పంచాంగం
తేదీ 03-04-2025, గురువారం , శ్రీ విశ్వావసు నామ సంవత్సరం, ఉత్తరాయణం, చైత్ర మాసం, వసంత ఋతువు.
సూర్యోదయం: ఉదయం 5.59 గంటలకు.
సూర్యాస్తమయం: సాయంత్రం 6:11 గంటలకు.
తిథి: శుక్ల షష్టి తె 3 38 వరకు, తదుపరి సప్తమి
నక్షత్రం: రోహిణి మ 12.24 వరకు, తదుపరి మృగశిర
శుభ సమయం: ఉ 10.58 నుంచి 11.33 వరకు, తిరిగి సా 4.40 నుంచి 6.10 వరకు
దుర్ముహూర్తం: ఉ 10.06 నుంచి 12.24 వరకు, మ 2.48 నుంచి 3.12 వరకు
రాహుకాలం: మ 1.30 నుంచి 3.00 వరకు
యమగండం: ఉ 6.00 నుంచి 7.30 వరకు
రాశి ఫలాలు
మేషరాశి: బంధువుల రాక ఆనందాన్నిస్తుంది. చిన్ననాటి స్నేహితులను కలుసుకొని ఆనందంగా గడుపుతారు. ఆర్థిక లావాదేవీలు కలిసి వస్తాయి. నూతన వ్యాపారాలు మొదలుపెట్టాలనుకునే వారికి అనుకూల సమయం. ఉద్యోగులకు పని ప్రదేశంలో ప్రోత్సాహకర వాతావరణ ఉంటుంది.
వృషభ రాశి: వ్యాపారాలు లాభసాటిగా సాగుతాయి. శ్రమకు తగిన గుర్తింపు లభిస్తుంది. ఉద్యోగులకు ఉన్నతాధికారుల నుంచి ప్రోత్సాహకాలు లభిస్తాయి. విధుల్లో భాగంగా దూర ప్రయాణాలు చేయాల్సి వస్తుంది. ఆర్థిక లావాదేవీలు కలిసి వస్తాయి. కుటుంబంలో శుభకార్యాలు జరుగుతాయి.
మిథున రాశి: ఇతరులతో ఆచితూచి సంభాషించండి. మీ మాటలను ఇతరులు తప్పుగా అర్థం చేసుకునే ప్రమాదం ఉంది. చెప్పుడు మాటలకు దూరంగా ఉండండి. తొందరపాటు నిర్ణయాలు పనికిరావు. మీ ప్రవర్తన వల్ల ఇష్టమైనవారు దూరమవుతారు. భావోద్వేగాలను అదుపులో ఉంచుకోండి. అనుకోని ఖర్చులు పెరగడం వల్ల రుణాలు చేయాల్సి వస్తుంది.
కర్కాటక రాశి: భవిష్యత్తుకు మేలు చేకూర్చే గొప్ప వ్యక్తులను కలుసుకుంటారు. పురోగతిలో నెలకొన్న ఆటంకాలు తొలగిపోతాయి. వ్యాపార విస్తరణ కోసం చేసే ప్రయత్నాలు ఫలిస్తాయి. బంధువుల రాకతో కుటుంబంలో సంతోషకర వాతావరణం నెలకొంటుంది. ఆర్థిక లావాదేవీలు కలిసి వస్తాయి.
సింహరాశి: చేపట్టిన పనుల్లో నెలకొన్న ఆటంకాలు తొలగిపోతాయి. అదనపు బాధ్యతలు పెరిగినప్పటికీ సమర్థవంతంగా నిర్వర్తించగలుగుతారు. అవసరానికి తోబుట్టువుల నుంచి సాయం అందుతుంది. ఆర్థిక లావాదేవీలు అనుకూలిస్తాయి. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు. రుణాలను పెద్ద మొత్తంలో తీర్చగలుగుతారు.
