రాశి ఫలాలు: గురువారం 30 జూన్ 2022

పంచాంగం

శ్రీ శుభకృత్ నామ సంవత్సరం ఉత్తరాయణం గ్రీష్మ ఋతువు ఆషాఢ మాసం

సూర్యోదయం: ఉ.5:32
సూర్యాస్తమయం: సా.6:37
తిథి: ఆషాఢ శుద్ధ పాడ్యమి ఉ.9: 16 ని . వరకు తదుపరి ఆషాఢ శుద్ధ విదియ
సంస్కృతవారం: బృహస్పతి వాసరః (గురువారం)
నక్షత్రము: పునర్వసు రా.11:46 వరకు తదుపరి పుష్యమి
యోగం: ధృవం ఉ.9:18 వరకు తదుపరి వ్యాఘాతం
కరణం: బవ ఉ. 8:29 తదుపరి భాలవ
దుర్ముహూర్తం : ఉ.10:00 నుండి 10:48 వరకు తదుపరి మ.2:48 నుండి 3:36 వరకు
వర్జ్యం : ఉ. 10:31 నుండి మ.12:17 వరకు
రాహుకాలం: మ.1:30 నుండి 3:00 వరకు
యమగండం: ఉ.6:00 నుండి 7:30 వరకు
గుళికా కాలం :ఉ.9:04 నుండి 10:42 వరకు
బ్రాహ్మీ ముహూర్తం: తె.4:12 నుండి 5:00 వరకు
అమృతఘడియలు: రా.9:05 నుండి 10:51 వరకు
అభిజిత్ ముహూర్తం: ఉ.11:53నుండి మ.12:45 వరకు

ఈరోజు (30-06-2022) రాశి ఫలితాలు

మేషం: ఇతరులకు సహాయ సహకారాలు అందిస్తారు. చేపట్టిన పనులలో అవరోధాలు అధిగమిస్తారు.దీర్ఘకాలిక అనారోగ్యాల నుండి ఉపశమనం కలుగుతుంది. వ్యాపార ఉద్యోగాలు సామాన్యంగా సాగుతాయి. కుటుంబ వ్యవహారాలలో నిర్ణయాలు మార్చుకుంటారు.

వృషభం: సన్నిహితులతో కుటుంబమున ఉత్సహంగా గడుపుతారు. ఇంటా బయట అనుకూల పరిస్థితులు ఉంటాయి. నూతన కార్యక్రమాలు చేపడతారు. చేపట్టిన పనులలో కార్యజయం కలుగుతుంది. వృత్తి, వ్యాపారాలు లాభసాటిగా సాగుతాయి. మిత్రులతో విహారయాత్రలలో పాల్గొంటారు.

మిథునం: బంధు మిత్రులతో మనస్పర్ధలు కలుగుతాయి. రుణయత్నాలు చేస్తారు. ప్రయాణాలలో ఇబ్బందులు కలుగుతాయి. ఆధ్యాత్మిక చింతన పెరుగుతుంది. వ్యాపార, ఉద్యోగాలలో నిరుత్సాహ వాతావరణం ఉంటుంది. ఋణ సమస్యలు అధికమై మానసిక ఇబ్బందులు కలుగుతాయి.

కర్కాటకం: పాత మిత్రుల కలయిక ఆనందాన్ని ఇస్తుంది. వ్యాపార విస్తరణ ప్రయత్నాలు ఫలిస్తాయి. ఉద్యోగాలలో పురోగతి కనిపిస్తుంది. నిరుద్యోగులకు శుభవార్తలు అందుతాయి. ప్రయాణాలలో నూతన పరిచయాలు కలుగుతాయి. నూతన వాహనం కొనుగోలు చేస్తారు.

సింహం: చేపట్టిన వ్యవహారాలలో సకాలంలో పూర్తి చేస్తారు. వృత్తి, వ్యాపారాలలో అంచనాలను అందుకుంటారు. ముఖ్యమైన వ్యవహారాలలో సన్నిహితుల సహాయం లభిస్తుంది. ఉద్యోగమున కొన్ని వ్యవహారాలలో చిక్కులు అధిగమిస్తారు. కుటుంబ సభ్యులతో శుభకార్యాలకు హాజరవుతారు.

కన్య: కొన్ని పనులలో సమస్యలు తొలగి ఊరట కలుగుతుంది. నిరుద్యోగులకు ఉద్యోగ అవకాశములు లభిస్తాయి. ఆధ్యాత్మిక, సేవా కార్యక్రమాలకు ఆహ్వానాలు అందుతాయి. వ్యాపారాలు లాభాల బాట పడతాయి. ఆప్తుల వలన కొన్ని విషయాలు తెలుసుకుంటారు.

తుల: ధన, వస్తు, వాహన లాభాలు ఉన్నవి. సంఘంలో పెద్దల నుండి విశేషమైన ఆదరణ లభిస్తుంది. కొన్ని వివాదాల నుండి తెలివితేటలతో బయట పడగలుగుతారు. వృత్తి ఉద్యోగాలలో ఉన్నత అవకాశాలు లభిస్తాయి. వ్యాపారాలలో ఆశించిన ఫలితాలను పొందుతారు.

వృశ్చికం: చేపట్టిన వ్యవహారాల్లో అవాంతరాలు ఏర్పడతాయి. వ్యాపారాలలో తీసుకున్న నిర్ణయాల వలన ఇబ్బందులు ఎదుర్కోవాల్సి రావచ్చు. వృత్తి, ఉద్యోగాలలో చికాకులు పెరుగుతాయి. ఆర్థిక వ్యవహారాలు నిరుత్సాహంగా ఉంటాయి.

ధనస్సు: దూరప్రయాణంలో వాహన ఇబ్బందులు ఉంటాయి. ఇంటాబయట ప్రతికూల వాతావరణం ఉంటుంది. ఋణ ప్రయత్నాలు అనుకూలించవు. ఆరోగ్య విషయమై వైద్య సహాయం అవసరం అవుతుంది. వృత్తి, ఉద్యోగాలలో స్వల్ప మార్పులు ఉంటాయి.

మకరం: వ్యాపార వ్యవహారాలలో నూతన ఒప్పందాలు చేసుకుంటారు. స్థిరాస్తి లాభం కలుగుతుంది. చేపట్టిన పనులు నిదానంగా పూర్తిచేస్తారు. వృత్తి, వ్యాపారాలలో అనుకూల వాతావరణం ఉంటుంది. దైవారాధన వలన శుభ ఫలితాలు కలుగుతాయి.

కుంభం: ఆర్థిక వ్యవహారాలు బాగుంటాయి. సంతాన విద్యా విషయాలు సంతృప్తి కలిగిస్తాయి. ముఖ్యమైన పనులలో కావాల్సిన వారి సహాయ సహకారాలు లభిస్తాయి. ఆత్మీయులు నుండి ఆహ్వానాలు అందుతాయి. వ్యాపార, ఉద్యోగాలలో మరింత మెరుగైన పరిస్థితులు ఉంటాయి.

మీనం: ఆరోగ్యం మందగిస్తుంది. వ్యాపార, ఉద్యోగాలు నిరుత్సాహం కలిగిస్తాయి. పనులు మందకొడిగా సాగుతాయి. ముఖ్యమైన పనులు వాయిదా వేయడం మంచిది. ఆకస్మిక ధన వ్యయ సూచనలు ఉన్నవి. కుటుంబ వ్యవహారాలలో ఆలోచనలు స్థిరత్వం ఉండవు.