధించిన దర్శకుడు

ఒక 16 ఏళ్ల కుర్రాడు తన 13 ఏళ్ల కూతుర్ని వేధిస్తున్నాడని తల్లి కేరళలోని అట్టింగల్ పోలీసులకు ఫిర్యాదు చేసింది. ఆ 16 ఏళ్ల కుర్రాడ్ని విచారించగా తాను వేధించలేదని, తాము రిలేషన్ లో ఉన్నామని ఆ కుర్రాడు తెలిపాడు. దీంతో బాలికను విచారించాలని పోలీసులు నిర్ణయించుకున్నారు.

ఆ 13 ఏళ్ల బాలిక, కుర్రాడు తనను వేధిస్తున్నాడని ఒప్పుకుంది. అలాగే మహిళా పోలీసులు మరికొంత సేపు ఆమెతో మాట్లాడగా మరిన్ని విషయాలు వెలుగులోకి వచ్చాయి. 47 ఏళ్ల మలయాళం దర్శకుడు శ్రీకాంత్ ఎస్ నాయర్ తన తల్లికి కజిన్ అని చెప్పింది ఆ బాలిక.

ఇంట్లో ఎవరూ లేని సమయంలో తనకు సినిమాల్లో అవకాశాలు ఇప్పిస్తానని మాయమాటలు చెప్పి తనను మూడేళ్ళ క్రితం పలుమార్లు వేధించినట్లు ఆమె పోలీసులకు చెప్పింది. అనంతరం శ్రీకాంత్ ను కూడా విచారించిన పోలీసులు తనను అదుపులోకి తీసుకున్నారు. శ్రీకాంత్ వండర్ బాయ్, రాంగ్ టర్న్ చిత్రాలను తెరకెక్కించాడు.