తెలంగాణ ప్రభుత్వం యుద్దప్రాతిపదిక తీసుకొచ్చిన కొత్త మున్సిపల్ బిల్లును యథాతథంగా ఆమోదించకుండా గవర్నర్ నరసింహన్ అభ్యంతరం చెప్పడంలో ఆంతర్యమేంటి? ఆ బిల్లులోని ప్రతి లైనూ తాను తయారుచేసిందేనని సాక్షాత్తూ అసెంబ్లీలో సీఎం కేసీఆర్ చెప్పిన తర్వాత కూడా గవర్నర్ ఎందుకు దానికి కొర్రీలు పెట్టారు. ఆ బిల్లు ఆమోదానికి కచ్చితంగా మూడు సవరణలు అవసరమని పేర్కొనడమే కాకుండా కేంద్రానికి పంపి వివరణ తీసుకున్నాకే ఆమోదిస్తానని చెప్పడం ఏ సంకేతాలకు నిదర్శనం? ప్రస్తుతం తెలంగాణ దీనిపైనే జోరుగా చర్చ సాగుతోంది.
వాస్తవానికి గవర్నర్ నరసింహన్, సీఎం కేసీఆర్ మధ్య చక్కని వాతావరణం ఎప్పటినుంచో ఉంది. కేసీఆర్ నేరుగా రాజ్ భవన్ వెళ్లడం.. పెద్దాయనతో చాలాసేపు మాట్లాడం.. నరసింహన్ కూడా కేసీఆర్ పట్ల అదే విధంగా స్పందించడం చాలాకాలంగా చూస్తున్నాం. సీఎంగా కేసీఆర్ బాధ్యతలు చేపట్టిన అనంతరం ఏ విషయంలోనూ ఇరువురి మధ్యా చిన్నపాటి వైరుధ్యాలు కూడా రాలేదు. ప్రభుత్వం ఏ బిల్లు పంపినా గవర్నర్ ఆగమేఘాల మీద దానిని ఆమోదించడం చకచకా జరిగిపోయాయి.
హైదరాబాద్ లో ఏపీకి కేటాయించిన భవనాలను తిరిగి తెలంగాణకు అప్పగించే విషయంలో నరసింహనే స్వయంగా చొరవ తీసుకుని ఆగమేఘాల మీద ఆ పని పూర్తిచేయించారు. అలాంటి నరసింహన్.. కేసీఆర్ ఎంతో ప్రతిష్టాత్మకంగా భావిస్తున్న మున్సిపల్ బిల్లును అడ్డుకోవడానికి కారణం మాత్రం కచ్చితంగా కమలనాథులే అంటున్నారు. ఇటీవల కాలంలో కేంద్ర పెద్దలకు, సీఎం కేసీఆర్ కు మధ్య సత్సంబంధాలు కనిపించడంలేదు. పలు అంశాల్లో వారి మధ్య విభేదాలు కనిపిస్తున్నాయి. కొత్త సచివాలయ నిర్మాణానికి కేంద్రం బైసన్ పోలో మైదానం ఇవ్వకపోవడంతో కినుక వహించిన కేసీఆర్.. రక్షణ శాఖకు రాష్ట్ర ప్రభుత్వ భూమిలిచ్చే విషయంలో మోకాలడ్డారు.
ఈ నేపథ్యంలో విపక్షాలకు ఇబ్బందిగా పరిణమించిన మున్సిపల్ బిల్లును అడ్డుకోవాలని భావించిన కాషాయదళం.. ఈ మేరకు గవర్నర్ ను కలిసి ఫిర్యాదు చేసింది. దీంతో గవర్నర్ కీలకమైన సవరణలు సూచించినట్టు చెబుతున్నారు. కేంద్రంలోని బీజేపీ పెద్దల ఆశీర్వాదంతో చాలాకాలంగా కొనసాగుతున్న ఆయన.. వారి మెప్పు పొందేందుకే తన స్నేహితుడైన కేసీఆర్ ను తప్పనిసరి పరిస్థితుల్లో ఇబ్బంది పెట్టినట్టు సమాచారం. రాబోయే రోజుల్లో ఈ వ్యవహారం ఎన్ని మలుపులు తిరుగుతుందో వేచి చూడాల్సిందే.
387112 141702Hmm is anyone else experiencing troubles with the images on this blog loading? Im trying to find out if its a problem on my finish or if its the blog. Any feed-back would be greatly appreciated. 797637
348639 431315Your blog has the same post as yet another author but i like your greater.~:; 872767
648698 538460Excellent read, I just passed this onto a colleague who was doing a little research on that. And he actually bought me lunch since I found it for him smile So let me rephrase that: Thanks for lunch! 70784