పంచాంగం
తేదీ 28-02-2025, శుక్రవారం , శ్రీ క్రోధి నామ సంవత్సరం, ఉత్తరాయణం, ఫాల్గుణ మాసం, శిశిర ఋతువు.
సూర్యోదయం: ఉదయం 6.28 గంటలకు.
సూర్యాస్తమయం: సాయంత్రం 6:02 గంటలకు.
తిథి: అమావాస్య ఉ 7.06 వరకు, తదుపరి పాడ్యమి
నక్షత్రం: శతభిషం మ. 3.26 వరకు, తదుపరి పూర్వభాద్ర
శుభ సమయం: సా. 5.03 నుంచి 5.33 వరకు
దుర్ముహూర్తం: ఉ 8.24 నుంచి 9.12 వరకు, తిరిగి మ 12.24 నుంచి 1.12 వరకు
రాహుకాలం: ప. 10.30 నుంచి 12.00 వరకు
యమగండం: ప. 3.00 నుంచి 4.30 వరకు
రాశి ఫలాలు
మేష రాశి: అదృష్ట కాలం. చేపట్టిన పనులను విజయవంతంగా పూర్తి చేయగలుగుతారు. ప్రయాణాలు అనుకూలిస్తాయి. గత కొంతకాలంగా ఇబ్బంది పెడుతున్న ఒక సమస్యకు ఈరోజు పరిష్కారం లభిస్తుంది. ఎవరిని తక్కువ అంచనా వేయకండి. వ్యక్తిగత సమాచారం ఎవరితోనూ పంచుకోకపోవడం మంచిది.
వృషభ రాశి: కుటుంబంలో ఆహ్లాదకర వాతావరణం ఉంటుంది. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. బంధువుల రాక ఆనందాన్నిస్తుంది. ఆప్తులతో శుభవార్తలు పంచుకుంటారు. ఆత్మవిశ్వాసాన్ని పెంపొందించే సంఘటనలు చోటు చేసుకుంటాయి.
మిథున రాశి: భావోద్వేగాలను అదుపులో ఉంచుకోవాలి. మీ ప్రవర్తన వల్ల ఇతరులు ఇబ్బంది పడే అవకాశం ఉంది. ఎవరితోనూ వాగ్వాదానికి దిగకండి. ఆర్థిక వ్యవహారాల్లో జాగ్రత్తగా ఉండండి. అనవసర ఖర్చులు పెరిగే సూచనలు ఉన్నాయి. అయినప్పటికీ రుణాలు చేయొద్దు. ప్రమాదాలు జరిగే అవకాశం ఉన్నందున వాహనాలు నడిపేటప్పుడు జాగ్రత్తగా ఉండండి.
కర్కాటక రాశి: సహనాన్ని పరీక్షించే సంఘటనలు చోటు చేసుకుంటాయి. చెప్పుడు మాటలకు దూరంగా ఉండండి. ప్రత్యర్ధులు ఇబ్బంది పెట్టాలని చూస్తారు. ఆత్మవిశ్వాసంతో ఉండాలి. మీది కాని వ్యవహారంలో తలదూర్చకండి. ముఖ్యమైన పనులను వాయిదా వేయకండి. ప్రయాణాల్లో జాగ్రత్తలు అవసరం.
సింహరాశి: ఆధ్యాత్మిక కార్యక్రమాల్లో పాల్గొని గుర్తింపు పొందుతారు. సామాజిక సేవ కార్యక్రమాలపై ఆసక్తి పెరుగుతుంది. కుటుంబ సభ్యులతో కలిసి శుభకార్యాల్లో పాల్గొంటారు. చిన్ననాటి స్నేహితులను కలుసుకొని ఆనందంగా గడుపుతారు. వ్యాపారులకు గతంలో పెట్టిన పెట్టుబడి ద్వారా విశేషమైన లాభాలు అందుతాయి. విలువైన వస్తువులను కొనుగోలు చేస్తారు.
