ప్రయోగాత్మక సినిమాలతో రవిబాబు టాలీవుడ్ లో మంచి క్రేజ్ తెచ్చుకున్నాడు. అయితే ఈ మధ్య కాలంలో అయన తీసిన సినిమాలేవీ అంతగా హిట్ అందుకోలేకపోతున్నాయి. ఈ మద్యే పందిపిల్ల తో ఓ సినిమా తీసి చేతులు కాల్చుకున్నాడు రవి బాబు. ఆ తరువాత కొంత గ్యాప్ తీసుకుని అయన తాజాగా ఆవిరి అంటూ మరో కొత్త ప్రయోగం చేస్తున్నాడు.
తాజాగా ఈ సినిమాకు సంబందించిన ఓ ఫస్ట్ లుక్ విడుదలైంది. పోస్టర్ లో స్టవ్ పై ఓ ప్రెషన్ కుక్కరు .. దాని పై మూత కొద్దిగా ఓపెన్ చేసి .. చూస్తున్న రెండు కళ్ళు .. ఆ కళ్ళలో భయం స్పష్టంగా కనిపిస్తుంది. ఆ కుక్కర్ నుండి ఆవిరి బయటికి వస్తుంది. పోస్టర్ చూస్తుంటే .. ఎలా రియాక్ట్ అవ్వాలో తెలియడం లేదు .. చిన్న ప్రెషర్ కుక్కర్ లో మనిషి ఎలా పడతాడు అన్న అనుమానాలు కలుగుతున్నాయి.
Also Read: ఆ నిర్మాతలిద్దరికి.. పడడం లేదట..!
సరే ఈ విషయం పక్కన పెడితే . .ఆవిరి పేరుతొ రవిబాబు చేస్తున్న ప్రయత్నం కి ఇప్పుడు ప్రముఖ నిర్మాత దిల్ రాజు తోడైనట్టు కనిపిస్తుంది. ఎందుకంటే ఈ సినిమాలో దిల్ రాజు ప్రజెంట్స్ అని ఉంది .. అంటే ఈ సినిమా విడుదల ను దిల్ రాజు చేస్తున్నాడని అర్థం అయింది. ప్రస్తుతం పోస్టర్ కంటే కూడా దిల్ రాజు సినిమా విడుదల చేస్తున్నాడన్న న్యూస్ ఇప్పుడు పరిశ్రమలో ఆసక్తి రేపుతోంది.
దిల్ రాజు చిన్న సినిమాలకు సపోర్ట్ గా తన బ్రాండ్ తో విడుదల చేయాలనీ ఆ మధ్య తన బ్యానర్ 20 ఏళ్ళు పూర్తీ చేసుకున్న సందర్బంగా చెప్పాడు .. కాబట్టి ఇప్పుడు ఈ సినిమా విషయంలో అదే స్ట్రాటజీ ఫాలో అవుతున్నారు. అంతా కొత్త నటీనటులతో తెరకెక్కించిన ఈ సినిమా త్వరలోనే విడుదల కానుంది.