పంచాంగం
తేదీ 19-03-2025, బుధవారం , శ్రీ క్రోధి నామ సంవత్సరం, ఉత్తరాయణం, ఫాల్గుణ మాసం, శిశిర ఋతువు.
సూర్యోదయం: ఉదయం 6.13 గంటలకు.
సూర్యాస్తమయం: సాయంత్రం 6:08 గంటలకు.
తిథి: బహుళ పంచమి రా. 8.58 వరకు తదుపరి షష్ఠి
నక్షత్రం: విశాఖ సా. 5.44 వరకు తదుపరి అనురాధ
శుభ సమయం: ఏమీ లేవు
దుర్ముహూర్తం: ప 11.36 నుంచి 12.24 వరకు
రాహుకాలం: మ. 12.00 నుంచి 1.30 వరకు
యమగండం: ఉ. 7.30 నుంచి 9.00 వరకు
రాశి ఫలాలు
మేషరాశి: ఆర్థిక పరిస్థితి మెరుగ్గా ఉంటుంది. అవసరానికి తోబుట్టువుల నుంచి సాయం అందుతుంది. ప్రయాణాలు వాయిదా పడతాయి. ఆదాయ వనరులపై దృష్టి పెడతారు. కీలక వ్యవహారంలో తల్లిదండ్రుల మద్దతు లభిస్తుంది. తొందరపాటు నిర్ణయాలు తీసుకోకండి. ఇతరులతో సంభాషించేటప్పుడు ఆవేశాన్ని తగ్గించుకోండి.
వృషభ రాశి: కుటుంబంలో ఆహ్లాదకర వాతావరణం ఉంటుంది. మనశ్శాంతిని పెంచే సంఘటనలు చోటు చేసుకుంటాయి. మీ మాటకు విలువ పెరుగుతుంది. కుటుంబంలో శుభకార్యాలు జరుగుతాయి. పిల్లల భవిష్యత్తు గురించి కీలక నిర్ణయం తీసుకుంటారు. రుణ బాధలు తొలగిపోయేందుకు పరిష్కారం లభిస్తుంది.
మిథున రాశి: కొన్ని వ్యవహారాల్లో మీ అంచనాలు తప్పుతాయి. మీ ప్రవర్తన వల్ల ఇతరులు ఇబ్బంది పడే అవకాశం ఉంది. ఇతరులతో సంభాషించేటప్పుడు జాగ్రత్తగా ఉండండి. మీ మాటల వల్ల ఇష్టమైన వారిని దూరం చేసుకుంటారు. ఆర్థిక వ్యవహారాల్లో జాగ్రత్తగా ఉండండి. కొన్ని సందర్భాల్లో సొంత నిర్ణయాల వల్ల సమస్యల్లో పడతారు. వాహనాలు నడిపేటప్పుడు జాగ్రత్తగా ఉండండి.
కర్కాటక రాశి: ఆత్మవిశ్వాసాన్ని పెంపొందించే సంఘటనలు చోటు చేసుకుంటాయి. ఆధ్యాత్మిక కార్యక్రమాలపై ఆసక్తి పెరుగుతుంది. సామాజిక సేవా కార్యక్రమాల్లో పాల్గొని గుర్తింపు పొందుతారు. అవసరానికి డబ్బు చేతికి అందుతుంది. నూతన వ్యాపారాలు మొదలుపెట్టాలనుకునే వారికి అనుకూల సమయం.
సింహరాశి: ముఖ్యమైన వ్యవహారాల్లో స్వశక్తిని నమ్ముకోవడం మంచిది ఇతరులపై ఆధారపడకండి. అపరిచితులతో మిత సంభాషణ మంచిది. వివాదాలకు దూరంగా ఉండండి ఆప్తులతో కొన్ని సందర్భాల్లో విభేదించాల్సి రావచ్చు. కుటుంబ సభ్యుల మధ్య మనస్పర్ధలు ఏర్పడతాయి. అవి తీవ్రం కాకుండా జాగ్రత్త పడండి.
