పంచాంగం
తేదీ 27-02-2025, గురువారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.28 గంటలకు.
సూర్యాస్తమయం: సాయంత్రం 6:02 గంటలకు.
తిథి: బహుళ చతుర్దశి ఉ 8.41 వరకు, తదుపరి అమావాస్య
నక్షత్రం: ధనిష్ట సా. 4.28 వరకు, తదుపరి శతభిషం
శుభ సమయం: ఏమీ లేవు
దుర్ముహూర్తం: ఉ 10.00 నుంచి 10.48 వరకు, తిరిగి మ 2.48 నుంచి 3.36 వరకు
రాహుకాలం: ప. 1.30 నుంచి 3.00 వరకు
యమగండం: ప. 6.00 నుంచి 7.30 వరకు
రాశి ఫలాలు
మేషరాశి: అదృష్ట కాలం నడుస్తోంది. ఈ సమయాన్ని సద్వినియోగం చేసుకొని భవిష్యత్తుకు బంగారు బాటలు వేసుకుంటారు. ఆప్తుల నుంచి అందిన వార్త ఆత్మవిశ్వాసాన్ని పెంచుతుంది. కుటుంబంలో శుభకార్యాలు జరుగుతాయి. మనశ్శాంతిని పెంచే సంఘటనలు చోటు చేసుకుంటాయి. ఎవరికైనా డబ్బు అప్పుగా ఇచ్చేముందు ఒకటికి రెండుసార్లు ఆలోచించి ఇవ్వండి.
వృషభ రాశి: కుటుంబంలో నెలకొన్న సమస్యలు ఇబ్బంది పెడతాయి. మీ తప్పు లేకపోయినప్పటికీ కొన్ని సందర్భాల్లో మాట పడాల్సి రావచ్చు. సంయమనం పాటించండి. ఆరోగ్యంపై శ్రద్ధ పెట్టండి. గతంలో ఇబ్బంది పెట్టిన అనారోగ్య సమస్య మళ్ళీ తిరగబడుతుంది. నిర్లక్ష్యం చేయకండి. సమయానికి నిద్రాహారాలు తప్పనిసరి. ఆర్థిక వ్యవహారాల్లో జాగ్రత్తగా ఉండండి.
మిథున రాశి: కుటుంబంలో ఆహ్లాదకర వాతావరణం ఉంటుంది. బంధుమిత్రుల నుంచి శుభవార్తలు అందుకుంటారు. ఆత్మవిశ్వాసాన్ని పెంచే సంఘటనలు చోటు చేసుకుంటాయి. కుటుంబంలోకి ఓ కొత్త వ్యక్తి ప్రవేశిస్తారు. ప్రయాణాలు అనుకూలిస్తాయి. ఇష్టమైన వారితో విలువైన సమయాన్ని గడుపుతారు. దూరమైన వారు తిరిగి చేరువవుతారు. ప్రయాణాల్లో జాగ్రత్తగా ఉండండి.
కర్కాటక రాశి: కొన్ని విషయాల గురించి అతిగా ఆలోచించి సమస్యల్లో పడతారు. మీ ప్రవర్తన వల్ల కుటుంబ సభ్యులు నొచ్చుకునే ప్రమాదం ఉంది. ఉద్యోగులకు పని ప్రదేశంలో గందరగోళ వాతావరణం ఉంటుంది. ఉన్నతాధికారులను ప్రసన్నం చేసుకోవడానికి తీవ్రంగా శ్రమించాల్సి రావచ్చు. ఆర్థిక లావాదేవీలు జరిపేటప్పుడు జాగ్రత్తగా ఉండండి. వ్యాపార భాగస్వామి ప్రవర్తనను గమనిస్తూ ఉండాలి.
సింహరాశి: ముఖ్యమైన పనుల కోసం ఇతరులపై ఆధారపడకండి. స్వశక్తిని నమ్ముకుని మొదలుపెట్టిన పని విజయవంతం అవుతుంది. చెప్పుడు మాటలకు దూరంగా ఉండండి. మీ మాటకు మాటలను ఇతరులు అపార్థం చేసుకునే ప్రమాదం ఉంది. మీది కానీ వ్యవహారంలో తల దూర్చకండి. ఎవరికైనా డబ్బు అప్పుగా ఇచ్చేముందు ఆలోచించి ఇవ్వడం మంచిది.
