పంచాంగం
తేదీ 21-02-2025, శుక్రవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.32 గంటలకు.
సూర్యాస్తమయం: సాయంత్రం 6:00 గంటలకు.
తిథి: బహుళ అష్టమి ఉ 8.20 వరకు, తదుపరి నవమి
నక్షత్రం: అనురాధ మ. 12.46 వరకు, తదుపరి జ్యేష్ఠ
శుభ సమయం: ఏమీ లేవు
దుర్ముహూర్తం: ప. 8.24 నుంచి 9.12 వరకు, తిరిగి మ 12.24 నుంచి 1.12 వరకు
రాహుకాలం: ఉ 10.30 నుంచి 12.00 వరకు
యమగండం: ప. 3.00 నుంచి 4.30 వరకు
రాశి ఫలాలు
మేషరాశి: అదృష్ట కాలం. వృత్తి, ఉద్యోగ వ్యాపార రంగాల వారికి విశేషమైన ఫలితాలు ఉంటాయి. దీర్ఘకాలికంగా పెండింగ్లో ఉన్న పనులు ఈరోజు పూర్తవుతాయి. శత్రువుల బాధ తొలగిపోతుంది. మీ మాటకు విలువ పెరుగుతుంది. ఆర్థిక పరిస్థితి గతం కంటే మెరుగ్గా ఉంటుంది. చేపట్టిన పనులు వేగవంతంగా పూర్తి చేయగలుగుతారు. భవిష్యత్తుకు సంబంధించి కీలక నిర్ణయం తీసుకుంటారు.
వృషభ రాశి: ఆరోగ్యం కుదుటపడుతుంది. మానసిక సంతోషాన్ని పెంపొందించే సంఘటనలు చోటు చేసుకుంటాయి. కుటుంబ సభ్యుల మధ్య నెలకొన్న మనస్పర్ధలు తొలగిపోతాయి. వ్యాపార విస్తరణ కోసం చేసే ప్రయత్నాలు ఫలిస్తాయి. బంధుమిత్రులతో కలిసి విందు, వినోద కార్యక్రమాల్లో పాల్గొంటారు.
మిధున రాశి: మీ ప్రవర్తనతో ఇష్టమైన వారిని దూరం చేసుకుంటారు. బంధువులతో మాట పట్టింపులు ఏర్పడతాయి. కుటుంబంలో అనవసరమైన విభేదాలు తలెత్తుతాయి. ఆప్తుల ప్రవర్తనతో కలత చెందుతారు. శారీరక శ్రమ పెరుగుతుంది. అదనపు బాధ్యతలు తోడవుతాయి. ఆరోగ్యం స్వల్పంగా క్షీణిస్తుంది. ఆత్మవిశ్వాసంతో ఉండండి.
కర్కాటక రాశి: ఆర్థిక సమస్యలు తగ్గుముఖం పడతాయి. అనారోగ్య సమస్యల నుంచి ఉపశమనం పొందుతారు. చిన్ననాటి స్నేహితులను కలుసుకుని ఆనందంగా గడుపుతారు. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. జీవిత భాగస్వామితో నెలకొన్న మనస్పర్ధలు తొలగిపోతాయి.
సింహరాశి: కుటుంబంలో ఆహ్లాద తర్వాత వాతావరణం ఉంటుంది. ఉద్యోగులకు ప్రోత్సాహకాలు లభిస్తాయి. వ్యాపారులకు మెరుగైన లాభాలు అందుతాయి. న్యాయవాద రంగంలో ఉన్నవారికి ఊహించని పదవీ బాధ్యతలు అందుతాయి. మానసిక ఉల్లాసాన్ని పెంపొందించే సంఘటనలు చోటు చేసుకుంటాయి. పిల్లలతో కలిసి ఆనందంగా గడుపుతారు.
