రాశి ఫలాలు: శనివారం 19 ఫిబ్రవరి 2022

పంచాంగం

శ్రీ ప్లవనామ సంవత్సరం ఉత్తరాయణం శిశిర ఋతువు మాఘమాసం కృష్ణపక్షం

సూర్యోదయం: ఉ 6:30
సూర్యాస్తమయం : సా‌.6:00
తిథి: మాఘ బహుళ తదియ రా.10:22 వరకు తదుపరి చవితి
సంస్కృతవారం: స్థిరవాసరః (శనివారం)
నక్షత్రము : ఉత్తర సా.5:27 వరకు తదుపరి హస్త
యోగం: ధృతి రా.5:42 వరకు శూల
కరణం: వనిజ ఉ.10:37 వరకు తదుపరి విష్టి
వర్జ్యం: రా.1:44 నుండి 3:19 వరకు
దుర్ముహూర్తం.:ఉ.6:00 నుండి 8:05 వరకు
రాహుకాలం: ఉ.9:00 నుండి 10:30 వరకు
యమగండం:మ.1:30 నుండి 3:00 వరకు
గుళికా కాలం :ఉ.6:44 నుండి 8:10 వరకు
బ్రాహ్మీ ముహూర్తం: తె.5:08 నుండి ఉ.5:56 వరకు
అమృతఘడియలు: ఉ.10:11 నుండి మ.11:48 వరకు
అభిజిత్ ముహూర్తం: మ.12:07 నుండి 12:53 వరకు

ఈరోజు (19-02-2022) రాశి ఫలితాలు

మేషం: ముఖ్యమైన పనులు సజావుగా పూర్తి చేస్తారు. గృహమున మిత్రులతో ఆనందంగా గడుపుతారు. చిన్ననాటి మిత్రులతో దైవ సేవాకార్యక్రమాలలో పాల్గొంటారు. వృత్తి వ్యాపారాలలో ఆర్థిక లాభాల అందుతాయి. వృత్తి ఉద్యోగాలలో పని ఒత్తిడి నుండి ఉపశమనం లభిస్తుంది. నూతన గృహాపకరణాలు కొనుగోలుచేస్తారు.

వృషభం: ఆర్థిక వ్యవహారాలు అంతంత మాత్రంగా సాగుతాయి. చేపట్టిన పనులలో శ్రమాధిక్యత పెరుగుతుంది. ఇతరులతో తొందరపడి మాట్లాడటం మంచిది కాదు. దూర ప్రయాణాలు వాయిదా పడతాయి. సంతాన అనారోగ్య సమస్యలు కొంత బాధిస్తాయి. వ్యాపారాలు, ఉద్యోగాలు నత్తనడకన సాగుతాయి.

మిథునం: ముఖ్యమైన పనులలో అవరోధాలు అధిగామిస్తారు. ఇంటా బయట పనిఒత్తిడి నుండి ఉపశమనం కలుగుతుంది. ఆధ్యాత్మిక కార్యక్రమాలపై ఆసక్తి పెరుగుతుంది. దూర ప్రయాణాలు లాభసాటిగా సాగుతాయి. వ్యాపారాలు లాభాలబాట పడుతాయి. నిరుద్యోగుల ప్రయత్నాలు ఫలిస్తాయి. ఉద్యోగస్థులకు పదోన్నతులు పెరుగుతాయి.

కర్కాటకం: కీలక వ్యవహారాలలో పెద్దల సలహాలు తీసుకుని ముందుకు సాగడం మంచిది. చేపట్టిన పనులు అతి కష్టంమీద పూర్తి చేస్తారు వృత్తి వ్యాపారాలు మందకోడిగా సాగుతాయి. ఉద్యోగస్తులు అధికారుల ఆగ్రహానికి గురికావలసి వస్తుంది. దైవ సేవ కార్యక్రమాలకు ఆహ్వానాలు అందుతాయి.

సింహం: బంధు మిత్రులతో గృహమున ఉత్సాహంగా గడుపుతారు. ఆర్థికంగా కొంత గందరగోళ పరిస్థితులు ఉంటాయి. కుటుంబ పెద్దల ఆరోగ్య విషయంలో శుభవార్తలు అందుతాయి. వృత్తి వ్యాపారాలలో భాగస్వామితో సఖ్యత కలుగుతుంది. ఉద్యోగాలలలో బాధ్యతలు సమర్థవంతంగా నిర్వర్తిస్తారు.

