పంచాంగం
తేదీ 27-01-2025, సోమవారం , శ్రీ క్రోధి నామ సంవత్సరం, ఉత్తరాయణం, పుష్యమాసం, హేమంత ఋతువు.
సూర్యోదయం: ఉదయం 6.39 గంటలకు.
సూర్యాస్తమయం: సాయంత్రం 5:49 గంటలకు.
తిథి: బహుళ త్రయోదశి రా. 7.39 వరకు, తదుపరి చతుర్దశి
నక్షత్రం: మూల 8.17 వరకు, తదుపరి పూర్వాషాడ
శుభ సమయం: ఉ 5.44 నుంచి 6.20 వరకు, తిరిగి సా 6.56 నుంచి 7.20 వరకు
దుర్ముహూర్తం: మ. 12.24 నుంచి 1.12 వరకు, తిరిగి 2.46 నుంచి 3.12 వరకు
రాహుకాలం: ఉ 7.30 నుంచి 9.00 వరకు
యమగండం: ప. 10.30 నుంచి 12.00 వరకు
రాశి ఫలాలు
మేష రాశి: ఆరోగ్యం పై శ్రద్ధ పెట్టాలి. గతంలో ఇబ్బంది పెట్టిన అనారోగ్య సమస్య మళ్ళీ తిరగబడుతుంది. సమయానికి నిద్రాహారాలు తప్పనిసరి. విలువైన వస్తువులు పోగొట్టుకునే ప్రమాదం ఉన్నందున జాగ్రత్తగా ఉండండి. అరువు తెచ్చుకున్న వాహనాల వల్ల ఖర్చులు పెరిగే అవకాశం ఉంది. దూర ప్రయాణాలు చేయాల్సి రావచ్చు. ఉద్యోగులకు అదనపు బాధ్యతలు పెరుగుతాయి.
వృషభ రాశి: ముఖ్యమైన పనిని మొదలుపెట్టేటప్పుడు అనుభవజ్ఞుల సలహా తీసుకోవడం మంచిది. ఆప్తులతో అనవసర కలహ సూచన ఉంది. మీది కానీ వ్యవహారంలో తలదూర్చకండి. ముఖ్యమైన పనులు వాయిదా వేయటం మంచిది. ఆర్థిక లావాదేవీల విషయంలో జాగ్రత్తగా ఉండండి. దూర ప్రయాణాలు చేయాల్సి రావచ్చు. భవిష్యత్తుకు మేలు చేసే ముఖ్యమైన వ్యక్తిని కలుసుకుంటారు.
మిధున రాశి: చాలా కాలం తర్వాత ఇష్టమైన వారిని కలుసుకొని ఆనందంగా గడుపుతారు. ఆప్తులతో శుభవార్తలు పంచుకుంటారు. ఆర్థిక సమస్యలు తగ్గుముఖం పడతాయి. వ్యాపారులకు అనూహ్యమైన లాభాలు అందుతాయి. భాగస్వామి వ్యాపారాలు అనుకూలిస్తాయి. ఉద్యోగులకు ఉన్నతాధికారుల ప్రశంసలు లభిస్తాయి. శ్రమకు తగ్గ ఫలితం ఉంటుంది.
కర్కాటక రాశి: ఖర్చులను అదుపులో ఉంచుకోవాలి. మనసు చెడు ఆలోచనల వైపుకు మల్లుతుంది. కుటుంబంలో ప్రతికూల వాతావరణం ఉంటుంది చేపట్టిన పనుల్లో జాప్యం ఏర్పడుతుంది. ఆరోగ్యాన్ని నిర్లక్ష్యం చేయకండి. సమయానికి నిద్రాహారాలు తప్పనిసరి. మానసిక ఆందోళన కలిగించే సంఘటనలు చోటు చేసుకుంటాయి. ఎట్టి పరిస్థితుల్లోనూ ఆత్మవిశ్వాసాన్ని కోల్పోకండి.
సింహరాశి: కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. చేపట్టిన పనులను విజయవంతంగా పూర్తి చేస్తారు. ఆర్థిక పరిస్థితి మెరుగుపడుతుంది. ఆప్తులతో నెలకొన్న వివాదాలు తొలగిపోతాయి. ఉద్యోగులకు అదనపు బాధ్యతలు పెరిగినప్పటికీ సమర్థవంతంగా నిర్వర్తించగలుగుతారు. విలువైన వస్తువులను కొనుగోలు చేస్తారు.
