పంచాంగం
తేదీ 19- 07- 2024, శుక్రవారం , శ్రీ క్రోధి నామ సంవత్సరం, దక్షిణాయణం, ఆషాఢ మాసం, గ్రీష్మ రుతువు.
సూర్యోదయం: ఉదయం 5:38 గంటలకు.
సూర్యాస్తమయం: సాయంత్రం 6:38 గంటలకు.
తిథి: శుక్ల త్రయోదశి సా 5.54 వరకు, తదుపరి చతుర్దశి.
నక్షత్రం: మూల రా. 2.40 వరకు, తదుపరి పూర్వాషాడ.
దుర్ముహూర్తం: ఉ 8.24 నుంచి 9.12 వరకు, తిరిగి 12.24 నుంచి 1.12 వరకు.
శుభ సమయం: సా. 5.00 నుంచి 6.00 వరకు.
రాహుకాలం: ఉ 10.30 నుంచి 12.00 వరకు.
యమగండం: మ. 3.00 నుంచి 4.30 వరకు
రాశి ఫలాలు
మేష రాశి: చాలా కాలంగా పెండింగ్ లో ఉన్న పనులు వేగవంతంగా పూర్తవుతాయి. గతం కంటే ఈరోజు మెరుగ్గా ఉంటుంది. అతిథుల రాక ఆనందాన్నిస్తుంది. బ్యాంకు రుణం కోసం ప్రయత్నిస్తున్న వారు సులభంగా పొందుతారు. చిన్ననాటి స్నేహితులను కలుసుకొని ఆనందంగా గడుపుతారు. కుటుంబ సభ్యుల మధ్య ఉన్న మనస్పర్ధలు తొలగిపోతాయి.
వృషభ రాశి: ప్రతి పనిలోనూ అడ్డంకులు ఎదురవుతాయి. సమస్యలు చుట్టుముడతాయి. కుటుంబ సభ్యులు సీజనల్ వ్యాధుల బారిన పడే ప్రమాదం ఉంది. నిర్లక్ష్యం చేయడం వల్ల వ్యాధి మరింత తీవ్రమౌతుంది. పెట్టుబడులు పెట్టాలనుకునే వ్యాపారులు వాయిదా వేయడం మంచిది. కొన్ని విషయాల్లో జీవిత భాగస్వామితో విభేదించాల్సి రావచ్చు. కుటుంబ సభ్యులతోనూ మనస్పర్ధలు పెరుగుతాయి.
మిథున రాశి: మిశ్రమ కాలం. పని భారం వల్ల ఒత్తిడికి లోనవుతారు. ఎవరిని నమ్మి వ్యాపార భాగస్వాములుగా చేర్చుకోరాదు. వ్యాపారులు కొన్ని ఇబ్బందులు ఎదుర్కోవచ్చు. కొత్త వ్యక్తుల పరిచయం వల్ల ప్రయోజనం ఉంటుంది. ఎవరితోనూ విభేదించరాదు. అధికారులు మీ పనితీరు పట్ల సంతృప్తిగా ఉండకపోవచ్చు.
కర్కాటక రాశి: ఎవరితోనూ వాగ్వాదానికి దిగకూడదు. అనవసర విషయాల్లో జోక్యం చేసుకోరాదు. కుటుంబ సభ్యుల మధ్య మనస్పర్ధలు మరింత పెరుగుతాయి. విద్యార్థులకు ఒత్తిడి ఎక్కువవుతుంది. మీ చుట్టూ ఉన్న వ్యక్తుల పట్ల అప్రమత్తంగా ఉండాలి. గిట్టని వారు తప్పుదోవ పట్టించే ప్రమాదం ఉంది. ఆర్థిక సమస్యలు తగ్గు ముఖం పడతాయి.
సింహరాశి: శుభకాలం. కుటుంబంలో శుభకార్యాలు జరుగుతాయి. ఇంటి సభ్యులతో కలిసి విందు, వినోద కార్యక్రమాల్లో పాల్గొంటారు. తోబుట్టువులను కలుసుకుంటారు. చాలా కాలంగా వేధిస్తున్న ఒక సమస్య తల్లిదండ్రుల జోక్యంతో పరిష్కారం అవుతుంది. వ్యాపార లావాదేవీల పట్ల అప్రమత్తంగా ఉండాలి. వ్యాపారానికి సంబంధించిన పత్రాలను జాగ్రత్తగా చూసుకోవాలి.