కన్య: కుటుంబ సభ్యులతో మాట పట్టింపులుంటాయి. ఆదాయ మార్గాలు మందగిస్తాయి.అనుకున్న సమయానికి పనులు పూర్తి కావు. ఇతరుల వ్యవహారాలలో జోక్యం చేసుకోకపోవడం మంచిది.భూ సంభందిత క్రయ విక్రయాల అంతంత మాత్రంగా సాగుతాయి. వ్యాపార ఉద్యోగాలు నిరుత్సాహపరుస్తాయి.

తుల: వ్యాపార వ్యవహారాలలో అవాంతరాలు అదిగమించి లాభాలు అందుకుంటారు. రుణదాతల ఒత్తిడి నుండి ఉపశమనం పొందుతారు. దూర ప్రయాణాలు లాభసాటిగా సాగుతాయి.కుటుంబ సభ్యులతో పుణ్యక్షేత్రాలు సందర్శిస్తారు. వృత్తి ఉద్యోగాలలో అనుకూలత పెరుగుతుంది.ఆర్థిక పరిస్థితి మెరుగుపడుతుంది.

వృశ్చికం: సమాజంలో ప్రముఖుల పరిచయాలు ఉత్సాహనిస్తాయి. గృహమునకు ఆప్తుల ఆగమనం ఆనందం కలిగిస్తుంది. చిన్ననాటి మిత్రులతో వివాదాలు పరిష్కార దిశగా సాగుతాయి. సోదరుల నుండి కీలక సమాచారం అందుతుంది. వ్యాపారాలు విస్తరణ ప్రయత్నాలు ఫలిస్తాయి. ఉద్యోగమున మరింత అనుకూల వాతావరణం ఉంటుంది.

ధనస్సు: నిరుద్యోగుల ప్రయత్నాలు సఫలం అవుతాయి. దైవనుగ్రహంతో కొన్ని పనులు పూర్తి చేస్తారు. సన్నిహితుల నుండి శుభవార్తలు అందుతాయి ముఖ్యమైన పనులలో ఆకస్మిక విజయం సాధిస్తారు. వ్యాపారాలు లాభాలబాట పడుతాయి. ఉద్యోగమున అధికారుల అనుగ్రహంతో కొన్ని పనులు పూర్తి చేస్తారు.

మకరం: చేపట్టిన పనులు వాయిదా వేస్తారు. ఆకస్మిక ప్రయాణ సూచనలున్నవి. జీవిత భాగస్వామితో చిన్నపాటి వివాదాలుంటాయి. వృధా ఖర్చులు పెరుగుతాయి. ఆరోగ్య విషయంలో మరింత అప్రమత్తంగా వ్యవహరించాలి. వృత్తి ఉద్యోగాలు సమస్యత్మకంగా సాగుతాయి. వ్యాపారాలలో మిశ్రమ ఫలితాలు ఉంటాయి.

కుంభం: చేపట్టిన వ్యవహారాలు మందగిస్తాయి. ఇంట బయట పని ఒత్తిడి పెరుగుతుంది. వృత్తి వ్యాపారాలలో ఆకస్మికంగా కొన్ని నిర్ణయాలు మార్చుకుంటారు. జీవిత భాగస్వామితో విభేదాలు కలుగుతాయి. వ్యాపారాలలో నూతన పెట్టుబడుల అంతగా కలసిరావు. సంతాన విద్యా విషయాలు నిరుత్సాహపరుస్తాయి.

మీనం: సన్నిహితులతో సఖ్యతగా వ్యవహారిస్తారు. ఇంటాబయటా నూతన ప్రోత్సాహకాలు అందుతాయి.ఆర్థిక పరిస్థితి అనుకూలిస్తుంది. విలువైన వస్తువులు కొనుగోలు చేస్తారు. చిన్ననాటి మిత్రుల నుంచి అరుదైన ఆహ్వానాలు అందుతాయి. వ్యాపారాలు విస్తరణకు సన్నిహితుల సహాయం అందుతుంది.