తెలుగు సినిమా ఇండస్ట్రీలో దిగ్దర్శకులుగా చెప్పుకోదగ్గ దర్శకుల్లో దర్శకేంద్రుడు కె.రాఘవేంద్రరావు ఒకరు, ఆయన సినిమాలకి తెలుగు సినీ చరిత్రలో ఓ ప్రత్యేక స్థానం ఉంది. శతాధిక చిత్రాల దర్శకుడిగా ఎన్నో అపురూపమైన సినిమాలను తెరకెక్కించారు. కెరీర్లో నాటి ఎన్టీఆర్ నుంచి చిరంజీవి, నేటి జనరేషన్ లో అల్లు అర్జున్ వరకూ ఎంతోమంది హీరోలతో సినిమాలు చేసారు. అలాగే ఆయన వెంకటేష్, మహేష్ బాబు, అల్లు అర్జున్ లాంటి వాళ్ళని తెలుగు సినిమాకి హీరోలుగా పరిచయం చేసాడు. అలాగే అతిలోక సుందరి శ్రీదేవి, కుష్బూ, టబు, దీప్తి భట్నాగర్, శిల్ప శెట్టి, తాప్సి లాంటి ఎందరో హీరోయిన్స్ ని కూడా ఆయన తెలుగు సినిమాకి పరిచయం చేశారు. స్టార్ హీరోలతో సినిమాలు చేస్తూనే, యంగ్ హీరోస్ తో కూడా డిఫరెంట్ సినిమాలు చేసి వారి కెరీర్ కి పూల బాట వేశారు.
ఆయన అందించిన బ్లాక్ బస్టర్స్, ఇండస్ట్రీ హిట్స్, క్లాసిక్స్ గురించి ఎంత చెప్పినా తక్కువే అవుతుంది. పాటల్లో అందం, హీరోయిన్ గ్లామర్ ను చూపించడంలో కేరాఫ్ అడ్రస్ గా నిలిచారు. 45 ఏళ్ల కెరీర్లో ఆయన అందించిన అద్భుతాలెన్నో ఉన్నాయి. నేడు ఆయన జన్మదినం సందర్భంగా దర్శకేంద్రుడికి తెలుగుబుల్లెటిన్.కామ్ తరపున జన్మదిన శుభాకాంక్షలు తెలియజేస్తూ, ఆయన కెరీర్లో మైలురాళ్లుగా నిలిచిన టాప్ 10 సినిమాలు మీకోసం..
1. బాబు: శోభన్ బాబుతో తెరకెక్కించిన ఈ సినిమాతో దర్శకుడిగా తన ప్రస్థానం ప్రారంభించారు. భవిష్యత్ సినిమాల్లో తన ప్రభంజనానికి ఈ సినిమా ఉపయోగడినా తర్వాతి సినిమా జ్యోతితో హిట్ ట్రాక్ పట్టారు.
2. అడవిరాముడు: ఎన్టీఆర్, జయప్రద కాంబినేషన్లో తెరకెక్కిన ఈ సినిమా సృష్టించిన ప్రభంజనం అంతా ఇంతా కాదు. ఈ సినిమాతో స్టార్ డైరక్టర్ గా మారిపోయారు. ‘ఆరేసుకోబోయి పారేసుకున్నాను’ పాటను తెరపై డబ్బులు విసిరేలా తెరకెక్కించి సెన్సేషన్ క్రియేట్ చేశారు.
3. వేటగాడు: ఎన్టీఆర్ – శ్రీదేవి కాంబినేషన్లో వచ్చిన ఈ సినిమా అప్పట్లో బ్లాక్ బస్టర్ హిట్. పాటలన్నీ సూపర్ హిట్. ఆకు చాటు పిందె తడిసే పాట సెన్సేషనల్ హిట్ అయింది.
4. హిమ్మత్ వాలా: ఈ సినిమాతో హిందీలో అడుగుపెట్టారు. శ్రీదేవిని హిందీలో స్టార్ హీరోయిన్ ను చేసిన సినిమా ఇదే. తెలుగులో కృష్ణతో తీసిన ఊరికిమొనగాడు సినిమాకు ఇది రీమేక్.
5. కలియుగ పాండవులు: ఈ సినిమాతో తెలుగు తెరకు వెంకటేశ్ ను పరిచయం చేశారు. కుష్బూ కథానాయిక. వెంకటేశ్ కు తొలి సినిమాతోనే సూపర్ హిట్ ఇచ్చారు.
6. జగదేకవీరుడు అతిలోకసుందరి: ఈ సినిమా సృష్టించిన ప్రభంజనం ఓ చరిత్ర. నాలుగు ఫ్లాపులు తర్వాత తీసిన ఈ సినిమా రాఘవేంద్రరావు కెరీర్లో ఓ అద్భుతంగా, తెలుగు సినిమాల్లో ఓ క్లాసిక్ వండర్ గా నిలిచిపోయింది.
7. ఘరానామొగుడు: ఈ సినిమాతో తెలుగులో తొలి 10కోట్ల షేర్ వసూలు చేసిన సినిమాగా నిలిపారు. చిరంజీవిలోని మాస్ యాంగిల్ ను పూర్తిగా ఉపయోగించి కథను అత్యంత పవర్ ఫుల్ గా చూపించారు.
8. పెళ్లి సందడి: శ్రీకాంత్ హీరోగా తీసిన ఈ లోబడ్జెట్ సినిమా అప్పట్లో సంచలనాలు నమోదు చేసింది. రాఘవేంద్రరావు మార్క్ పాటలు, కామెడీ, లవ్ స్టోరీతో భారీ బ్లాక్ బస్టర్ హిట్ సాధించింది.
9. అన్నమయ్య: రాఘవేంద్రరావు అంటే హీరోయిన్ల గ్లామర్, పాటలు మీద ఆధారపడతాడు అనే ముద్రను చెరిపేసిన సినిమా. నాగార్జునలో ఇలాంటి నటుడున్నాడా అని నిరూపించింది అన్నమయ్య. ఆ జనరేషన్ లో 175 రోజులు ఆడింది. ధియేటర్లన్నీ ఆధ్యాత్మిక క్షేత్రాలయ్యాయి.
10. గంగోత్రి: కెరీర్లో రాఘవేంద్రరావుకు 100వ సినిమా. అల్లు అర్జున్ కు ఇది తొలి సినిమా. ఈ సినిమాను సూపర్ హిట్ చేసారు. బన్నీలోని నటనను రాబట్టి అతని కెరీర్ ను గ్రాండ్ గా లాంచ్ చేశారు.
దర్శకేంద్రుడు కె. రాఘవేంద్ర రావు కెరీర్లో ఇవే కాకూండా ఎన్నో కమర్షియల్ హిట్ సినిమాలు కూడా ఉన్నాయి కానీ ఆయన కెరీర్ ని మలుపు తిప్పిన టాప్ 10 చిత్రాలను మీకందించాం.. మీకు నచ్చిన సినిమాల లిస్ట్ ని కింద కామెంట్స్ లో తెలపండి.
899961 194924Yay google is my world beater assisted me to uncover this wonderful web site! . 211241
490454 478639I undoubtedly didnt comprehend that. Learnt some thing new nowadays! Thanks for that. 820797
164883 256391I want reading by way of and I conceive this web site got some truly utilitarian stuff on it! . 962004