పంచాంగం
తేదీ 18-01-2025, శనివారం , శ్రీ క్రోధి నామ సంవత్సరం, ఉత్తరాయణం, పుష్యమాసం, హేమంత ఋతువు.
సూర్యోదయం: ఉదయం 6.38 గంటలకు.
సూర్యాస్తమయం: సాయంత్రం 5:45 గంటలకు.
తిథి: బహుళ పంచమి పూర్తిగా
నక్షత్రం: పుబ్బ మ. 3.01 వరకు, తదుపరి ఉత్తర
శుభ సమయం: ఉ 11.31 నుంచి 12.08 వరకు, తదుపరి 4.32 నుంచి 5.20 వరకు
దుర్ముహూర్తం: ఉ 6.00 నుంచి ఉ 7.36 వరకు
రాహుకాలం: ఉ 9.00 నుంచి 10.30 వరకు
యమగండం: మ. 1.30 నుంచి 3.00 వరకు
రాశి ఫలాలు
మేషరాశి : సరైన సమయంలో సరైన నిర్ణయాలు తీసుకుంటారు. కుటుంబంలో ప్రశాంతమైన వాతావరణం ఉంటుంది. విలాసవంతమైన వస్తువులను కొనుగోలు చేస్తారు. ఆర్థిక అభివృద్ధి జరుగుతుంది. నూతన వ్యాపారాలు మొదలుపెట్టాలనుకునే వారికి అనుకూల సమయం.
వృషభ రాశి: మనశ్శాంతిని దూరం చేసే సంఘటనలకు దూరంగా ఉండండి. అనవసర ఖర్చులను నియంత్రించుకోవాలి. అవసరానికి తోబుట్టువుల నుంచి సాయం అందుతుంది. పెద్దల సమక్షంలో వ్యక్తిగత సమస్యలను పరిష్కరించుకోవాలి. ముఖ్యమైన పనులను వాయిదా వేయండి.
మిధున రాశి: ఆదాయంతో పాటు ఖర్చులు కూడా పెరుగుతాయి. రుణదాతల ఒత్తిడి ఎక్కువవుతుంది. మీది కానీ వ్యవహారంలో తలదూర్చకండి. పెద్ద మొత్తంలో పెట్టుబడి పెట్టాలనుకునే వ్యాపారులు అనుభవజ్ఞుల సలహా తీసుకోండి. కుటుంబ సభ్యుల మధ్య చిన్నపాటి విభేదాలు తలెత్తవచ్చు.
కర్కాటక రాశి: ఆరోగ్యంపై దృష్టి పెట్టాలి. గతంలో ఇబ్బంది పెట్టిన అనారోగ్య సమస్య మళ్ళీ తిరగబడుతుంది. ఆహార నియమాలు పాటించాలి. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు. కీలక సమయాల్లో కుటుంబ సభ్యుల నుంచి మద్దతు లభిస్తుంది. వ్యాపారులకు గతంలో పెట్టిన పెట్టుబడుల నుంచి అనూహ్యమైన లాభాలు అందుతాయి.
సింహరాశి: ఆర్థిక సమస్యల నుంచి బయటపడతారు. అనారోగ్య సమస్యల నుంచి ఉపశమనం పొందుతారు. కీలక సమయాల్లో కుటుంబ సభ్యుల మద్దతు లభిస్తుంది. విలాసవంతమైన వస్తువులు కొనుగోలు చేస్తారు. సంపద పెరుగుతుంది. ప్రతిభతో ఇతరులను ఆకట్టుకుంటారు. ఉద్యోగులకు ఉన్నతాధికారుల నుంచి మద్దతు లభిస్తుంది.
కన్య రాశి: విలువైన వస్తువులను కొనుగోలు చేస్తారు. అనారోగ్య సమస్యల నుంచి ఉపశమనం పొందుతారు. కుటుంబ సభ్యుల్లో కొందరి ప్రవర్తన బాధ కలిగిస్తుంది. రియల్ ఎస్టేట్ వ్యాపారులకు అనూహ్యమైన లాభాలు అందుతాయి. పిల్లల భవిష్యత్తు గురించి కీలక నిర్ణయం తీసుకుంటారు.