కన్య రాశి: కోపాన్ని అదుపులో ఉంచుకోండి. ఆప్తులతో మాట పట్టింపులు పెరుగుతాయి. ఉద్యోగులకు అదనపు బాధ్యతలు పెరగడం వల్ల మానసిక ఒత్తిడికి లోనవుతారు. స్వల్ప అనారోగ్యం ఇబ్బంది పెడుతుంది. రుణదాతల ఒత్తిడి ఎక్కువవుతుంది. అనవసర ఖర్చులు పెరిగినప్పటికీ రుణాలు జోలికి పోవద్దు.
తులారాశి: అనుకూల సమయం.సమయస్ఫూర్తితో వ్యవహరించి ఒక సమస్య నుంచి బయటపడతారు. అవసరానికి బంధుమిత్రుల తోడ్పాటు లభిస్తుంది. ఆర్థిక పరిస్థితి గతం కంటే మెరుగ్గా ఉంటుంది. గతంలో పెట్టిన పెట్టుబడుల ద్వారా వ్యాపారులు విశేషమైన లాభాలు పొందుతారు. విదేశీ విద్యను అభ్యసించాలనుకునే విద్యార్థులకు శుభవార్తలు అందుతాయి.
వృశ్చిక రాశి: కుటుంబ సభ్యుల ప్రవర్తనతో కలత చెందుతారు. చేపట్టిన పనులు ఆలస్యంగా పూర్తవుతాయి. ఇచ్చిన మాటను నిలబెట్టుకునే ప్రయత్నం చేయాలి. జీవిత భాగస్వామితో స్వల్పంగా విభేదించాల్సి రావచ్చు. వ్యక్తిగత సమస్యలను ఇంటి పెద్దల జోక్యంతో పరిష్కరించుకుంటారు. ఎవరితోనూ విభేదాలు పెట్టుకోకండి.
ధనస్సు రాశి: మిశ్రమకాలం. ఏదైనా పని మొదలు పెట్టేటప్పుడు కుటుంబ సభ్యులతో చర్చించడం మంచిది. ప్రత్యర్థులు తప్పుదారి పట్టించే ప్రమాదం ఉంది. వ్యాపార భాగస్వామ్యుల ప్రవర్తనను గమనిస్తూ ఉండండి. కుటుంబంలో నెలకొన్న సమస్యలు పరిష్కారమవుతాయి.
మకర రాశి: అదృష్ట కాలం. కోర్టు కేసుల నుంచి బయటపడతారు. కుటుంబ సభ్యులతో కలిసి విలువైన సమయాన్ని గడుపుతారు. జీవిత భాగస్వామితో నెలకొన్న మనస్పర్ధలు తొలగిపోతాయి. పిల్లల భవిష్యత్తుకు సంబంధించి కీలక నిర్ణయం తీసుకుంటారు. వ్యాపారులకు విశేషమైన లాభాలు అందుతాయి. దీర్ఘకాలికంగా పెండింగ్లో ఉన్న కోర్టు కేసుల్లో విజయం సాధిస్తారు.
కుంభరాశి: అదృష్ట కాలం. గత కొంతకాలంగా ఇబ్బంది పెడుతున్న సమస్యల నుంచి బయటపడతారు.కుటుంబంలో శుభకార్యాల ప్రస్తావన వస్తుంది. అవివాహితులకు వివాహ ప్రయత్నాలు ఫలిస్తాయి. చేపట్టిన పనులు పట్టుదలతో పూర్తి చేస్తారు. సమయస్ఫూర్తితో వ్యవహరించి పై అధికారుల మెప్పు పొందుతారు. ఉద్యోగులకు ఇంక్రిమెంట్లు, ప్రమోషన్లు అందుతాయి.
మీన రాశి: మిశ్రమకాలం. పని భారం పెరుగుతుంది. ఒత్తిడికి లోనవుతారు. ఆరోగ్యాన్ని నిర్లక్ష్యం చేయరాదు. అపరిచితులతో మిత సంభాషణ మంచిది. ఆర్థిక లావాదేవీల విషయంలో జాగ్రత్తగా ఉండండి.నూతన వ్యాపారాలు మొదలు పెట్టాలనుకునే వారికి ఈరోజు అనుకూల సమయం.