పంచాంగం
తేదీ 23-02-2025, ఆదివారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.28 గంటలకు.
సూర్యాస్తమయం: సాయంత్రం 6:02 గంటలకు.
తిథి: బహుళ దశమి ఉ 10.27 వరకు, తదుపరి ఏకాదశి
నక్షత్రం: మూల ప. 3.47 వరకు, తదుపరి పూర్వాషాఢ
శుభ సమయం: ఉ 7.24 నుంచి 8.15 వరకు, తిరిగి ఉ 10.30 నుంచి 11.06 వరకు
దుర్ముహూర్తం: సా. 4.25 నుంచి 5.13 వరకు
రాహుకాలం: సా 4.30 నుంచి 6.00 వరకు
యమగండం: ప. 12 00 నుంచి 1.30 వరకు
రాశి ఫలాలు
మేష రాశి: కష్టకాలం. అనవసర విషయాల్లో తలదూర్చకండి. మీ మంచి స్వభావాన్ని ఇతరులు అపార్థం చేసుకునే ప్రమాదం ఉంది. చేపట్టిన పనుల్లో ఆటంకాలు ఎదురవుతాయి. ఫలితంగా ఏ పనీ పూర్తికాదు. బంధుమిత్రులతో సంభాషించేటప్పుడు జాగ్రత్తగా ఉండాలి. ఆరోగ్య సమస్యలు తలెత్తుతాయి. నిర్లక్ష్యం చేయకండి. గురు ప్రయాణాలను వాయిదా వేసుకోండి.
వృషభ రాశి: కీలక సమయాల్లో కుటుంబ సభ్యుల మద్దతు లభిస్తుంది. ఇంటి పెద్దల సాయంతో వ్యక్తిగత సమస్యలను పరిష్కరించుకుంటారు. మొండి బకాయిలు వసూలు అవ్వడం వల్ల ఆర్థిక పరిస్థితి కాస్త మెరుగుపడుతుంది. వ్యాపారులు నష్టాల నుంచి బయటపడతారు. కొత్త వ్యాపారాలు ప్రారంభించే ఆలోచనను కొద్దిరోజులు వాయిదా వేయడం మంచిది. ప్రయాణాల్లో జాగ్రత్తలు అవసరం.
మిథున రాశి: అదృష్ట కాలం. చేపట్టిన పనులను విజయవంతంగా పూర్తి చేయగలుగుతారు. కుటుంబంలో శుభకార్యాల ప్రస్తావన వస్తుంది. బంధుమిత్రులతో కలిసి ఆనందంగా గడుపుతారు. ఆప్తులతో నెలకొన్న మనస్పర్ధలు తొలగిపోతాయి. వ్యాపారులు కొత్త ప్రాజెక్టులను ఈరోజు మొదలు పెట్టొచ్చు. విద్యార్థులు ఒత్తిడి నుంచి ఉపశమనం పొందుతారు.
కర్కాటక రాశి: ఆర్థిక సమస్యలు చుట్టుముడతాయి. అనారోగ్య సమస్యలు తీవ్రమవుతాయి. ముఖ్యమైన పనులు మొదలుపెట్టేటప్పుడు ఇంటి సభ్యుల సలహా తీసుకోవడం మంచిది. సొంత నిర్ణయాలు పనికిరావు. వ్యాపార భాగస్వామి తో స్వల్పంగా విభేదించాల్సి రావచ్చు. పూర్వీకుల ఆస్తికి సంబంధించి వివాదాలు తలెత్తుతాయి. ఫలితంగా న్యాయపరమైన సమస్యలు ఎదుర్కోవాల్సి వస్తుంది.
సింహరాశి: మిశ్రమకాలం. పని ఒత్తిడి ఎక్కువవుతుంది. ఆరోగ్యంపై శ్రద్ధ పెట్టాలి. ఎవరికి ఉచిత సలహాలు ఇవ్వకండి. ఆప్తులతో విభేదించాల్సి రావచ్చు. వివాదాలకు తావివ్వకండి. ఆర్థిక సమస్యలు తలెత్తినప్పటికీ రుణాలు చేయకపోవడం మంచిది. వృత్తి ఉద్యోగ వ్యాపార రంగాల్లో వారికి ప్రోత్సాహకర వాతావరణం ఉంటుంది.
