రాశి ఫలాలు: గురువారం 06 మే 2021

పంచాంగం

శ్రీ ప్లవనామ సంవత్సరం ఉత్తరాయణం వసంత ఋతువు చైత్రమాసం కృష్ణపక్షం

సూర్యోదయం: ఉ.5:38
సూర్యాస్తమయం: సా.6:16
తిథి: చైత్ర బహుళ దశమి సా.5:03 వరకు తదుపరి బహుళ ఏకాదశి
సంస్కృతవారం: బృహస్పతివాసరః (గురువారం)
నక్షత్రము: శతభిషం మ.1:33 వరకు తదుపరి పూర్వాభాద్ర
యోగం: ఐంధ్రం రా.10:00 వరకు తదుపరి వైథృతి
కరణం: భద్ర సా.5:03 వరకు
వర్జ్యం: రా.8:13 నుండి 9:53 వరకు
దుర్ముహూర్తం: ఉ.9:48 నుండి 10:39 వరకు తదుపరి మ.2:56 నుండి 3:47 వరకు
రాహుకాలం:మ.1:30 నుండి 3:00 వరకు
యమగండం: ఉ.6:00 నుండి 7:30 వరకు
గుళికా కాలం:ఉ.9:02 నుండి 10:37 వరకు
బ్రాహ్మీ ముహూర్తం:తె.4:15 నుండి తె.5:03 వరకు
అమృతఘడియలు:ఉ.6:16 నుండి 7:50 వరకు
అభిజిత్ ముహూర్తం: ఉ.11:47 నుండి మ.12:38 వరకు.

ఈరోజు (06-05-2021) రాశి ఫలితాలు

మేషం: బంధు మిత్రుల రాక ఆనందం కలిగిస్తుంది. గృహమున శుభకార్య వాతావరణం ఉంటుంది. చేపట్టిన వ్యవహారాలలో కార్యసిద్ధి కలుగుతుంది. స్ధిరాస్తి వృద్ధి చెందుతుంది. వ్యాపారాలలో ఊహించని లాభాలు అందుకుంటారు. ఉద్యోగస్తులకు నూతన ప్రోత్సాహకాలు అందుతాయి. ఆర్ధిక పరిస్థితి అనుకూలిస్తుంది.

వృషభం: ఉద్యోగమున అధికారుల ఆదరణ పెరుగుతుంది. పాత విషయాలు గుర్తు చేసుకుంటారు. ఆర్థిక వ్యవహారాలు మరింత అనుకూలంగా సాగుతాయి. ఋణ వ్యవహారాలలో మిత్రుల సహాయ సహకారాలు అందుతాయి. వ్యాపారాలలో ఒత్తిడి నుండి బయట పడతారు. నిరుద్యోగులకు శుభవార్తలు అందుతాయి.

మిథునం: కుటుంబ సభ్యులు మీ మాటతో విభేదిస్తారు. ఇంటాబయటా గందరగోళ పరిస్థితులు ఉంటాయి. వ్యాపార ఉద్యోగాలు అంతంత మాత్రంగా సాగుతాయి. పనులు సకాలంలో పూర్తికావు. ఋణ దాతల ఒత్తిడి పెరుగుతుంది. వృధా ఖర్చులు పెరుగుతాయి.

కర్కాటకం: దూరపు బంధువులతో స్వల్ప వివాదాలు ఉంటాయి. ఆర్థిక పరిస్థితి కాస్త మందగిస్తుంది. ఖర్చులు పెరిగే అవకాశం ఉంది. ఆలయ దర్శనాలు చేసుకుంటారు. వ్యాపారమున భాగస్థుల ప్రవర్తన కొంత ఆశ్చర్యం కలిగిస్తుంది, ఉద్యోగాలలో ఒడిదుడుకులు పెరుగుతాయి.