కన్య రాశి: కీలక వ్యవహారాలు తొందరపాటు నిర్ణయాలు పనికిరాదు. జీవిత భాగస్వామితో ఒక వ్యవహారంలో విభేదించాల్సి వస్తుంది. ఏకాభిప్రాయం కుదరకపోవడం వల్ల మనస్పర్ధలు తలెత్తుతాయి. ఉద్యోగులకు అదనపు బాధ్యతలు పెరగడం వల్ల శారీరక అలసటకు లోనవుతారు. వాహనాలు నడిపేటప్పుడు జాగ్రత్తగా ఉండండి.
తులారాశి: ఆదాయ మార్గాలను అన్వేషిస్తారు. ఖర్చులను నియంత్రించుకో గలుగుతారు. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. ఇంటా బయట పై చేయి సాధిస్తారు. కీర్తి ప్రతిష్టలు పెంచే సంఘటనలు చోటు చేసుకుంటాయి. ఆధ్యాత్మిక కార్యక్రమాల్లో పాల్గొని గుర్తింపు పొందుతారు.
వృశ్చిక రాశి: అనారోగ్య సమస్యలు ఇబ్బంది పెడతాయి. నిర్లక్ష్యం చేయకండి. సమయానికి నిద్రాహారాలు తప్పనిసరి. చెప్పుడు మాటలకు ప్రభావితం కాకుండా ఉండండి. మీ ప్రవర్తన వల్ల ఇతరులు కలత చెందుతారు. చేపట్టిన పనులు ఆశించిన ఫలితాలు రాబట్టడానికి తీవ్రంగా శ్రమించాల్సి వస్తుంది. అనుకోని ఖర్చులు పెరగడం వల్ల రుణాలు చేస్తారు.
ధనస్సు రాశి: అనుకూల సమయం. అవివాహితులకు వివాహ ప్రయత్నాలు కొలిక్కి వస్తాయి. కుటుంబంలో శుభకార్యాల ప్రస్తావన వస్తుంది. కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. సామాజిక సేవా కార్యక్రమాలపై ఆసక్తి పెరుగుతుంది. ఆర్థిక పరిస్థితి సాధారణంగా ఉంటుంది.
మకర రాశి: ఉద్యోగులు తమ పనితీరుతో ఉన్నతాధికారులను ఆకట్టుకుంటారు. అదనపు బాధ్యతలు పెరిగినప్పటికీ సమర్థవంతంగా నిర్వర్తించ గలుగుతారు. సమయస్ఫూర్తితో వ్యవహరించి ఒక సమస్య నుంచి బయటపడతారు. అవసరానికి డబ్బు చేతికి అందుతుంది. పిల్లల భవిష్యత్తు గురించి కీలక నిర్ణయం తీసుకుంటారు.
కుంభరాశి: అనుకోని వివాదాల్లో చిక్కుకుంటారు. ప్రమాదాలు జరిగే అవకాశం ఉన్నందున వాహనాన్ని నడిపేటప్పుడు జాగ్రత్తగా ఉండండి. వ్యాపారులు తీవ్రంగా శ్రమించినప్పటికీ ఆశించిన ఫలితాలు దక్కకపోవడం వల్ల నిరుత్సాహ పడతారు. కొంత మేర ఆస్తినష్టం జరుగుతుంది. కుటుంబ సభ్యులతో కొన్ని వ్యవహారాల్లో విభేదించాల్సి వస్తుంది.
మీన రాశి: దూర ప్రయాణాలు వాయిదా వేయటం మంచిది.సమయానుకూలంగా వ్యవహరించండి. తొందరపాటు నిర్ణయాలు తీసుకోవద్దు. అనుకోని ఖర్చులు పెరగడం వల్ల ఆర్థిక సమస్యలు ఏర్పడతాయి. చెప్పుడు మాటలకు ప్రభావితం కాకుండా ఉండండి. ఆరోగ్యంపై శ్రద్ధ పెట్టండి.