కన్యా రాశి: చేపట్టిన పనులను విజయవంతంగా పూర్తి చేయగలుగుతారు. భవిష్యత్తుకు ఉపయోగపడే గొప్ప వ్యక్తులను కలుసుకుంటారు. ఉద్యోగార్థులకు శుభవార్తలు అందుతాయి. కుటుంబ సభ్యులతో కలిసి ఆనందంగా గడుపుతారు. ఉద్యోగులకు పని ప్రదేశంలో అనుకూల వాతావరణం ఉంటుంది.
తుల రాశి: ముఖ్యమైన పనుల కోసం ఇతరులపై ఆధారపడకండి. కొన్ని విషయాల్లో సొంత నిర్ణయాలు మేలు చేస్తాయి. ఎవరినీ నమ్మి డబ్బు అప్పుగా ఇవ్వకండి. తిరిగి వసూలవ్వడం కష్టమవుతుంది. ఆర్థిక వ్యవహారాల్లో జాగ్రత్తగా ఉండండి. వ్యాపార భాగస్వామి ప్రవర్తనను గమనిస్తూ ఉండాలి. విలువైన వస్తువులను జాగ్రత్తగా చూసుకోండి.
వృశ్చిక రాశి: మిశ్రమకాలం. కొన్ని విషయాల్లో మీ అంచనాలు తప్పుతాయి. అనవసర ఖర్చులు పెరుగుతాయి. అరువు తెచ్చుకున్న వాహనాల పట్ల జాగ్రత్తగా ఉండండి. ప్రయాణాల్లో అప్రమత్తత అవసరం. గొప్ప వారితో పరిచయం ఏర్పడుతుంది. బంధుమిత్రులతో కలిసి విందు, వినోద కార్యక్రమాల్లో పాల్గొంటారు. అనారోగ్య సమస్యల నుంచి స్వల్ప ఉపశమనం కలుగుతుంది.
ధనస్సు రాశి: ప్రతికూల ఆలోచనలను దరిచేరనివ్వకండి. ఆత్మవిశ్వాసంతో మొదలుపెట్టే పనులు శుభ ఫలితాలను ఇస్తాయి. అవివాహితులకు వివాహ ప్రయత్నాలు ఫలిస్తాయి. రుణాల కోసం ప్రయత్నిస్తున్న వారికి రుణాలు అందుతాయి. మొండి బకాయిలు వసూలవ్వడం వల్ల ఆర్థిక పరిస్థితి మెరుగుపడుతుంది. బంధుమిత్రులను కలుసుకొని ఆనందంగా గడుపుతారు.
మకర రాశి: ఎవరితోనూ వాగ్వాదానికి దిగకండి. అనవసర విషయాల్లో జోక్యం వల్ల న్యాయపరమైన చిక్కులు ఎదుర్కోవాల్సి రావచ్చు. స్వల్పంగా ఆస్తి నష్టం జరుగుతుంది. విలువైన వస్తువులను పోగొట్టుకునే ప్రమాదం ఉంది. మనసు చెడు ఆలోచనల వైపుకు మల్లుతుంది. కుటుంబంలో స్వల్ప విభేదాలు తలెత్తవచ్చు.సమయమనం పాటించండి.
కుంభరాశి: భవిష్యత్తుకు మేలు చేసే గొప్ప వ్యక్తులతో పరిచయం అవుతుంది. ఉద్యోగులకు పని ప్రదేశంలో ఆహ్లాదకర వాతావరణం ఉంటుంది. ఉన్నతాధికారుల ప్రశంసలు లభిస్తాయి. విలువైన వస్తువులను కొనుగోలు చేస్తారు ఆర్థిక పరిస్థితి మెరుగుపడుతుంది. ఇంటా బయటా పై చేయి సాధిస్తారు. కీర్తి ప్రతిష్టలు పెంచే సంఘటనలు చోటు చేసుకుంటాయి.
మీన రాశి: ఏదైనా ముఖ్యమైన పని మొదలుపెట్టేటప్పుడు కుటుంబ సభ్యుల సలహా తీసుకోవడం మంచిది. ఇంటి పెద్దల అనారోగ్యం ఆందోళన కలిగిస్తుంది. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు. అనుకోని ఖర్చులు పెరుగుతాయి. అదనపు బాధ్యతలు పెరగడం వల్ల ఒత్తిడికి లోనవుతారు. శారీరక శ్రమ ఎక్కువవుతుంది.