పంచాంగం
తేదీ 31-01-2025, శుక్రవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.39 గంటలకు.
సూర్యాస్తమయం: సాయంత్రం 5:49 గంటలకు.
తిథి: శుక్ల విదియ సా.4.18 వరకు, తదుపరి తదియ
నక్షత్రం: ధనిష్ట ఉ 8.08 వరకు తదుపరి శతభిషం.
శుభ సమయం: ఉ 9.21 నుంచి 9.51 వరకు, సా. 4.21 నుంచి 4.33 వరకు
దుర్ముహూర్తం: ఉ 8.24 నుంచి 9.12 వరకు, తిరిగి మ 12.24 నుంచి 1.12 వరకు.
రాహుకాలం: ప. 10.30 నుంచి 12.00 వరకు
యమగండం: మ. 3.00 నుంచి 4.30 వరకు
రాశి ఫలాలు
మేష రాశి: ఏదైనా పని మొదలుపెట్టేటప్పుడు కుటుంబ సభ్యుల సలహా తీసుకోండి. సొంత నిర్ణయాలు కొన్ని సందర్భాల్లో సమస్యలను తెచ్చిపెడతాయి. ముఖ్యమైన పనులను, ఆర్థిక లావాదేవీలను వాయిదా వేయండి. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు. ప్రయాణాల్లో కొన్ని ఆటంకాలు ఏర్పడతాయి.
వృషభ రాశి: కుటుంబంలోని అవివాహితులకు వివాహ ప్రయత్నాలు కొలిక్కి వస్తాయి. ఇష్టమైన వారితో విలువైన సమయాన్ని గడుపుతారు. వ్యాపార అభివృద్ధి కోసం చేసే ప్రయత్నాలు సత్ఫలితాలను ఇస్తాయి. భవిష్యత్తుకు ఉపయోగపడే ముఖ్యమైన వ్యక్తి పరిచయం అవుతారు. విలువైన వస్తువులను కొనుగోలు చేస్తారు.
మిథున రాశి: మిశ్రమ కాలం. చెప్పుడు మాటలకు ప్రభావితం కాకుండా ఉండాలి. ఖర్చులను అదుపులో ఉంచుకోండి. ఆదాయ మార్గాలపై దృష్టి పెట్టాలి. మనసు చెడు ఆలోచనల వైపుకు మల్లుతుంది. కీలక సమయాల్లో కుటుంబ సభ్యుల మద్దతు లభిస్తుంది. ప్రయాణాలు అనుకూలిస్తాయి.
కర్కాటక రాశి: అదనపు బాధ్యతలు పెరగడం వల్ల శ్రమ ఎక్కువవుతుంది. ఒత్తిడికి లోనవుతారు. ఆరోగ్యం పై దృష్టి పెట్టండి. ఇంటి పెద్దల్లో ఒకరు అనారోగ్యానికి గురికావడం వల్ల ఆందోళన చెందుతారు. ప్రమాదం అనుకునే ఏ పని మొదలు పెట్టకపోవడం మంచిది. ముఖ్యమైన ఆర్థిక లావాదేవీలను వాయిదా వేయండి.
సింహరాశి: బంధుమిత్రులతో కలిసి భవిష్యత్తుకు సంబంధించిన ప్రణాళికలు రచిస్తారు. నూతన వ్యాపారాలు మొదలుపెట్టాలనుకునే వారికి అనుకూల సమయం. అవివాహితులకు వివాహం నిశ్చయమవుతుంది. సంతాన అభివృద్ధి విషయంలో శుభవార్తలు వింటారు. ఉద్యోగులకు కోరుకున్న చోటికి స్థానచలనం లభిస్తుంది.
కన్యా రాశి: సానుకూల దృక్పథంతో మొదలుపెట్టే పనులు విజయవంతం అవుతాయి. మీ పనితీరుతో ఇతరులను ఆకట్టుకుంటారు. ఒక వ్యవహారంలో ఉన్నతాధికారుల మద్దతు లభిస్తుంది. ఉద్యోగంలో మార్పు కోరుకునే వారికి అనుకూల సమయం. భాగస్వామ్య వ్యాపారాలు కలిసి వస్తాయి.
తులారాశి: కుటుంబంలో చిన్నపాటి మనస్పర్ధలు చికాకు కలిగిస్తాయి. ఆప్తుల నుంచి అందిన వార్తతో ఆందోళన చెందుతారు. కొన్ని విషయాల్లో మీ అంచనాలు తప్పుతాయి. అవసరానికి మించి ఖర్చు చేస్తారు. కొందరి ప్రవర్తన వల్ల కలత చెందుతారు. వివాదాలకు దూరంగా ఉండండి
వృశ్చిక రాశి: మనసు చెడు ఆలోచనల వైపు మళ్లుతుంది. స్థిరమైన ఆలోచనలు లేకపోవడం వల్ల సమస్యలు ఎదుర్కొంటారు. ప్రత్యర్థుల కదలికలను గమనిస్తూ ఉండాలి. కొందరు తప్పుదారి పట్టించే ప్రమాదం ఉంది. అప్రమత్తంగా ఉండండి. అపరిచితులతో ఆర్థిక వ్యవహారాలు జరపరాదు. ఇతరుల వ్యవహారాల్లో జోక్యం చేసుకోవద్దు.
ధనస్సు రాశి: కుటుంబ సభ్యులతో కలిసి విందు వినోద కార్యక్రమాల్లో పాల్గొంటారు. కుటుంబంలో శుభకార్యాల ప్రస్తావన వస్తుంది. సొంతింటి కల నెరవేర్చుకునేందుకు తొలి అడుగు పడుతుంది. ఉద్యోగులకు స్థానచలన సూచనలు ఉన్నాయి. ఆర్థిక లావాదేవీలు అనుకూలిస్తాయి.
మకర రాశి: బంధుమిత్రుల నుంచి అందిన ఒక వార్త ఆత్మవిశ్వాసాన్ని పెంచుతుంది. అనుకున్న ఫలితాలు రావటానికి మరింత కష్టపడాల్సి వస్తుంది. అదనపు బాధ్యతలు పెరుగుతాయి. సరైన ప్రణాళికతో ముందడుగు వేయాలి. ఆర్థిక పరిస్థితి మెరుగుపడుతుంది. ప్రయాణాలు అనుకూలిస్తాయి.
కుంభరాశి: వ్యాపారులకు అనూహ్యమైన లాభాలు వస్తాయి. మీ పనితీరుతో ఇతరులను ఆకట్టుకుంటారు. ఉద్యోగులకు ఉన్నతాధికారుల నుంచి మద్దతు లభిస్తుంది. నూతన వస్తువులను కొనుగోలు చేస్తారు. కుటుంబంలో శుభకార్యాల ప్రస్తావన వస్తుంది. ఇష్టమైన వ్యక్తులతో విలువైన సమయాన్ని గడుపుతారు.
మీన రాశి: జాగ్రత్తగా ఉండాల్సిన సమయం. మీ మాటలను ఇతరులు తప్పుగా అర్థం చేసుకునే ప్రమాదం ఉంది. మీకు అనుకూలంగా లేని చోట మౌనంగా ఉండటం మంచిది. ముఖ్యమైన పనులు, ప్రయాణాలు వాయిదా వేయండి. ఊహించని ఖర్చులు పెరుగుతాయి. రుణాలు చేయవలసి వస్తుంది. చేయని తప్పుకు మాటలు పడాల్సి రావచ్చు.