కన్యా రాశి: ఈ రాశి వారి ప్రవర్తనలో సంయమనం పాటించాలి. పనిచేసే ప్రదేశంలో ఉద్యోగులు చిక్కులు ఎదుర్కోవచ్చు. అది మీ ప్రమోషన్ పై ప్రభావం చూపుతుంది. అపరిచితులకు దూరంగా ఉండండి. కొన్ని ముఖ్యమైన పనుల కోసం దూర ప్రయాణాలు చేయవలసి వస్తుంది. కొందరు మీ పనులకు అడ్డంకులు సృష్టించే అవకాశం ఉంది. విద్యార్థులు తమ ప్రతిభతో అందరినీ ఆకట్టుకుంటారు.
తులారాశి: ఈరోజు ఈ రాశి వారు ప్రతికూల వాతావరణాన్ని ఎదుర్కొంటారు. కొంత మేర ఆస్తి నష్టం సంభవిస్తుంది. విద్యార్థులు మానసిక ఒత్తిడి నుంచి ఉపశమనం పొందుతారు. మీ ఇంట్లో శుభకార్యాలు జరిగే అవకాశం ఉంది. నూతన వాహనాలు కొనుగోలు చేస్తారు. ఉద్యోగులకు ప్రమోషన్లు అందుతాయి.
వృశ్చిక రాశి: పని ఒత్తిడి ఎక్కువ అవుతుంది. రాజకీయ రంగాల్లో ఉన్నవారికి కీర్తి ప్రతిష్టలు పెరుగుతాయి. చట్టపరమైన చిక్కులు ఎదుర్కొన్నప్పటికీ అనుభవజ్ఞుల జోక్యంతో బయటపడతారు. మీ మంచితనాన్ని ఇతరులు తప్పుగా అర్థం చేసుకునే ప్రమాదం ఉంది. గతంలో చేసిన పొరపాట్ల నుంచి గుణపాఠం నేర్చుకోవాలి. కుటుంబ సభ్యుల్లో ఒకరి అనారోగ్యం ఆందోళన కలిగిస్తుంది.
ధనస్సు రాశి: దూర ప్రయాణాలు చేసేవారు తమ విలువైన వస్తువులని జాగ్రత్తగా చూసుకోవాలి. అవి తస్కరణకు గురయ్యే ప్రమాదం ఉంది. ఆర్థిక సమస్యలు ఎదురైనప్పటికీ రుణాలు చేయకపోవడం మంచిది. కుటుంబ సభ్యుల అనారోగ్యం ఆందోళన కలిగిస్తుంది. జీవిత భాగస్వామితో విభేదించాల్సి రావచ్చు.
మకర రాశి: ఒత్తిడి వల్ల సరైన నిర్ణయాలు తీసుకోలేక పోతారు. పిల్లలతో దురుసుగా ప్రవర్తించడం మానుకోండి. వ్యక్తిగత విషయాలను ఎవరితోనూ పంచుకోరాదు. స్థిరాస్తి కొనుగోలు ప్రయత్నాలను వాయిదా వేయడం మంచిది. పెట్టుబడి పెట్టాలనుకునే వ్యాపారులకు కూడా సరైన సమయం కాదు. కొన్ని ఆర్థిక సమస్యలను ఎదుర్కొంటారు.
కుంభరాశి: ఎటువంటి వివాదాల్లోనూ జోక్యం చేసుకోకుండా ఉండాలి. చాలా కాలంగా పెండింగ్ లో ఉన్న కేసుల పరిష్కారానికి ముందడుగు పడుతుంది. స్టాక్ మార్కెట్లో పెట్టుబడి పెట్టాలనుకునే వారికి అనుకూల సమయం. అడ్డంకులను ఎదుర్కోవడానికి తోబుట్టువులు సాయం చేస్తారు. ఇంటి పెద్దల నుంచి ఆర్థిక సాయం అందుతుంది. చర్చల ద్వారా జీవిత భాగస్వామితో ఉన్న మనస్పర్ధలు తొలగిపోతాయి.
మీన రాశి: వ్యాపారులకు మొండి బకాయిలు చేతికి అందుతాయి. ఒడిదొడుకులు ఉన్నప్పటికీ వ్యాపారం లాభాల బాట పడుతుంది. పెట్టుబడి పెట్టాలనుకునే వ్యాపారులకు సరైన సమయం. కుటుంబ సభ్యుల్లో అవివాహితులకు వివాహ ప్రయత్నాలు ఫలిస్తాయి. దూర ప్రయాణాలు చేయాల్సి రావచ్చు. విలువైన వస్తువులను జాగ్రత్తగా చూసుకోవాలి.