కోలీవుడ్ స్టార్ హీరో ధనుష్ హీరోగా, ‘పిజ్జా’, ‘పేట’ సినిమాల దర్శకుడు కార్తీక్ సుబ్బరాజ్ దర్శకత్వంలో రూపొందించిన సినిమా ‘జగమే తందిరం’. ఈ సినిమాని తెలుగులో ‘జగమే తంత్రం‘గా డబ్ చేశారు. కరోనా సెకండ్ వేవ్ కారణంగా ఈ సినిమా థియేటర్స్ ని స్కిప్ చేసి, టాప్ ఓటిటి ప్లాట్ ఫామ్ నెట్ ఫ్లిక్స్ లో రిలీజయింది. ఇంటర్నేషనల్ గా 17 భాషల్లో రిలీజైన మరి ఈ జగమే తంత్రం ఎలా ఉందనేది ఇప్పుడు చూద్దాం..
కథ:
లండన్ లో రిచ్ అండ్ టాప్ గ్యాంగ్ స్టర్ పీటర్(జేమ్స్ కాస్మో).. తమిళనాడు నుంచి వచ్చి లండన్ లో సెటిల్ అయిన శివదాస్(జోజు జార్జ్) పీటర్ కి పోటీగా గ్యాంగ్ స్టర్ గా ఎదుగుతాడు. శివదాస్ గ్యాంగ్ పీటర్ కజిన్ ని చంపేస్తారు. దాంతో పీటర్ శివదాస్ ని లేపేయాలనుకుంటాడు. అందుకోసం మధురై లో తెలివైన డాన్ సురులి(ధనుష్) గురించి తెలిసి, డబ్బులిచ్చి లండన్ కి రప్పిస్తారు. అనుకున్నట్టే సురులి సాయంతో పీటర్ శివదాస్ బిజినెస్ ని దెబ్బ కొట్టడమే కాకుండా చంపేస్తాడు. ఆ తర్వాత సురులి పై జరిగిన ఓ మర్డర్ అటెంప్ట్ ద్వారా పీటర్ కి – కాళిదాస్ కి మధ్య ఉన్న వ్యత్యాసం సురులికి తెలుస్తుంది. అది తెలిసాక సురులి ఏం చేసాడు? పీటర్ – శివదాస్ కి మధ్య ఉన్నవి జస్ట్ గ్యాంగ్ వార్స్ మాత్రమేనా లేదా ఇంకేదైనా కారణం ఉందా? చివరికి లోకల్ డాన్ పీటర్ మీద సురులి గెలిచాడా? లేదా? అన్నదే కథ..
తెరమీద స్టార్స్..
ధనుష్.. ఇప్పటికే నేషనల్ వైడ్ తన నటనతో ప్రేక్షకులను సంపాదించుకున్న హీరో.. లోకల్ గ్యాంగ్ స్టర్ సురులి పాత్రలో అద్భుతమైన నటనని కనబరిచాడు. తెలుగు వారికి ధనుష్ నటన బాగా నచ్చుతుంది కానీ ఒరిజినల్ ఫ్లేవర్ తమిళ్ కాబట్టి వారికి ధనుష్ బాడీ లాంగ్వేజ్, డైలాగ్ మాడ్యులేషన్, నటన సూపర్బ్ అనిపిస్తుంది. ఇకపోతే హాలీవుడ్ యాక్టర్ జేమ్స్ కాస్మో నటనతో పాటు, తన ప్రెజన్స్ చూసే వారికి కొత్త ఫీల్ ని ఇస్తుంది. జోజు జార్జ్, ఐశ్వర్య లేక్ష్మి లు ఉన్నంతలో బాగా నటించారు. ఎమోషనల్ సీన్స్ లో ఐశ్వర్య చాలా బాగా చేసింది.
తెర వెనుక టాలెంట్..
శ్రేయాస్ కృష్ణ సినిమాటోగ్రఫీ, సంతోష్ నారాయణ్ మ్యూజిక్ మైండ్ బ్లోయింగ్ అని చెప్పాలి. కంప్లీట్ హాలీవుడ్ స్టైల్ గ్యాంగ్ స్టర్ ఫిల్మ్ ఫీల్ తీసుకురావడంలో శ్రేయాస్ కృష్ణ విజువల్స్ సూపర్బ్ అనిపిస్తే, సంతోష్ నారాయణ్ మ్యూజిక్ ఆడియన్స్ హై ఫీల్ మోమెంట్స్ ఇచ్చింది. వివేక్ హర్షన్ ఎడిటింగ్ కూడా బాగుంది. కానీ ఒక స్టేజ్ తర్వాత కథ ఇది ని కంప్లీట్ గా రివీల్ అయ్యాక మాత్రం మూవీ కాస్త స్లో అనిపిస్తుంది అక్కడ మాత్రం కాస్త ఎడిటర్ లాగ్ కట్ చేసి ఉంటే బాగుండేది అనే ఫీలింగ్ వస్తుంది. ఆర్ట్ వర్క్ కూడా చాలా బాగుంది.