సింహం: దూరప్రాంత బంధువుల నుంచి శుభవార్తలు అందుతాయి. సోదరులతో విలువైన విషయాలు చర్చిస్తారు. చిన్ననాటి మిత్రుల నుండి బహుమతులు అందుకుంటారు. సంఘంలో పలుకుబడి పెరుగుతుంది. వ్యాపారమున సన్నిహితుల సాయం అందుతుంది. నిరుద్యోగులకు శుభవార్తలు అందుతాయి.

కన్య: చాలా కాలంగా పూర్తికాని పనులు పూర్తిచేస్తారు. చిన్ననాటి మిత్రులతో విందు వినోద కార్యక్రమాలలో పాల్గొంటారు. వృత్తి ఉద్యోగాలలో పరిచయాలు విస్తృతమౌతాయి. వ్యాపార వ్యవహారాలు సజావుగా సాగుతాయి. విద్యార్థుల ఫలితాలు నిరుత్సాహ పరుస్తాయి.

తుల: కుటుంబ సభ్యులతో మాట పట్టింపులుంటాయి. అనారోగ్య సూచనలున్నవి. ముఖ్యమైన పనులు వాయిదా పడతాయి. వ్యాపారాలలో శ్రమ తప్పదు. దూరపు బంధువుల ఆగమనం ఆనందం కలిగిస్తుంది. వ్యాపారమున చికాకులు పెరుగుతాయి, ఉద్యోగమున అధికారులతో సమస్యలు కలుగుతాయి.

వృశ్చికం: చేపట్టిన పనుల్లో జాప్యం కలుగుతుంది. ఆర్థిక లావాదేవీలు నిరాశ కలిగిస్తాయి. సన్నిహితుల నుంచి ఋణ ఒత్తిడి పెరుగుతుంది. కుటుంబ సభ్యుల నుండి వినకూడని మాటలు వినవలసి వస్తుంది. ఇంట బయట వివాదాలు ఉంటాయి. వృత్తి, వ్యాపారాలలో స్వల్ప మార్పులు.

ధనస్సు: నిరుద్యోగులకు ఇంటర్వ్యూలు అందుతాయి. చేపట్టిన వ్యవహారాలలో విజయం సాధిస్తారు. బంధు మిత్రులతో శుభకార్యాలకు హాజరవుతారు. ఉద్యోగమున మీ సేవలకు తగిన గుర్తింపు లభిస్తుంది. వృత్తి వ్యాపారాలు మరింత అనుకూలంగా సాగుతాయి , సంఘంలో గౌరవ మర్యాదలు పెరుగుతాయి.

మకరం: పనులలో వ్యయ ప్రయాసలు అధికమౌతాయి గృహమున అనవసర వస్తువులపై ధనవ్యయం చేస్తారు. జీవిత భాగస్వామితో మాట పట్టింపులు ఉంటాయి. వృత్తి వ్యాపారాలలో ఆలోచనలు కలిసిరావు. ఉద్యోగమున అదనపు బాధ్యతలు పెరుగుతాయి. ప్రయాణాలలో జాగ్రత్త వహించాలి.

కుంభం: నూతన వ్యక్తుల పరిచయాలు లాభసాటిగా సాగుతాయి. దూరపు బంధువుల నుండి శుభవార్తలు అందుతాయి. ఆర్థిక పరిస్థితి మెరుగు పడుతుంది. ఆకస్మిక ధనప్రాప్తి కలుగుతుంది, నూతన వస్తులాభాలు అందుతాయి. ఉద్యోగాలలో వివాదాలు పరిష్కారం అవుతాయి. వ్యాపారాలలో నూతనోత్సాహం. లాభాలు అందుకుంటారు.

మీనం: ముఖ్యమైన పనులు వాయిదా వెయ్యడం మంచిది. ఆర్థిక పరిస్థితి మందగిస్తుంది. దాయాదులతో భూవివాదాలు కలుగుతాయి. దైవ కార్యక్రమాలలో పాల్గొంటారు. వృత్తి, వ్యాపారాలలో ఊహించని స్థాన చలనాలు ఉంటాయి. ఆరోగ్య విషయంలో అప్రమత్తంగా వ్యవహరించాలి.