పంచాంగం
తేదీ 19-02-2025, బుధవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.32 గంటలకు.
సూర్యాస్తమయం: సాయంత్రం 6:00 గంటలకు.
తిథి: బహుళ సప్తమి పూర్తిగా
నక్షత్రం: స్వాతి పూర్తిగా ఉ 8.11 వరకు తదుపరి విశాఖ
శుభ సమయం: ఉ 9.08 నుంచి 9.24 వరకు
దుర్ముహూర్తం: ప. 11.36 నుంచి 12.24 వరకు
రాహుకాలం: మ.12.00 నుంచి 1.30 వరకు
యమగండం: ప. 7.30 నుంచి 9.00 వరకు
రాశి ఫలాలు
మేషరాశి: బంధుమిత్రుల నుంచి శుభవార్తలు అందుకుంటారు. సానుకూల దృక్పథంతో ఉండండి. అనుకున్న పనులు నెరవేరుతాయి. అతి మంచితనం పనికిరాదు. ఎవరికైనా డబ్బు అప్పుగా ఇచ్చేముందు ఆలోచించి ఇవ్వడం మంచిది. ప్రయాణాల్లో కొద్దిపాటి జాగ్రత్తలు తీసుకోవాలి.
వృషభ రాశి: ఆత్మవిశ్వాసాన్ని పెంచే సంఘటనలు చోటు చేసుకుంటాయి కుటుంబంలో గత కొంతకాలంగా నెలకొన్న అనిశ్చితి కి పరిష్కారం దొరుకుతుంది. ధైర్యంగా ముందడుగు వేయండి. చేపట్టిన పనుల్లో శుభ ఫలితాలను అందుకుంటారు. బంధుమిత్రుల రాక ఆనందాన్నిస్తుంది. ఇతరులతో సంభాషించేటప్పుడు జాగ్రత్తగా వ్యవహరించండి.
మిథున రాశి: కుటుంబ సభ్యులతో కలిసి శుభకార్యాల్లో పాల్గొంటారు. అవివాహితులకు వివాహ ప్రయత్నాలు కొలిక్కి వస్తాయి. వ్యాపారులకు విశేషమైన లాభాలు అందుతాయి. మీ మాటకు విలువ పెరుగుతుంది. కీర్తి ప్రతిష్టలు పెంచే సంఘటనలు చోటు చేసుకుంటాయి. ప్రతికూల ఆలోచనలకు దూరంగా ఉండండి. ఆత్మవిశ్వాసాన్ని ఎట్టి పరిస్థితుల్లోనూ కోల్పోవద్దు.
కర్కాటక రాశి: గత కొంతకాలంగా ఇబ్బంది పెడుతున్న సమస్యల నుంచి బయటపడతారు. ఎవరికైనా డబ్బు అప్పుగా ఇచ్చే ముందు ఒకటికి రెండుసార్లు ఆలోచించండి. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. డబ్బు పొదుపు చేయడానికి అనుకూల సమయం. విద్యార్థులు మానసిక ఒత్తిడి నుంచి బయటపడతారు.
సింహరాశి: కోపాన్ని అదుపులో ఉంచుకోవాలి. ఇతరులతో సంభాషించేటప్పుడు జాగ్రత్తగా వ్యవహరించండి. మంచికి పోతే చెడు ఎదురవుతుంది. మీ మాటలను ఇతరులు తప్పుగా అర్థం చేసుకునే ప్రమాదం ఉంది. అహంభావాన్ని పక్కన పెట్టి వ్యక్తిగత సమస్యలను పరిష్కరించుకునే ప్రయత్నం చేయాలి. ఆర్థిక వ్యవహారాల్లో జాగ్రత్తగా ఉండండి.