కన్యారాశి: స్పష్టమైన ఆలోచనలు కలిగి ఉండండి. సమయాన్ని వృధా చేయకుండా ముఖ్యమైన పనులపై దృష్టి పెట్టండి. ఆరోగ్యం పై నిర్లక్ష్యం పనికిరాదు. గతంలో ఇబ్బంది పెట్టిన అనారోగ్యం మళ్లీ తిరగబడుతుంది. జాగ్రత్తగా ఉండండి. ఆర్థిక వ్యవహారాల్లో అప్రమత్తంగా ఉండాలి ప్రయాణాల్లో కొద్దిపాటి ఆటంకాలు ఏర్పడతాయి. శ్రమకు తగ్గ ఫలితం ఉంటుంది.
తులారాశి: జాగ్రత్తగా ఉండాల్సిన సమయం. భావోద్వేగాలను అదుపులో ఉంచుకోండి. మీ ప్రవర్తన వల్ల ఇతరులు కలత చెందే అవకాశం ఉంది. నమ్మినవారే మోసం చేసే ప్రమాదం ఉంది. ఆర్థిక లావాదేవీల విషయంలో ఆచితూచి వ్యవహరించండి. ఎవరిని నమ్మి డబ్బు అప్పుగా ఇవ్వకండి. కుటుంబ సభ్యులతో కొన్ని వ్యవహారాల్లో విభేదించాల్సిన రావచ్చు.
వృశ్చిక రాశి: సమయస్ఫూర్తితో వ్యవహరించి ఒక సమస్య నుంచి బయటపడతారు. గత కొంతకాలంగా ఇబ్బంది పెడుతున్న అనారోగ్య సమస్యల నుంచి ఉపశమనం కలుగుతుంది. ఆర్థిక సమస్యలు తగ్గుముఖం పడతాయి. కీర్తి, ప్రతిష్టలు పెంచే సంఘటనలు చోటు చేసుకుంటాయి. కొన్ని సందర్భాల్లో సహనంతో వ్యవహరించండి. శుభ ఫలితాలు ఉంటాయి.
ధనస్సు రాశి: దీర్ఘకాలికంగా పెండింగ్ లో ఉన్న పనులు ఈరోజు కొలిక్కి వస్తాయి. నూతన వ్యాపారాలు మొదలుపెట్టాలనుకునే వారికి అనుకూల సమయం. అవసరానికి తోబుట్టువుల నుంచి సాయం అందుతుంది. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. భవిష్యత్తుకు సంబంధించి కీలక నిర్ణయం తీసుకుంటారు.
మకర రాశి: శ్రమకు తగ్గ ఫలితం ఉంటుంది. ఒక వ్యవహారంలో కుటుంబ సభ్యుల మద్దతు లభిస్తుంది. ఉద్యోగులకు పని ప్రదేశంలో ఆహ్లాదకర వాతావరణం ఉంటుంది. మీ ప్రతిభకు ప్రశంసలు లభిస్తాయి. సమయస్ఫూర్తితో వ్యవహరించి ఒక సమస్య నుంచి బయటపడతారు. సామాజిక సేవా కార్యక్రమాల్లో పాల్గొని గుర్తింపు పొందుతారు. ప్రయాణాలు అనుకూలిస్తాయి.
కుంభరాశి: అనుకూల సమయం. చేపట్టిన పనులు విజయవంతమవుతాయి. మీ మాటకు విలువ పెరుగుతుంది ఆర్థిక పరిస్థితి మెరుగుపడుతుంది. ఉద్యోగులకు ఉన్నతాధికారుల ప్రశంసలు లభిస్తాయి పట్టుదలతో అనుకున్నది సాధిస్తారు. శత్రువులమీద పై చేయి సాధిస్తారు. ప్రయాణాలు అనుకూలిస్తాయి. మొండి బకాయిలు వసూలు అవుతాయి.
మీన రాశి: జాగ్రత్తగా ఉండాల్సిన సమయం. ఉద్యోగులకు పని ప్రదేశంలో ఒత్తిడితో కూడిన వాతావరణం ఉంటుంది. ఉన్నతాధికారులను మెప్పించడానికి తీవ్రంగా శ్రమించాల్సి రావచ్చు.సహనానికి పరీక్ష పెట్టే సంఘటనలు చోటు చేసుకుంటాయి. సంయమనం పాటించండి. ఇతరులతో సంభాషించేటప్పుడు భావోద్వేగాలను అదుపులో ఉంచుకోండి. ఎట్టి పరిస్థితుల్లోనూ ఆత్మవిశ్వాసాన్ని కోల్పోకండి.