కన్యారాశి: మిశ్రమ కాలం. భవిష్యత్తు గురించి కీలక నిర్ణయం తీసుకుంటారు. ఉద్యోగులకు ప్రమోషన్లు, ఇంక్రిమెంట్లు అందుతాయి. పని ప్రదేశంలో ఆహ్లాదకర వాతావరణం ఉంటుంది. శ్రమకు తగిన గుర్తింపు లభిస్తుంది. ఆర్థిక పరిస్థితి మెరుగుపడుతుంది. విలువైన వస్తువులను కొనుగోలు చేస్తారు. ప్రమాదాలు జరిగే అవకాశం ఉన్నందున వాహనాలు నడిపేటప్పుడు జాగ్రత్తగా ఉండండి.
తులారాశి: ఉద్యోగులకు ఉన్నతాధికారుల నుంచి ప్రశంసలు లభిస్తాయి. పనితీరుతో ఇతరులను ఆకట్టుకుంటారు. కుటుంబంలో శుభకార్యాల ప్రస్తావన వస్తుంది. విదేశీ విద్యను అభ్యసించాలనుకునే విద్యార్థులకు శుభవార్తలు అందుతాయి. ఆర్థికంగా బలపడతారు.
వృశ్చిక రాశి: భాగస్వామ్య వ్యాపారాలు చేసేవారు జాగ్రత్తగా ఉండాలి. వ్యాపార ఒప్పంద పత్రాలను సరిచూసుకోండి. పెద్ద మొత్తంలో పెట్టుబడి పెట్టాలనుకునే ఆలోచనను వాయిదా వేయటం మంచిది. ముఖ్యమైన ఆర్థిక లావాదేవీలను కూడా ఈరోజు జరపకపోవడం ఉత్తమం. విలువైన వస్తువుల పట్ల జాగ్రత్తగా ఉండండి.
ధనస్సు రాశి: ఆప్తులతో కలిసి ఆనందంగా గడుపుతారు. బంధుమిత్రులతో కలిసి భవిష్యత్తుకు సంబంధించి ప్రణాళికలు రచిస్తారు. ఆర్థిక పరిస్థితి సాధారణంగా ఉంటుంది. ఆదాయ వనరులపై దృష్టి పెడతారు. మొండి బకాయిలు వసూలు అవ్వడం వల్ల రుణాలను పెద్ద మొత్తంలో తీర్చగలుగుతారు.
మకర రాశి: గిట్టని వారు ఇబ్బంది పెట్టాలని చూస్తారు. జాగ్రత్తగా ఉండండి. ఆర్థిక వ్యవహారాల్లో ఉదాసీనత పనికిరాదు. ఎవరిని నమ్మి డబ్బు అప్పుగా ఇవ్వకండి తిరిగి వసూలు ఇవ్వడం కష్టం అవుతుంది. ఉద్యోగులు అధికారులతో జాగ్రత్తగా వ్యవహరించండి. చేయని తప్పుకు నింద పడాల్సి రావచ్చు.
కుంభరాశి: ముఖ్యమైన విషయాల్లో ఏకపక్ష నిర్ణయాలు తీసుకోకండి. ఇంటి పెద్దల సలహా తీసుకోండి. ఎవరితోనూ వాగ్వాదానికి దిగకండి. కొందరి ప్రవర్తన బాధ కలిగిస్తుంది. మనశ్శాంతిని దూరం చేసే సంఘటనలు చోటు చేసుకుంటాయి. అనవసర ఖర్చులు పెరుగుతాయి. అధికారులతో జాగ్రత్తగా సంభాషించండి.
మీన రాశి: అప్రమత్తంగా ఉండాల్సిన సమయం. మీ మాటలను ఇతరులు తప్పుగా అర్థం చేసుకునే ప్రమాదం ఉంది. చెప్పుడు మాటలకు ప్రభావితం కాకుండా ఉండండి. మొహమాటానికి పోయి ఖర్చులు పెంచుకుంటారు. విలువైన వస్తువుల విషయంలో జాగ్రత్తగా ఉండండి. వివాదాలకు తావివ్వకండి.