పంచాంగం
తేదీ 21-03-2025, శుక్రవారం , శ్రీ క్రోధి నామ సంవత్సరం, ఉత్తరాయణం, ఫాల్గుణ మాసం, శిశిర ఋతువు.
సూర్యోదయం: ఉదయం 6.13 గంటలకు.
సూర్యాస్తమయం: సాయంత్రం 6:08 గంటలకు.
తిథి: బహుళ సప్తమి రా. 11.50 వరకు
నక్షత్రం: జ్యేష్ఠ రా. 9.49 వరకు, తదుపరి మూల
శుభ సమయం: ఉ 9.45 నుంచి 10.18 వరకు, తిరిగి సా. 4.48 నుంచి 5.00 వరకు
దుర్ముహూర్తం: ప 8.24 నుంచి 9.12 వరకు, తిరిగి ప. 12.24 నుంచి 1.12 వరకు
రాహుకాలం: ప 10.30 నుంచి 12.00 వరకు
యమగండం: మ. 3.00 నుంచి 4.30 వరకు
రాశి ఫలాలు
మేషరాశి: కుటుంబ వాతావరణం అనుకూలంగా ఉంటుంది. వ్యాపార విస్తరణ ప్రయత్నాలు కొలిక్కి వస్తాయి. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. అదనపు బాధ్యతలు పెరిగినప్పటికీ సమర్థవంతంగా నిర్వర్తించ గలుగుతారు. అనుకోని ఖర్చులు పెరుగుతాయి.
వృషభ రాశి: ఆకస్మిక ప్రయాణాలు చేస్తారు. మీ మాటకు విలువ పెరుగుతుంది. ఆర్థిక సమస్యలు తగ్గుముఖం పడతాయి. చేపట్టిన పనుల్లో పురోగతి ఉంటుంది. ఇష్టమైన వారితో విలువైన సమయాన్ని గడుపుతారు. పిల్లల ప్రవర్తనను గమనిస్తూ ఉండండి. వారికి సమయాన్ని కేటాయించేందుకు ప్రయత్నించండి.
మిధున రాశి: మిశ్రమ ఫలితాలు ఉన్నాయి. గిట్టని వారు ఇబ్బంది పెట్టాలని చూస్తారు. ముఖ్యమైన పనికోసం ఎవరిమీద ఆధారపడరాదు. పనుల్లో జాప్యం వల్ల సమస్యలు ఎదురవుతాయి. ఒక విషయంలో కుటుంబ సభ్యుల మద్దతు లభిస్తుంది. వ్యాపారులు పెట్టుబడి పెట్టేందుకు ఇది అనుకూల సమయం కాదు.
కర్కాటక రాశి: అదనపు బాధ్యతలు పెరుగుతాయి. శ్రమకు తగ్గ ఫలితం ఉంటుంది. వ్యాపారులు తీవ్రంగా శ్రమించి స్వల్ప లాభాలను పొందగలుగుతారు. వ్యాపార భాగస్వామి ప్రవర్తనను గమనిస్తూ ఉండండి. కీలక విషయాల్లో కుటుంబ సభ్యుల మద్దతు లభిస్తుంది.
సింహరాశి: మీ ప్రతిభతో ప్రశంసలు దక్కించుకుంటారు. కుటుంబ సభ్యులతో కలిసి విలువైన సమయాన్ని గడుపుతారు. ఇంటా బయటా పై చేయి సాధిస్తారు. సంతానాభివృద్ధి విషయంలో శుభవార్తలు వింటారు. ఎప్పటి పనులు అప్పుడు పూర్తి చేసుకోవడంపై దృష్టి పెట్టడం మంచిది. ఆరోగ్యాన్ని నిర్లక్ష్యం చేయకండి.
కన్యా రాశి: కుటుంబ సభ్యులతో విభేదించాల్సి రావచ్చు. ఇతరులతో సంభాషించేటప్పుడు సంయమనం తో మాట్లాడటం మంచిది. ముఖ్యమైన పనులు, ప్రయాణాలు వాయిదా వేయటం మంచిది. జీవిత భాగస్వామితో ఏర్పడిన మనస్పర్ధలు కొనసాగుతాయి. సహనానికి పరీక్ష పెట్టే సంఘటనలు చోటు చేసుకుంటాయి.
తులారాశి: ఉద్యోగులకు పని ప్రదేశంలో ఆహ్లాద వాతావరణం ఉంటుంది. తమ పనితీరుతో ఉన్నతాధికారుల ప్రశంసలు అందుకుంటారు. గతంలో పెట్టిన పెట్టుబడి ద్వారా వ్యాపారులు గణనీయమైన లాభాలను పొందగలుగుతారు. విదేశీ విద్యను అభ్యసించాలనుకునే విద్యార్థులకు శుభవార్తలు అందుతాయి.
వృశ్చిక రాశి: ఆత్మవిశ్వాసంతో మొదలుపెట్టే పనులు శుభ ఫలితాలను ఇస్తాయి. శ్రమకు తగ్గ ఫలితం లభిస్తుంది. ఆప్తుల సహాయంతో ముఖ్యమైన పనులను పూర్తి చేయగలుగుతారు. ఆధ్యాత్మిక కార్యక్రమాలపై ఆసక్తి పెరుగుతుంది.
ధనస్సు రాశి: భయభ్రాంతులకు గురిచేసే సంఘటనలు చోటు చేసుకుంటాయి. ప్రమాదం అనుకునే ఏ పని చేయరాదు.ఎట్టి పరిస్థితుల్లోనూ ఆత్మవిశ్వాసాన్ని కోల్పోకండి. వివాదాలకు దూరంగా ఉండండి ఇతరులతో సంభాషించేటప్పుడు భావోద్వేగాలను అదుపులో ఉంచుకోండి. ప్రయాణాలు వాయిదా వేయడం మంచిది.
మకర రాశి: కుటుంబ వాతావరణం ఆహ్లాదకరంగా ఉంటుంది. చేపట్టిన పనుల్లో పురోగతి కనిపిస్తుంది. సొంతింటి కల నెరవేరేందుకు తొలి అడుగు పడుతుంది. ఆర్థిక సంబంధ లావాదేవీలు కలిసి వస్తాయి. వ్యాపారులకు విశేషమైన లాభాలు అందుతాయి. విద్యార్థులు ఒత్తిడి నుంచి ఉపశమనం పొందుతారు.
కుంభరాశి: మనశ్శాంతిని దూరం చేసే సంఘటనలు చోటు చేసుకుంటాయి. అనవసర ధనవ్యయం కలుగుతుంది. కొందరి ప్రవర్తన వల్ల కలత చెందుతారు. మాటల్లో సంయమనం పాటించాలి. వివాదాలకు దూరంగా ఉండండి. జీవిత భాగస్వామితో నెలకొన్న మనస్పర్ధలు కొనసాగుతాయి.
మీన రాశి: చేపట్టిన పనుల్లో పురోగతి లభిస్తుంది. ఇంటా బయట పై చేయి సాధిస్తారు. అందర్నీ కలుపుకొని పోవడం ద్వారా ముఖ్యమైన పనులు వేగంగా పూర్తి అవుతాయి. ప్రయాణాల్లో జాగ్రత్తలు అవసరం. ఆరోగ్యంపై శ్రద్ధ పెట్టండి. గతంలో ఇబ్బంది పెట్టిన అనారోగ్య సమస్య మళ్ళీ తిరగబెట్టే అవకాశం ఉంది.