కన్య రాశి: భవిష్యత్తుకు సంబంధించి ముఖ్యమైన నిర్ణయం తీసుకుంటారు. ఉద్యోగంలో మార్పు కోరుకునే ఈ రాశి వారికి అనుకూల సమయం. కుటుంబంలో శుభకార్యాలు జరుగుతాయి. సంతానాభివృద్ధికి సంబంధించి శుభవార్తలు వింటారు. ఆర్థిక లావాదేవీలు కలిసి వస్తాయి. ప్రయాణాలు అనుకూలిస్తాయి.
తులారాశి: శ్రమకు తగ్గ ఫలితం ఉంటుంది. సమాజంలో మీ మాటకు విలువ పెరుగుతుంది. కీర్తి ప్రతిష్టలు పెంచే సంఘటనలు చోటు చేసుకోకుండా చేసుకుంటాయి. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు. భవిష్యత్తుకు ఉపయోగపడే ఒక వ్యక్తిని ఈరోజు కలుసుకుంటారు. ఆర్థిక లావాదేవీలు జరిపేటప్పుడు అప్రమత్తంగా ఉండండి.
వృశ్చిక రాశి: ఆధ్యాత్మిక కార్యక్రమాల్లో పాల్గొని గుర్తింపు పొందుతారు. సామాజిక సేవా కార్యక్రమాల్లో భాగస్వామ్యులవుతారు. బంధుమిత్రులతో కలిసి దూర ప్రయాణాలు చేస్తారు. కీలక వ్యవహారాల్లో కుటుంబ సభ్యుల మద్దతు లభిస్తుంది. అవివాహితులకు వివాహ ప్రయత్నాలు కొలిక్కి వస్తాయి.
ధనస్సు రాశి: కుటుంబ సభ్యులతో కలిసి విందు వినోద కార్యక్రమాల్లో పాల్గొంటారు. ఉద్యోగులకు పని ప్రదేశంలో ఆహ్లాదకర వాతావరణము ఉంటుంది. తమ పనితీరుతో ఉన్నతాధికారులను ఆకట్టుకుంటారు. ఆర్థిక లావాదేవీలు కలిసి వస్తాయి. నూతన వ్యాపారాలు మొదలు పెట్టాలనుకునే వారికి అనుకూల సమయం.
మకర రాశి: కుటుంబ సభ్యులతో కొన్ని వ్యవహారాల్లో విభేదించాల్సి రావచ్చు. మీ ప్రవర్తన వల్ల ఇతరులు కలత చెందుతారు. పిల్లల ప్రవర్తనను గమనిస్తూ ఉండండి. ముఖ్యమైన వ్యవహారాల్లో నిర్లక్ష్యం పనికిరాదు. ఆరోగ్యంపై శ్రద్ధ పెట్టండి. అదనపు బాధ్యతలు పెరుగుతాయి. అలసట ఎక్కువవుతుంది. సహనాన్ని పరీక్షించే సంఘటనలు చోటు చేసుకుంటాయి.
కుంభరాశి: కుటుంబంలో అనుకూల వాతావరణం ఉంటుంది. కీలక వ్యవహారాల్లో ఇంటి పెద్దల మద్దతు లభిస్తుంది. వ్యాపారులకు అనూహ్యమైన లాభాలు అందుతాయి. ఆర్థిక పరిస్థితి సాధారణంగా ఉంటుంది. దూర ప్రయాణాలు చేసేవారు విలువైన వస్తువులను జాగ్రత్తగా చూసుకోండి. ఆరోగ్యాన్ని నిర్లక్ష్యం చేయకండి.
మీన రాశి: ఆర్థిక లావాదేవీల విషయంలో జాగ్రత్తగా ఉండండి. ఊహించని ఖర్చులు పెరుగుతాయి. అయినప్పటికీ రుణాలు జోలికి పోవద్దు. వివాదాలకు దూరంగా ఉండండి. మానసిక ప్రశాంతతను దూరం చేసే సంఘటనలు చోటు చేసుకుంటాయి. జీవిత భాగస్వామితో కొన్ని వ్యవహారాల్లో విభేదించాల్సి రావచ్చు. సంయమనం పాటించండి. వాహనాలు నడిపేటప్పుడు జాగ్రత్తగా ఉండండి.