Deepika Padukone: బాలీవుడ్ స్టార్ హీరోయిన్ దీపికా పదుకొణె-రణ్ వీర్ సింగ్ జంట తల్లిదండ్రులయ్యారు. దీపికా పదుకొణె పండంటి బిడ్డకు తల్లి అయ్యారు. ఆదివారం ఉదయం ముంబైలోని ఓ ప్రైవేటు ఆసుపత్రిలో ఆడబిడ్డకు జన్మనిచ్చారు. తల్లీబిడ్డా క్షేమంగా ఉన్నట్టు ఆసుపత్రి వర్గాలు స్పష్టం చేశాయి. ప్రస్తుతం ఈ వార్త వారి కుటుంబంతోపాటు వారి అభిమానుల్లోనూ సంతోషం నింపుతోంది.
సోషల్ మీడియా వేదికగా వారి జంటకు నెటిజన్లు, అభిమానులు అభినందనలు తెలియజేస్తున్నారు. దీపికా-రణవీర్ ప్రేమించి పెళ్లి చేసుకున్నారు. సంజయ్ లీలా భన్సాలీ దర్శకత్వంలో వచ్చిన ‘రామ్ లీలా’ సినిమా సమయంలో వీరిద్దరూ ప్రేమలో పడ్డారు. తదనంతరం ఇరు కుటుంబాల పెద్దలను ఒప్పించి 2018లో పెళ్లి చేసుకున్నారు. కల్కి సినిమా ప్రమోషన్లో కూడా దీపికా గర్భిణిగానే హాజరయ్యారు.
కెరీర్ పరంగా రణవీర్ గతేడాది ‘రాకీ ఔర్ రాణీకి ప్రేమ్ కహానీ’తో సందడి చేశారు. ప్రస్తుతం ‘సింగమ్ ఎగైన్’ సినిమాలో నటిస్తున్నారు. దీపికా కల్కితో భారీ విజయం అందుకున్నారు. ఆ సినిమా సీక్వెల్ లోనూ నటించనున్నారు.