పంచాంగం
తేదీ 03-02-2025, సోమవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.37 గంటలకు.
సూర్యాస్తమయం: సాయంత్రం 5:55 గంటలకు.
తిథి: శుక్ల పంచమి ఉ 10.13 వరకు, తదుపరి షష్ఠి
నక్షత్రం: రేవతి రా. 2.46 వరకు, తదుపరి అశ్విని.
శుభ సమయం: ఉ 5.46 నుంచి 6.22 వరకు, తిరిగి సా 6.58 నుంచి 7.22 వరకు
దుర్ముహూర్తం: మ. 12.24 నుంచి 1.12 వరకు, తిరిగి 2.46 నుంచి 3.12 వరకు
రాహుకాలం: ఉ 7.30 నుంచి 9.00 వరకు
యమగండం: ఉ 10.30 నుంచి 12.00 వరకు
రాశి ఫలాలు
మేష రాశి: కుటుంబ బాధ్యతలను విస్మరించడం వల్ల సమస్యలను ఎదుర్కొంటారు. కుటుంబ సభ్యుల ప్రవర్తనతో కలత చెందుతారు. మంచికి పోతే చెడు ఎదురవుతుంది. పెద్దవారితో సంభాషించేటప్పుడు జాగ్రత్తగా ఉండాలి. ప్రయాణాలు వాయిదా వేయడం మంచిది.
వృషభ రాశి: జాగ్రత్తగా ఉండాల్సిన సమయం. మాటల్లో పొదుపు పాటించడం మంచిది. కొన్ని విషయాల్లో సంయమనం పాటించక తప్పదు. మీ సంభాషణను ఇతరులు తప్పుగా అర్థం చేసుకునే ప్రమాదం ఉంది. ఫలితంగా సంబంధ బాంధవ్యాలు దెబ్బతింటాయి. ముఖ్యమైన పనులను, ప్రయాణాలను వాయిదా వేయటం మంచిది.
మిధున రాశి: మిశ్రమకాలం. ఇతరుల విషయాల్లో అనవసర జోక్యం వల్ల న్యాయపరమైన చిక్కుల్లో పడతారు. అందరితోనూ మిత సంభాషణ మంచిది. పూర్వీకుల ఆస్తి సంబంధ విషయాల్లో పై చేయి సాధిస్తారు. కుటుంబంలో శుభకార్యాల ప్రస్తావన వస్తుంది. ఆత్మవిశ్వాసంతో మొదలుపెట్టే పనులు శుభ ఫలితాలను ఇస్తాయి.
కర్కాటక రాశి: అదృష్ట కాలం. చేపట్టిన పనులు వేగవంతంగా పూర్తి చేయగలుగుతారు. దీర్ఘకాలికంగా ఇబ్బంది పెడుతున్న సమస్యల నుంచి బయటపడతారు. ఆర్థిక సమస్యలు తగ్గుముఖం పడతాయి. చిన్ననాటి స్నేహితులను కలుసుకొని ఆనందంగా గడుపుతారు. వ్యాపారులో గణనీయమైన లాభాలను పొందుతారు.
సింహరాశి: వ్యాపారంలో ఏవైనా మార్పులు చేదల్చుకున్నప్పుడు జాగ్రత్తగా ఉండాలి. ఎవరినీ నమ్మి డబ్బు అప్పుగా ఇవ్వరాదు. తల్లిదండ్రుల అనారోగ్యం ఆందోళన కలిగిస్తుంది. విలువైన వస్తువులను పోగొట్టుకునే ప్రమాదం ఉంది. వాహనాలు నడిపేటప్పుడు జాగ్రత్తగా ఉండండి.
కన్య రాశి: ఆర్థిక పరిస్థితి గతం కంటే మెరుగ్గా ఉంటుంది. స్టాక్ మార్కెట్లో పెట్టుబడి పెట్టిన వారికి ఊహించని లాభాలు అందుతాయి. ఉద్యోగంలో మార్పు కోరుకునే ఈ రాశి వారికి అనుకూల సమయం. సత్ప్రవర్తనతో సమాజంలో కీర్తి, ప్రతిష్టలు పెంచుకుంటారు. జీవిత భాగస్వామితో నెలకొన్న మనస్పర్ధలు తొలగిపోతాయి.
