ప్రస్థానం ఫ్లాప్‌ స్వయంకృతం : దేవకట్టా

శర్వానంద్‌ సినీ కెరీర్‌లో నిలిచి పోయే చిత్రాల్లో ఒకటి ప్రస్థానం. దేవకట్టా దర్శకత్వంలో వచ్చిన ఆ సినిమా విమర్శకుల ప్రశంసలు దక్కించుకుంది. ఒక పక్కా పొలిటికల్‌ డ్రామా. ఆ సినిమాలోని ప్రతి పాత్ర కూడా వేటికి అవే అద్బుతం అన్నట్లుగా సాగుతాయి. కాని కొన్ని కారణాల వల్ల సినిమా బాక్సాఫీస్‌ వద్ద నిరాశ పర్చింది. తెలుగు ప్రేక్షకులు ఆధరించకున్నా హిందీ ప్రేక్షకులు తప్పకుండా ఆధరిస్తారనే నమ్మకంతో సంజయ్‌ దత్‌ ఈ సినిమాను రీమేక్‌ చేశాడు.

తెలుగులో వచ్చిన ఫలితమే హిందీలో కూడా పునరావృతం అయ్యింది. అక్కడ ఇక్కడ టాక్‌ పరంగా పాజిటివ్‌ వచ్చినా కలెక్షన్స్‌ మాత్రం నిరాశ పర్చాయి. రెండు చోట్ల కూడా నిర్మాతలకు నష్టాలను మిగిల్చిన విషయం తెల్సిందే. ఆ విషయమై దర్శకుడు దేవా కట్టా మాట్లాడుతూ ప్రస్థానం సినిమాను తెలుగులో విడుదల చేసిన సమయంలో డార్లింగ్‌ మరియు సింహా సినిమాలు ఉన్నాయి. ఆ రెండు సినిమాలకు పోటీగా ప్రస్థానం నిలువలేక పోయింది.

సంజయ్‌ దత్‌ జైలుకు వెళ్లి వచ్చిన తర్వాత ఏరి కోరి మరీ ప్రస్థానం రీమేక్‌ చేశాడు. ఆయన కోసం స్క్రిప్ట్‌లో మార్పులు చేసి ఆయన పాత్రను పెంచడం జరిగింది. అయితే ఆ మార్పులు కథ గమనంను మార్చింది. అలాగే సినిమాకు పబ్లిసిటీ చేయక పోవడంతో పాటు సరైన సమయంలో విడుదల చేయలేదు. అందుకే హిందీలో కూడా సినిమా నిరాశ పర్చింది. నిర్మాతతో పాటు బయ్యర్లకు కూడా సినిమా నష్టాలను మిగిల్చిందని ఆయన పేర్కొన్నాడు. కాని ప్రస్థానం సినిమా వల్ల తాను ఎంతో మంది ప్రశంసలు పొందానంటూ దేవ కట్టా చెప్పుకొచ్చాడు. ప్రస్థానం సినిమా రాజమౌళికి కూడా చాలా ఇష్టం. అందుకే బాహుబలి కథ చర్చల్లో దేవ కట్టాను పట్టుబట్టి కూర్చోబెట్టాడని టాక్‌.