కన్యారాశి: ప్రయాణాల్లో ఆటంకాలు ఏర్పడతాయి. వివాదాలకు దూరంగా ఉండాలి. ఆస్తి సంబంధ విషయమై ఆప్తులతో విభేదించాల్సి రావచ్చు. కీలక సమయాల్లో కుటుంబ సభ్యుల మద్దతు లభిస్తుంది. కొద్దిపాటి ఇబ్బందులు ఎదురైనప్పటికీ ముఖ్యమైన పనులను పూర్తి చేయగలుగుతారు. శారీరక శ్రమ కాస్త ఎక్కువ అవుతుంది. ఒత్తిడి పెరుగుతుంది.
తులారాశి: మానసిక ప్రశాంతతను దూరం చేసే సంఘటనలు చోటు చేసుకుంటాయి. అనవసర ఆలోచనలు ఒత్తిడిని పెంచుతాయి. వివాదాలకు చోటు ఇవ్వకండి. ముఖ్యమైన పనులను మొదలుపెట్టేటప్పుడు ఆప్తుల సలహా తీసుకోండి. వ్యాపారులు పెద్ద మొత్తంలో పెట్టుబడి పెట్టే ఆలోచనను వాయిదా వేయండి. భావోద్వేగాలను అదుపులో ఉంచుకోండి.
వృశ్చిక రాశి: అనుకూల సమయం. తల్లిదండ్రుల సహకారంతో చిరకాల కోరికను నెరవేర్చుకుంటారు. నూతన వాహనాలు కొనుగోలు చేస్తారు. జీవిత భాగస్వామితో నెలకొన్న మనస్పర్ధలు తొలగిపోతాయి. కుటుంబంతో సమయాన్ని గడిపేందుకు ప్రయత్నించండి. ఆర్థిక సమస్యలు తగ్గుముఖం పడతాయి.
ధనస్సు రాశి: జాగ్రత్తగా ఉండాల్సిన సమయం. ప్రత్యర్థులు సమస్యలు సృష్టించడానికి ప్రయత్నిస్తారు మనోబలంతో వాటిని ఎదుర్కోవాలి. ఎటువంటి వివాదాలకు చోటు ఇవ్వకండి. కొన్ని సమయాల్లో మౌనంగా ఉండటం మంచిది. అనవసర ఆలోచనలు మనశ్శాంతిని దూరం చేస్తాయి. ముఖ్యమైన పనులను, ప్రయాణాలనువాయిదా వేయడం మంచిది.
మకర రాశి: కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. చిన్ననాటి స్నేహితులను కలుసుకొని ఆనందంగా గడుపుతారు. భాగస్వామ్య వ్యాపారాలు చేసేవారు విశేషమైన లాభాలు అందుకుంటారు. దూర ప్రయాణాలు చేయాల్సి రావచ్చు. వాహనాలు నడిపేటప్పుడు జాగ్రత్తగా ఉండాలి. కుటుంబ సభ్యుల భవిష్యత్తు గురించి కీలక నిర్ణయం తీసుకుంటారు.
కుంభరాశి: ప్రయాణాల్లో చిన్నపాటి ఆటంకాలు ఎదురవుతాయి. మనోబలంతో వాటిని ఎదుర్కోవాలి. కొన్ని సమయాల్లో మౌనంగా ఉండటం మంచిది. అవసరానికి తోబుట్టువుల సాయం అందుతుంది. అనవసర ఆలోచనలు చేయడం వల్ల మానసిక ప్రశాంతత తగ్గుతుంది. జీవిత భాగస్వామితో స్వల్పంగా విభేదించాల్సి రావచ్చు. కొద్దిపాటి ఆస్తి నష్టం సంభవిస్తుంది.
మీనరాశి: ఆప్తుల నుంచి అందిన ఒక వార్త కలవర పెడుతుంది. ఇంటి పెద్దల్లో ఒకరు అనారోగ్యానికి గురికావడం వల్ల ఆందోళన చెందుతారు. పిల్లల ప్రవర్తనను గమనిస్తూ ఉండండి. వ్యాపారులు స్వల్ప నష్టాలను చవిచూడాల్సి రావచ్చు. ముఖ్యమైన విషయాల్లో కుటుంబ సభ్యుల సలహా తీసుకోండి.