తులారాశి: ఈరోజు వారు గందరగోళ పరిస్థితులను ఎదుర్కొంటారు. ఉద్యోగులకు పని భారం ఎక్కువవుతుంది. ఫలితంగా కొన్ని సమస్యలు ఎదుర్కోవాల్సి వస్తుంది. విధుల్లో నిర్లక్ష్యం పనికిరాదు. రుణ దాతల ఒత్తిడి ఎక్కువవుతుంది. భవిష్యత్తుకు సంబంధించిన నిర్ణయాలు తీసుకునేటప్పుడు జాగ్రత్తగా ఉండాలి.
వృశ్చిక రాశి: అదృష్ట కాలం. దీర్ఘకాలికంగా పెండింగ్ లో ఉన్న పనులను పూర్తి చేయగలుగుతారు. పురోగతిలో నెలకొన్న అడ్డంకులు తొలగిపోతాయి. ఆప్తులతో విలువైన సమయాన్ని గడుపుతారు. అతిథుల రాక ఆనందాన్ని ఇస్తుంది. ఆర్థిక సమస్యలు తగ్గుముఖం పడతాయి.పెద్ద మొత్తంలో పెట్టుబడి పెట్టాలనుకునే వ్యాపారులకు ఈరోజు అనువైన సమయం.
ధనస్సు రాశి: సవాళ్లతో కూడుకున్న సమయం. పనుల్లో జాప్యం కారణంగా సమస్యలను ఎదుర్కొంటారు. ఆప్తులతో విభేదించాల్సి రావచ్చు. ఇతరుల విషయాల్లో జోక్యం చేసుకోకపోవడం మంచిది. న్యాయపరమైన చిక్కులు ఎదుర్కోవాల్సి రావచ్చు. ఆలోచనల్లో నిలకడ అవసరం. సొంత నిర్ణయాలు తీసుకోకండి.
మకర రాశి: మిశ్రమ కాలం. సత్ప్రవర్తనతో సమాజంలో కీర్తి, ప్రతిష్టలు పెంచుకుంటారు. రాజకీయ రంగాల వారికి నూతన పదవీ బాధ్యతలు అందుతాయి. సహోద్యోగుల విషయంలో జాగ్రత్తగా ఉండాలి. ముఖ్యంగా ఈరోజు ఈ రాశి వారు మహిళల పట్ల చాలా జాగ్రత్తగా ఉండాలి. వాహనాలు నడిపేటప్పుడు అప్రమత్తంగా ఉండాలి. ఎవరితోనూ విభేదాలు పెట్టుకోవద్దు.
కుంభరాశి: మిశ్రమకాలం. నూతన వస్తు, వాహన కొనుగోలు సూచనలు ఉన్నాయి. ముఖ్యమైన పనులను ప్రణాళిక బద్ధంగా పూర్తి చేయడానికి ప్రయత్నించాలి. విలువైన వస్తువులను పోగొట్టుకునే ప్రమాదం ఉన్నందున జాగ్రత్తగా ఉండాలి. మనశ్శాంతిని దూరం చేసే సంఘటనలు చోటు చేసుకుంటాయి.
మీన రాశి: జాగ్రత్తగా ఉండాల్సిన సమయం. ఎవరినీ అతిగా నమ్మి వ్యక్తిగత సమాచారం, ఆర్థిక లావాదేవీల గురించి పంచుకోరాదు. ఉద్యోగులు యజమానులతో జాగ్రత్తగా సంభాషించాలి. కోపాన్ని అదుపులో ఉంచుకోవాలి. ఇంటి పెద్దలతో విభేదించాల్సి రావచ్చు. ఆర్థిక సమస్యలు తీవ్రమవుతాయి.