ఇక కెప్టెన్ ఆఫ్ ది షిప్ కార్తీక్ సుబ్బరాజ్ విషయానికి వస్తే.. ఇతని మేకింగ్ హాలీవుడ్ స్టైల్ లో ఉంటుంది. ఈ మూవీలోనూ అదే స్టైల్ ట్రై చేశారు. అలాగే ప్రథమార్థం అద్భుతంగా తీసుకెళ్లడం ఇతని స్పెషాలిటీ అయితే, సెకండాఫ్, ముఖ్యంగా క్లైమాక్స్ ని తేల్చేయడం ఇతని వీక్ నెస్. ఈ సినిమా విషయంలోనూ అదే జరిగింది. హీరో మొదటి భాగంలో చాలా తెలివైన వాడు కానీ సెకండాఫ్ కి వచ్చే సరికి అలా బిహేవ్ చేయడు. స్క్రీన్ ప్లే పరంగా సెకండాఫ్ లో కాసేపటికే ట్విస్ట్ రివీల్ చేసేసి, ఇక హీరో ఏం చేస్తాడు అనేది చెప్పాక సీన్స్ లో నెక్స్ట్ సీన్ ఎలా ఉంటుందా అనే సస్పెన్స్ ఉండాలి కానీ ఆ సప్సెన్స్ క్రియేట్ చేయడంలో ఫెయిల్ అయ్యాడు. డైరెక్టర్ గా పలు విభాగాల్లో ది బెస్ట్ అనిపించుకున్న చివరికి వచ్చేసరికి ఓకే అనిపించుకోగలిగే సినిమా ఇచ్చాడే తప్ప అదిరిపోయింది అనే రేంజ్ సినిమా అయితే ఇవ్వలేదు. ప్రొడక్షన్ వాల్యూస్ మాత్రం ఫెంటాస్టిక్.
విజిల్ మోమెంట్స్:
– సురులిగా ధనుష్ సూపర్బ్ పెర్ఫార్మన్స్
– ఫస్ట్ హాఫ్
– ఎలివేషన్ సీన్స్
– మ్యూజిక్ అండ్ విజువల్స్
బోరింగ్ మోమెంట్స్:
– డ్రాప్ అయిపోయిన సెకండాఫ్
– వీక్ స్టోరీ
– నెమ్మదిగా సాగే కథనం
– వీక్ క్లైమాక్స్
– దిమ్మతిస్తే రన్ టైం
విశ్లేషణ:
‘జగమే తందిరం లేదా జగమే తంత్రం’ లో హైలైట్ గా నిలిచింది ధనుష్ నటన మాత్రమే.. సురులి పాత్రలో ధనుష్ సూపర్బ్ అనిపించుకున్నప్పటికీ, ధనుష్ ని డైరెక్టర్ కార్తీక్ సుబ్బరాజ్ సరిగా ఉపయోగించుకోలేదు అనిపిస్తుంది. మేకింగ్ లో ఒక్కటే హాలీవుడ్ స్టైల్ లో ఉంటే సరిపోదు, కథ కూడా అదే స్టైల్ లో ఉండాలి లేదా స్క్రీన్ ప్లే అయినా కొత్తగా ఉండాలి. అవేమీ లేకపోవడంతో మొదటి అర్ధభాగం పరవాలేదనిపించినా రెండవ అర్ధభాగం బాబోయ్ అనిపిస్తుంది. ఫైనల్ గా ‘జగమే తంత్రం’ ధనుష్ డై హార్డ్ ఫాన్స్ కి కొంతవరకు నచ్చచ్చు..
చూడాలా? వద్దా?: ధనుష్ ఫాన్స్, స్టైలిష్ మేకింగ్ ఇష్టపడే వారికి ఓకే అనిపిస్తుంది, మిగతా వారికి నచ్చకపోవచ్చు.
తెలుగుబులెటిన్.కామ్ రేటింగ్: 2.25/5