కన్యా రాశి: కుటుంబ సభ్యులతో కలిసి శుభకార్యాల్లో పాల్గొంటారు. కుటుంబంలో ఒకరికి వివాహం నిశ్చయమవుతుంది. ఇష్టమైన వారితో కలిసి ఆనందంగా గడుపుతారు. అదనపు బాధ్యతలు పెరిగినప్పటికీ సమర్థవంతంగా నిర్వర్తించ గలుగుతారు. ఊహించని విధంగా డబ్బు చేతికందుతుంది. ఒక వ్యవహారంలో తోబుట్టువుల మద్దతు లభిస్తుంది.
తులారాశి: గత కొంతకాలంగా ఇబ్బంది పెడుతున్న కుటుంబ సమస్యల నుంచి బయటపడతారు. ఆర్థిక పరిస్థితి మెరుగుపడుతుంది. అనారోగ్య సమస్యల నుంచి ఉపశమనం పొందుతారు. విలువైన వస్తువులను సేకరిస్తారు. భూతగాదాలు కొలిక్కి వస్తాయి. ఆప్తులతో ఏర్పడిన మాట పట్టింపులు తొలగిపోతాయి.
వృశ్చిక రాశి: భావోద్వేగాలను అదుపులో ఉంచుకోండి. ఎవరిని అతిగా నమ్మకండి. అపరిచితులతో జాగ్రత్త. ఆర్థిక లావాదేవీలు జరిపేటప్పుడు అప్రమత్తంగా ఉండండి. మీది కానీ వ్యవహారంలో తల దూర్చడం వల్ల న్యాయపరమైన చిక్కులు ఎదుర్కోవాల్సి రావచ్చు. ఇష్టమైన వారిని కోల్పోయే ప్రమాదం ఉంది. ఖర్చులను అదుపులో ఉంచుకోవాలి.
ధనస్సు రాశి: అదృష్ట కాలం. సొంతింటి కల నెరవేర్చుకునేందుకు తొలి అడుగు పడుతుంది. ఉద్యోగులకు చాలా కాలంగా ఎదురుచూస్తున్న ప్రమోషన్లు అందుతాయి. పై అధికారుల ప్రశంసలు దక్కుతాయి. వ్యాపారులకు గతంలో పెట్టిన పెట్టుబడి ద్వారా విశేషమైన లాభాలు అందుతాయి. శ్రమకు తగ్గ ఫలితం ఉంటుంది సంతానాభివృద్ధికి సంబంధించి శుభవార్తలు వింటారు.
మకర రాశి: సానుకూల వాతావరణం ఉంటుంది. నూతన వ్యాపారాలు మొదలుపెట్టాలనుకునే వారికి అనుకూల సమయం. ఎవరికైనా డబ్బు అప్పుగా ఇచ్చే ముందు సలహా తీసుకోండి. పెద్ద మొత్తంలో పెట్టుబడి పెట్టాలనుకునే వ్యాపారులు ఆ ప్రయత్నాలు మొదలు పెట్టొచ్చు. న్యాయవాద రంగంలో ఉన్నవారికి విశేషమైన గుర్తింపు లభిస్తుంది.
కుంభరాశి: చేపట్టిన పనులు విజయవంతం అవుతారు. కుటుంబ సభ్యుల నుంచి కీలక సమయాల్లో మద్దతు లభిస్తుంది. ఊహించని ధన లాభం కలుగుతుంది. కుటుంబంలో శుభకార్యాల ప్రస్తావన వస్తుంది. ఉదర సంబంధిత అనారోగ్యం ఇబ్బంది పెట్టే అవకాశం ఉంది. ఆహార నియమాలు పాటించండి. తగినంత విశ్రాంతి అవసరం.
మీన రాశి: చేపట్టిన పనుల్లో కొద్దిపాటి ఆటంకాలు ఏర్పడతాయి. ఏదైనా పని మొదలుపెట్టే ముందు కుటుంబ సభ్యులను సంప్రదించడం మంచిది. ఆకస్మిక ప్రయాణాలు చేయాల్సి రావచ్చు. మాటలను అదుపులో ఉంచుకోండి.కొన్ని సమయాల్లో మౌనంగా ఉండటం మంచిది. ఖర్చులు పెరిగినప్పటికీ రుణాల జోలికి పోవద్దు.