తులారాశి: చేపట్టిన పనులను విజయవంతంగా పూర్తి చేయగలుగుతారు. కోర్టు కేసుల నుంచి బయటపడతారు. న్యాయవాద వృత్తుల వారు శుభవార్తలు వింటారు. నూతన వ్యాపారాలు మొదలు పెట్టాలనుకునే వారికి అనుకూల సమయం. సొంతింటి కల నెరవేర్చుకునేందుకు తొలి అడుగు పడుతుంది. ఆర్థిక అభివృద్ధి జరుగుతుంది.
వృశ్చిక రాశి: అనారోగ్య సమస్యల నుంచి బయటపడతారు. చిన్ననాటి స్నేహితులను కలుసుకొని ఆనందంగా గడుపుతారు. కుటుంబ సభ్యుల్లో సఖ్యత పెరుగుతుంది. ఇంటి పెద్దల సాయంతో చిరకాల కోరికను నెరవేర్చుకుంటారు. నూతన వాహనాలు కొనుగోలు చేస్తారు. ఉద్యోగులు విధుల్లో భాగంగా దూర ప్రయాణాలు చేయాల్సి రావచ్చు.
ధనస్సు రాశి: ఆర్థిక పరిస్థితి ఆశాజనకంగా ఉంటుంది. ఆరోగ్యం సహకరిస్తుంది. అదనపు బాధ్యతలు పెరిగినప్పటికీ సమర్థవంతంగా వాటిని నిర్వర్తించగలుగుతారు. మీ ప్రతిభతో ఇతరుల ప్రశంసలు అందుకుంటారు. ఆధ్యాత్మిక కార్యక్రమాల్లో పాల్గొని గుర్తింపు పొందుతారు. సంతానలేమితో బాధపడుతున్న వారు శుభవార్తలు వింటారు.
మకర రాశి: పెద్ద మొత్తంలో రుణాలను తీర్చగలుగుతారు. వ్యాపారులకు గతంలో పెట్టిన పెట్టుబడుల ద్వారా విశేషమైన లాభాలు అందుతాయి. భాగస్వామ్య వ్యాపారాలు అనుకూలిస్తాయి. రాజకీయ రంగాల వారికి నూతన పదవీ లాభాల సూచితం. ఉద్యోగులకు కోరుకున్న చోట స్థానచలనం లభిస్తుంది. నూతన వాహనాలు కొనుగోలు చేస్తారు.
కుంభరాశి: ఆరోగ్యంపై దృష్టి పెట్టాలి సంపద పెరుగుతుంది. వ్యాపారులకు ఊహించని లాభాలు అందుతాయి నూతన వ్యాపారాలు మొదలు పెట్టాలనుకునే వారికి అనుకూల సమయం ఉద్యోగులు తమ పనితీరుతో ఉన్నతాధికారుల ప్రశంసలు అందుకుంటారు. విదేశీ విద్యను అభ్యసించాలనుకునే విద్యార్థులు శుభవార్తలు వింటారు. బంధుమిత్రులతో నెలకొన్న మనస్పర్ధలు తొలగిపోతాయి.
మీన రాశి: దీర్ఘకాలికంగా ఇబ్బంది పెడుతున్న అనారోగ్య సమస్య నుంచి ఉపశమనం పొందుతారు. అదనపు ఖర్చులను అదుపులో నియంత్రించుకోగలగాలి. సంపద సృష్టిపై శ్రద్ధ పెట్టాలి. భవిష్యత్తుకు ఉపయోగపడే ఒక ముఖ్యమైన వ్యక్తితో ఈరోజు ఈ రాశి వారికి పరిచయమవుతుంది. కీలక సమయాల్లో ఇంటి పెద్దల మద్దతు లభిస్తుంది. అవసరానికి సాయం చేసేవారు ఉన్నారు.